Şandeyên hikumeta Şamê û çeteyên girêdayî #dewleta Tirk# a dagirker gihaştin #Kazaxistan#ê da ku beşdarî civînên Astanayê bibin. Civîn dê 2 rojan dewam bike û dewleta Tirk a dagirker, Rûsya, Îran û nûnerên dewletên çavdêr jî dê beşdar bibin.
Îro gera 19'an a civînên Astanayê li paytexta Kazaxistanê dest pê kir. Ev jî hemwextî wê yekê ye ku dewleta Tirk a dagirker êrişên xwe yên hewayî û bejahî li ser herêmên Bakur û Rojhilatê Sûriyê didomîne.
Cîgirê wezîrê karên derve û şandeyê serokê Rûsyayê ji bo Rojhilata Navîn û Afrîkayê Mikhail Bogdanov beriya çend rojan ragihandibû ku gera bê ya her sê aliyên Astanayê (Rûsya, Tirkiye, Îran) ya der barê Sûriyê de, dê di 22-23'yê Mijdarê de bê lidarxistin.[1]