ناڤ: لەتیف
ناڤێ بابێ: هەڵمەت
ساڵا ژ دایکبوونێ: 1947
جهێ ژ دایکبوونێ: #سلێمانی#
$ژیاننامە$
ژیان و ژدایکبوونا لەتیف هەڵمەتی ل دەستپێکا ساڵێن سەدەیێ بوریدا کو «شێخ محەممەد شێخ حەسەنێ کەسنەزانی» باپیرێ وی ل گوندێ کەسنەزانا باژاڕوکێ #قەرەداغ#ا سەر ب سلێمانیێ ڤە، ل وێرێ لەتیف وەکو ڕێبەڕەکێ ڕێبازا قادری بەرەف گەڕمیانێ دچیت و هندەک ژ دەڤەرێن دی بناڤێ هەردەی زەنگەنە، بنەی جاف، و بناری گل ل وان دەڤەران دبیتە دەروێش و بانگەوازییا خەلکی دکەت ژ بۆ تێکهەلبوون ب ڕێبازا قادرییان. باپیرێ هەلبەستڤانێ ناڤبڕی، د ژیانەکا ئەفسانەیی دا دژیا و سەربور و دەلیڤەیێن ژیار و ژیانکرنێ ژیانەکا شاعیرانە پێ بەخشییە، ژ بەر وان بیرەوەری و بیرهاتنێن وی دگەل کەسنەزانێ هەین پتریا جاران هەلبەست پێ داڕشتینە ژوان دێرە هەلبەستان ژی کو لسەر زارێ هندەک ژ دانعەمرێن بنەمالا ویدا ماینە یێن کو بیریا کەسنەزانێ کرینە و گوتینە:
بۆی بەیان مەیۆ... بۆی بەیان مەیۆ
بۆی تەهلیلەکەی کەسنەزان مەیۆ
ل سالا 1947-1950 ل مالا باپیرێ خوە ل #کفری# یێ ئاکنجی دبیت، هەلبەستڤانێ مە د بنەماڵەیەکا پڕی پەڕتۆک و ڕەوشەن هزریدا مەزن بوویە و ژیانکرییە. هەروەسا بابێ وی هەڵمەت کەنزە پەڕتۆکخانەیەکا ژێهاتی هەبوویە کو ژبلی قورئانا پیرۆز، سەرهاتیێن پێغەمبەران و چاکان و ب هزاران پەڕتۆکێن ئاینێن دی ژی هەبووینە کو ژ جوڕە ئەفسانە و داستان و حیکایەت و شڕوڤەیێن ئایەتێن قورئانا پیرۆز و ئینجیلا کوردی و دیوانێن هندەک ژ شاعرێن دی هەبوویە. بابێ لەتیف هەڵمەتی هەلبەستڤانێ ژێهاتی و تێر بەرهەم، کو هەردەم ستێرەکا گەش بوو ل ئاسمانێ ئەدەبیاتێ ب گشتی و هەلبەستێ ب تایبەتی، زێدەباری وێ چەندێ کو کومەڵە هەلبەستەک ل پاش وی ماینە، دوو پەڕتوکێن چاپکری هەبووینە، ئێک بناڤێ «میحراجا ڕاستی»ێ و یا دووێ کو ب زمانێ عەرەبی بناڤێ «نداء الحق»، هەروەسا بابێ هەلبەستڤانێ مە دوعا نڤێس بوو، ژوان جوڕە دوعایێن دنڤێسان: دێوە بەند، قاقەز بالا، ئەبوو دووجانە، سکپڕبوو و مناڵبوون، باران بارین وگرانەتاو و دەهان جوڕە نەخوشیێن دی دنڤێسان. لەتیف هەڵمەت هەر ل زارۆکینیا خوە ب گشتی و ل قوناغێن دەستپێکا ژیێ خوە دا ب تایبەتی عاشقێ ڕامان و سۆز و ڕیتما پەیڤێ بوو، د وان دەماندا بابێ وی ب درێژییا شەڤان هەلبەستێن حافزێ شیرازی و جەلالەدینێ ڕۆمی و سەعدیێ شیرازی ژ وانا ژی ب تایبەتی بوستان و گولستان و فەرەدەدینێ عەتار و هندەکێن دی دخواندن و شرۆڤەیێن دوور و درێژ ژ بۆ مێهڤان و دەروێش و مریدێن خوە دگۆتن و نهێنیێن ل پشت وان پەیڤ و جەڤەنگێن وان جوڕە هەلبەستان ڕوهن و زەلال دکرن. هەر ژوان ڕۆژ و پێدا لەتیف هەڵمەت سەودا سەر و عاشقێ هەلبەست و سوز و ئاواز و ڕامان و ڕیتما پەیڤێ و نهێنیێن وێ بوویە، هەروەسا هەلبەستێ ئاسمانەکێ نوێ و دەزویەکێ نوێ پێ بەخشیە، بنگەهێ خواندەڤانی و ڕەوشەنبیری و هەلبەستێ ژ بنەمالا وی دەستپێکر
یە، هەروەکی ئەو بخوە ژی دبێژیت: «ئەز قەردارێ پەڕتوکخانەیا بابێ خوە مە، ب سایا وێ من کومەڵە پەڕتوکێن ئەفسانەیی خواندنە: وەک فەرهاد و شرین و لەیل و مەجنوون وخوڕشید و خاوەر و ئەلف لەیلە، ڕوستەم و زوڕاب».
هەلبەستڤان لەتیف هەڵمەت د باژاڕەکی دا بوو کو کورد و عەرەب و تورکمان تێدا دژیان، هەر ژبەر وێ چەندێ زمانێ وی تورکمانیەکا ڕەهوان هەبوو و دگۆت کو: ئەز خەلکێ هەمی دەڤەرانم، خەلکێ پەیڤێ مە. ئەگەر جوداکرن بیت، کو ببێژم خەلکێ کفریێ مە، ئەڤە دێ جوداکرنا کفریێ بیت ژ کوردستانێ، ئەو چەندە ژی ژ لایێ منڤە یا پەسەندکری نینە، لێ بەلێ بنەماڵ و بەڕەبابێن من ژ سلێمانیێ نە. [1]