#بافڵ تاڵەبانی#، سەرۆکی #یەکێتیی نیشتمانیی کوردستان# لە دەباشان پێشوازیکرد لە ڕۆزی کەیڤ، کونسوڵی نوێی بەڕیتانیا لە هەرێمی کوردستان.
لە دیدارەکەدا #ئاسۆ مامەند# و #شاناز ئیبراهیم ئەحمەد# ئەندامانی دەستەی کارگێڕی ئامادەبوون، سەرۆک بافڵ وێڕای پیرۆزبایی کردن لە کونسوڵی نوێی بەڕیتانیا لە هەرێم، هیوای سەرکەوتنی بۆ خواست و داوایکرد هاوکاربێت لەبەرەوپێشچوونی پەیوەندییەکان.
لە درێژەی دیدارەکەدا دۆخی سیاسیی هەرێم و ئێراق، ئازادی ڕادەربڕین و ڕووبەڕووبوونەوەی تیرۆر گفتوگۆی لەبارەوەکرا، هەردوولا جەختیان لە یەکخستنی هەوڵەکان کردەوە لەپێناو پاراستنی سەقامگیری و حومکڕانییەکی تەندرووست لە وڵاتدا.
سەبارەت بە هەماهەنگییە کەلتووری و فەرهەنگییەکان هەردوولا جەختیان لە پەرەپێدانی پەیوەندییەکان و فراوانکردنی هاریکارییەکانی نێوان بەڕیتانیا و هەرێمی کوردستان کردەوە. [1]