زۆر بەرێزان سەرکردایەتی حیزبی دێموکراتی کوردستانی ئێران
هەواڵی یەکگرتنەوەی بنەمالەی گەورەی حیزبی دیمۆکرات بوو بە مایەی خۆشحالیمان، بۆیە لەم پەیوەندییەدا بزووتنەوەی کۆماریخوازانی ڕۆژهەڵاتی کوردستان، زۆر بە گەرمی پیرۆزبایی یەکگرتنەوەی ڕێزەکانی حیزبی دێموکرات حدک و حدکا، و سەرئەنجام ڕاگەیاندنی دەستپێکی تێکۆشانتان لە چوارچێوەی حیزبێکی یەکگرتوو، بەناوی حیزبی دیمۆکراتی کوردستانی ئێران، ئاراستەی ئێوەی هێژا و تێکۆشەر دەکات.
بزووتنەوەی کۆماریخوازی ڕۆژهەڵاتی کوردستان یەکگرتنەوەی دێموکراتەکان کە پشتئەستوور بە هێز و دینەمۆ و ئازموونی 77سال خەباتی گشت ڕەهەندی لەپێناو دەستخستنی ئامانجی گەلی کورد لە ڕۆژهەلاتی کوردستانن، بۆ دەستپێکردنی خەباتێکی نوێ، بەشێواز و مێتودی نوێ بەلام کەم تێچوو، لە پێناو دەستەبەرکردنی مافی قایم بەزاتی کوردی ڕۆژهەلاتی کوردستاندا، بە خاڵێکی ئیجابی و گرنگ دەنرخێنێت. بۆیە بزووتنەوەی کۆماریخوازان هێواخوازە کە حیزبی دیمۆکراتی کوردستانی ئێران دەگەل ڕێزێرۆکردنی مافی دیفاع و بەرگری ڕەوا، ئەم جارە هەولبدات بەلکوو لە دەستپێکی خەباتی تازەیدا، ئیستراتێژی و ئامانجی ئیستراتێژیکی خەباتی، بە شێواز و مێتۆدگەلێکی کەم تێچوو لە خەباتدا تەیار بکات، کە لەئەنجامدا دەگەل پاراستنی ئەمنیەتی فیزیکی ئەندامان و پێشمەرگەکان، و گشت خەلکی ناوخۆی وەلات، و هەروەها مەسلەحەتی حکومەتی هەرێمی کوردستانیش لە ناوچەدا ڕەچاو و مسەوگەر بکات.
بێشک ئەم دەستپێشخەریە نایاب و کارسازە حیزبی و نیشتیمانیە، دەتوانی لە بووارگەلی ڕێکخراوەیی، گۆفتمانی، وە شێوازگەلی خەباتی سیاسی، مەدەنی و سەربازی(دیفاع و بەرگری ڕەوا) ڕێخۆشکەر و شوێندانەر بێت لەسەر ئاستی کۆی سیستەمی حیزب کوردستانی، بۆ ئەوەی لەئەنجامدا دەگەل بەجەماوەری کردنی گۆفتمانی موەحەدی سیاسی، لەئاکامدا ساغکردنەوەی سازانی نیشتمانی و یەکگرتوویی ناوماڵی کورد لە ڕۆژهەڵاتی کوردستانی لێبکەوێتەوە، کە بێگوومان ئەو یەکگرتوویی و سازانی ناومالی کوردەش لە تەعاموول دەگەل لایەنی بەرامبەر، سەرئەنجام پشتئەستوور بە هێز و گۆفتمان و کرداری موەحەد، دابینکردنی مافی پێشێلکراویی کورد، بە ئەمری واقیع تەبدیل دەکات.
بزووتنەوەی کۆماریخوازانی ڕۆژهەڵاتی کوردستان وێرای بەرزنرخاندنی ئەم هەوڵە بۆ یەکگرتنەوەی ڕێزەکانی حیزبی دێموکرات، دیسانەوە پیرۆزبایی ئاراستەی گشت تێکۆشەرانی حیزبی و گەلی کورد لە کوردستانی ئێران دەکات، و هیواخوازە کە ئەم دەستپێشخەریە لەپێناو ساغکردنەوەی یەکانگیری ڕیزەکانی حیزبی، تەشەنەی بستێنێت و بکرێتە بنەمای لێکتێگەیشتنێکی گشتگیرانە و هاوبەشی نێوانحیزبی سەرجەم حیزب و ڕێکخراوەکانی ڕۆژهەڵاتی کوردستان، و پشت ئەستوور بەهێزێکی یەکانگیر و قائیم و وەفادار بە ساز و کاری دێموکراسی کۆنسێسوال و تەوافقی، کۆی هێز و توانای کورد لە پێناو دەستەبەرکردنی ئەسڵی سەروەری سیاسی و نەتەوەیی لە شکلی مومکین بۆ کوردی ڕۆژهەڵات جەهەتدار بکات، و سەرئەنجام چەسپاندنی ئاشتی و ئازادی، بەختەوەری و هاوژینی بەئاشتی و تەناهی بۆ گەلی کورد لە ڕۆژهەڵات دا، مسۆگەر بکات.
سەربەرزی و سەرفەرازی و پێشوەچوونی زیاترتان بۆ ئاواتەخوازین
لەگەڵ ڕێزمان دا..
بزووتنەوی کۆماریخوازانی ڕۆژهەڵاتی کوردستان
3ی خەرمانانی 2722 کوردی
25ی ئاگۆستی 2022 زایینی