بارو زرووف بە قازانجو وېما فاڕمۍ

کناچێ گەنجە مەلۊ پەی لاو ئەڎێش، چاگە باس جە کېشەکانو وېش کەرۊن پەیش، کە بە تەرزێ هیلاکە بیېنەو تەواناو کېشەکاش نەمەنېنە.
ئەڎاش ماچۊ: با بلمۍ پەی چاشتخانەکەی، کناچەکېش بەرۊ و پېوەرە ملان، ئەڎاکېش یەرۍ کتریۍ پەڕکەرۊ ئاوی و منیۊشا سەرو ئایېریۆ پەی ئانەی گریا، کتریەی یەکەمە گېزەرێش ۋستەنە، (هېڵێ) کاڵش ۋستەنە دلۍ کتریۍ دوەمۍ، چن (دڼە قاوێ) ش کەردېنە دلۍ کتریۍ یەرەمۍ.
دمای ویس خولا ئایېرو چېرو کتریەکاش کۊشناوە، گېزەرە گریاکەش وست سەرو قاپێ، هېڵە گریاکەیچش سەرو قاپێ تەریۆ نیارە، قاوە گریاکەیچش کەردەنە دلۍ کووپێ.
ئەڎاکۍ بە کناچەکېش ماچۊ: چېش مەوینی؟
کناچەکېش ماچۊ: گېزەرێ گریێ، هېڵێ گریا، کووپێ قاوە.
ئەڎاکېش ماچۊ: دەس بدە گېزەرەکەی بزانە چەنېنەن؟ ئاڎیچە ماچۆ: نەرمەن، دمایی ماچۊ هېڵەکەی ماڕە، ماڕاش، هېڵێ سفت و سوڵ، دیسان ماچۊ: تاموو کووپە قاوەکەی کەرە، کناچەکۍ ماچۊ: ماناو ئی هەرمانا چېشەن؟
ئەڎاکۍ ماچۊ: هەر یەرە مادەکە هەمان بارو زرووفی سەختەنە، دلۍ ئاوۍ قوڵبەقوڵېنە، بەڵام هەریۊشان کاردایێوە جیاوازشان بۍ، پی تەرزە:
گېزەرەکە سەرەتا ڕەق بۍ، بەڵام وەرگەو زرووفە سەختەکەیش نەگېرتو نەرم بییۆ، هېڵەکە سەرەتا ناسک و هەستیار بۍ، بەڵام وینمۍ دلۍ ئا زرووفە سەختەینە چن سەرسەختانە وېگیریش کەرد، شلەکۍ دلېش ڕەقە بییە، دڼەکۍ قاوەی دلۍ ئاوەکېنە تاویێوەو ڕەنگەو ئاوەکېشا فاڕا.
ئەڎاکۍ ماچۊ: تۊ پېسەنی کامیشا؟وەختێ باروزرووفێ خراب و سەخت مێ ملتەرە، تۊ چەنی ڕەفتار کەری؟ پېسە گېزەری، هېڵەی، یان دڼە قاوەی؟
تەماشەکەرە، گېزەر بە ڕواڵەت ڕەقەن، بەڵام دلۍ ناوەشیەکانە نەرم بیۆ، هېڵە دلەکېش شلەنە، بە دڵێ نەرمۆ دەسپەنەکەرۊن، بەڵام دلۍ ناوەشیەکانە ڕەق مەبۊن و وەرگە گېرۊن، یان پېسە قاوەی کە سەرەڕاو وەرگەگېرتەی، ڕەنگەو ئاوەکېچش فاڕا، یانی باروزرووفەکەش بە قازانجو وېش فاڕا.
مەشۊم تۊ پېسەبی دڼەکا قاوەی، چن باروزرووف گران بۊن، تۊ خاستەرەبی، باروزرووف بە قازانجو تۊن.[1]