باسو دەسەڵاتو نەزەر عەلی سانی کوڕو حسێن بەگی کۊشیای جە کرماشانەنە.
دمای کوچی دمایېنو بارام سانی دوەمی و سەرەتاو دەسەڵاتو (نەزەر عەلی سان) ی جە هۆرامانەنە، نەزەر عەلی سان چەنی ڕەزا سانی برایش بە پەلە لوێ پەی خزمەتو سڵېمان پاشای و وېنزیک وستەیۆ چەنەش، بە تەماعەو وەرگېرتەی دەسەڵاتو هۆرامانی، جە پاداشتو ئانەینە، سەڎ تمەنۍ خەڵاتشا پەنەدا، چەنی ئانەیچ، کناچێوەشا پېشکەش کەرد. چونکم هۆرامان سەردەمو فەرمانڕەوایێ داڎپەروەری پېسە بارام سانینە بېیەن، موڵک و ماڵێ فرەش گلېرکەردەبێ، هیچ باکێش جە بەخشای ئا زەڕەیە نەبۍ.
نەزەر عەلی سان سەرەتا پېسە دەسەڵاتداری ستەمکاری حوکمداری کەرۍ، بەڵام دمایی بی بە دەسەڵاتدارێ عادل و داڎپەروەر، ماوەو یەرۍ ساڵا دەسەڵاتداری هۆرامانیش کەرد، دماتەر تەمامو کوردەسانی (سنە) ی کۆت چېرو دەسەڵاتو کرمانجەکا (تیرەو بابانەکا) ، نەزەر عەلی سان چەنی بەگزادەکا ڕوەو شارەزوور ڕەمێ. خالید سان هەتا دەگاو تەوېڵۍ ڕاوەش نیێ، نیمەشا بە دڵوەشین گېلیوەو نیمەکەی تەرشا تاڵانکریێ و ڕەمێ، دمای ساڵی نەزەر عەلی سان چەنی بەگزادەکا تەری لوێ پەی خزمەتو سڵېمان پاشای و ئاڎییچ ناوچەو (ڕوار) یش وست چېرو دەسەڵاتو نەزەر عەلی سانی. جەنگو مېیانو سەلیم پاشای و محەمەد حەسەن خانینە، نەزەر عەلی سان کۊشیا.
ساڵەو کوشیای نەزەر عەلی سانی (1755ز) جە دەربەڼو کرماشانی، تەرمەکەشا گېڵناوە پەی دەگاو (ڕوار) ی و چاگە بە خاکیشا ئەسپارا.
دماتەر خالید سان کوڕو بارام سانی دوەمی ئاما خزمەتو سەلیم پاشای و ئاڎییچ دەسەڵاتو هۆرامانیش وستەنە چېرو دەسیش و لواوە سەرو دەسەڵاتو وېش. پەی زانیاری، دەگاو (شۊشمۍ) چەقو دەسەڵاتو نەزەر عەلی سانی بیېنە، کە دەگێوە سەرسنووریەنە.[1]
کوردیپێدیا بەرپرس نییە لە ناوەڕۆکی ئەم تۆمارە و خاوەنەکەی لێی بەرپرسیارە. کوردیپێدیا بە مەبەستی ئەرشیڤکردن تۆماری کردووە.
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 846 جار بینراوە
ڕای خۆت دەربارەی ئەم بابەتە بنووسە!