ناو: ئەنوەر
نازناو: زەنگی/دەروونی
ناوی باوک: شێخ ئیبراهیم
ساڵی لەدایکبوون: 1931
ڕۆژی کۆچی دوایی: #19-02-2006#
شوێنی لەدایکبوون: سابوونکەران / #سلێمانی# [1]

=KTML_Bold=شێخ ئەنوەری مەکتەبە کێیە؟=KTML_End=
سیمای هۆشیاری شارێک، پیاوێکی سەنگین و هێمن و تێکۆشەر و خوێنەواری شاری سلێمانی بوو.

شێخ ئەنوەری مەکتەبە، شاعیری چەوساوەکان، کۆڵێک پەرتووکی لە کۆڵ نابوو بە جادەی سابوونکەراندا هاتە خوارەوە بۆ شەقامی کاوە و لەبەر دەڕابە داخراوەکەیدا پەرتووکەکانی دانا و جگەرەیەکی داگیرساند و تێر سەیری دوکانەکەی کرد،
ئەو سەیری لێ دەهات هەموو شتێک گۆڕابوو ڕەنگی دەڕابە و ڕەنگی پەرتووک ڕەنگ و دەنگی خەڵکیش گۆڕابوو، ئەو چاوەچاوی ئەوەی بوو، مارف ناسراو و حەمەڕەشید هەرەس و عەبدوڵڵاحەیران و ڕەئوف حەسەن و ئەمین سەپان و محەمەد مەردان و محەمەد کەساس، بچن وەک جاران کلیلەکانی لێ وەربگرن و دەڕابەی دوکانەکەی بۆ هەڵبدەنەوە، ئەو چاوەڕوان بوو بەتەوقەی هاوڕێکانی دەستە تەزیوەکانی گەرمبکاتەوە، بەڵام ئەفسووس هەمووی خەوێکی قووڵی ناو گۆڕبوو. ئێستا ئەو لەوێیە و چاوەڕوانی کاروانی ئەدەبی شارەکەیەتی گەشەبکات و نما بکات و باڵای بگاتە حەوتەی ئاسمان، ئەو لە خەمی منداڵێکی پێ پەتی هەرچی دایکی ئەمشارەیە کردیە گریان، ئەو جوان بوو، بەجوانیش شتەکانی دەبینی و جوانەکانیشی خۆش دەویست، ئەو تەنیا خاوەنی مەکتەبەیەک نەبوو، خوێندەوارێکی بەهەست و بە هەڵوێست بوو، ...
ڕۆژانە سەردانم دەکرد چاوێکم دەخشان بە پەرتووکەکاندا، بێ ئەوەی پرسیار بکەم چاوەکانی دەخوێندمەوە کە پارەم پێیە یاخود نا، یان حەزم لە چ پەرتووکێکە، وامدەزانی هەرخۆم کەوتۆمەتە بەر ڕەحمەتی پێدانی پەرتووک و گۆڤار بەخۆڕایی، بەڵام زیاتر لە چەندین کەس لە جۆری دیارییەکەی منیان پێ دراوە،
ڕێکخراوی (CDO) کاری لەسەر بیرۆکەیەکی شێوەکار محەمەد فەتاح کرد و یادی کۆچەکەی شێخ ئەنوەری شاعیری بەرزڕاگرت، ڕۆژانە بەردەم پەرتووکخانەکەی وەک نانەوخانەوابوو چەندین کەسی لێبوو، هەندێک بەسەیر و تەماشا و هەندێک بە کڕین و هەندێک بە قسەوباس، بەردەم کتێبخانەکەی جمەی دەهات.

