کە ڕۆژی وەسڵی ئاوا بوو بە چاو گریان نەکەم، چ بکەم؟
شەوی هیجرانی وا داهات، کە دڵ بریانی نەکەم چ بکەم؟
بە کینەی من دوبارە چەرخی کەچ وا کەچ مەداری کرد
منی بێ تالعیش بەو نەوعە گەر دەوران نەکەم چ بکەم؟
بەبێ یارم حەیات تەڵخ و ئەجەل شیرینە ئێستاکە
لە عەیدا گەر ڕوحی شیرینی خۆم قوربان نەکەم چ بکەم؟
وەکوو دەوری فەلەک دائیم لە دەوری یار نەبم، یاران
فەرامۆشیم بە کێ دێ، دڵ کە سەرگەردان نەکەم چ بکەم؟
ئەگەر دەرمان نەکا بیماریی دڵ بێوەفا یارم
له دەردی بێ دەوا گەر چاوەرێی لوقمان نەکەم چ بکەم
وەکوو یووسف لە زیندانی غەما حەبسی عەزیزێکم
لە بۆ تەسکینی جارێ ڕوو لە لای کەنعان نەکەم چ بکەم
تەبیب نەیت و دەوای دەردت نەدا چارت نییە، (سافی)
بە مردن گەر عیلاجی دەردی بێ دەرمان نەکەم چ بکەم
#سافی هیرانی#[1]