=KTML_Bold=شێخ ئەنوەر کێیە؟=KTML_End=
شێخ ئەنوەر کوڕی شێخ ئیبراهیم کوڕی باوە مەحموودە و دەچنەوە سەر بنەماڵەی بابانەکان، دەخرێتە قوتابخانە و تا پۆلی پێنجی سەرەتایی لە فەیسەڵییە دەبێت، پاشان بەهۆی کۆچی باوکی و گوزەران و بژێویی برا و خوشکەکانی ناتوانێت درێژە بە قوتابخانە بدات، ماوەیەکیش کارمەندی فەرمانگە دەبێت، پاشان لە جادەی کاوە (بازاڕی عەسری دیوی جادەی کاوە) مەکتەبەیەک دەکاتەوە بە ناوی نالی پاشان ناوەکەی گۆڕدرا بە شانۆ، ئەمە ساڵی 1971، ئەم پیاوە بڕوانامە و خوێندەواری وای نەبوو، بەڵام پەرتووک و ڕووناکبیرانی شاری لە خۆی کۆکردەوە، ئەم پیاوە بەحەقەت ڕۆشنبیربوو . لە خەمی چینایەتی و کۆمەڵایەتی و نەتەوەیی نیشتمانی، چوو یەخەی پەرتووکی گرت، یەخەی خوێنەوارەکانی شاری ڕاتەکاند، ئەو لەسەر حاڵ و ماڵی خۆی سەکۆیەکی مەعریفی درووستکرد، لە تەمەنی 75ساڵیدا و لە 19-02-2006 کۆچی دوایی کرد و لەگ ردی شێخ مارفی نۆدێ نێژراوە.
کۆچێکی ئەبەدی کرد و ئەو سەفەرەی کرد نەگەڕایەوە بەردەرکی سەرا و شەقامی کاوە و چایخانەی شەعب و حەمامی موفتی و جادەی سابوونکەران، ئەو ڕۆیشت بەڵام چی بەجێهێشت؟
دنیایەک لە یادەوەری، دنیایەک لە وەفا و دڵسۆزی، بنچینەی ئەم شارە بە بنەماڵەیەکی خوێنەواری بابانی و مەکتەبەکەی شێخ مارفی نۆدێ خشت بە خشت دانرابێت، ڕۆڵەکانی کورد پڕن لە جوانی و جوامێری و دڵسۆزی و داهێنان، شێخی مەکتەبەش نموونەیەکی بەرجەستەیە.
ڕووناکبیرانی شارەکەی هەراسان کردبوو کە بۆ یادی کۆچی هاتبوون، ئەتووت بۆ شایی و لۆغان هاتوون ئەوانەی لەوێ وجودیان هەبوو ئەوەندە هەستیان بە خۆشحاڵی دەکرد وایاندەزانی شێخ دانیشتووە و خاوەنماڵ لە ماڵەوە ئەمان میوانی ئەو‌ ڕۆحە بەرزەفڕە جوانەن، ناکرێت ئێمە شێخ ئەنوەر بە خەڵک بناسێنین بەڵکوو بیریان دەخەینەوە کە پیاوێکی سەنگین و بەوەفا و دڵسۆزی شاری سلیمانی چۆن ژیاوە بە چ نەفەسێک پەرتووکی بەخۆڕایی داوەتە دەست خەڵک بۆ ئەوەی خەڵک هۆشیاربێت، ئەو ئەوەندە تامەزرۆی هۆشیاری گەلەکەی بوو تاقە کوڕەکەی ناوناوە هۆشیار، ئەو شێخێکی ئاسایی نەبوو، ئەو شێخەڵێکی گەورە و گرانی شار بوو، ئەو چەتری سەری سەدان هەتیوی بەرباران بوو، ئەو خۆرێک بوو ئاوابوونی مەحاڵە و ڕۆشنایی ڕۆژەکەشی شەوەزەنگی شەوی تاریکیش بە مانگەشەوەکەی ڕووناک دەکاتەوە.
چەندین نووسەر و هۆنەر لە دەوری وشەکانی خۆیان گەرم دەکردەوە، ئەو خاوەن هەستێکی زۆر ناسک بوو، خەڵک و شار و نەتەوە و نیشتمانی خۆی خۆش دەویست.

ئاواتی شاعیر دەڵێت شێخ ئەنوەر خاوەنی بڕوانامە و دکتۆرا نەبوو بەڵام دەکرێت چەندین ماستەر و دکتۆرا لەسەر ژیان و بەرهەمەکانی بهێنرێت، محەمەد مەردانی کۆمەڵەی کەلەپوور هۆنراوەیەکی هێنایەوە یادمان. جوتێ پێڵاو دەکرێت بکرێت بەباشترین دراما و فیلم .دەوەن
ئەم پیاوە خوێنەوارە زۆری هۆنراوەکانی نەدەنووسییەوە هەتا هۆشیاری کوڕی دەڵێت لەگەڵ شێوەی خوشکم کە هۆنراوەی دەووت بەپەلەپەل لە دەمی وەرماندەگرت و دەمانووسییەوە یان هاوڕێکانی ئەوەی ییریان بێ تۆماریان کردووە، چونکە وەکوو خۆی قەناعەتی بە نووسینەوە نەبووە، هەر بۆیە زۆری هۆنراوەکانی هەڵەی تێدایە یان بە دوو جۆر هاتووە یان ونبووە،
زۆر لە هونەرمەندە گۆرانیبێژەکان هۆنراوەکانیان کردووە بە گۆرانی یان بە مەقام وتووتۆتەوە، وەکوو حەمەجەزا و حەمەی نێرگز و حمەڕەئوف کەرکووکی، کەمال محەمەد، میدیا حسێن، ئەژدەر وەهبی، سامان عومەر...هتد.

چوارینەیەک لە هۆنراوەکانی شێخ ئەنوەر
دەڵێن سرووشت خەتاناکا، لەبەرچی تۆ ئەوەندە جوانی
هەزارانی وەکوو من..ئاهی جوانی تۆ بوو سووتانی
لە سایەی سامانی جوانیتا سەری کڕنوشی بەرپێتم
ئەوەی بۆ ڕووت نەسووتابێ، منم ئێستا کەوا شێتم؟
.........
ئامادەکار: مامۆستا ئومێد [2]