دەقی ڕاگەیەندراوەکەی #پەکەکە#:
ئێمە وەکو گەل و بزوتنەوە لە 42هەمین ساڵیادی دامەزراندنی فەرمی پەکەکەداین. لە 27ی تشرینی دووەم پارتەکەمان پەکەکە 42 ساڵ بە دوای خۆیدا بەجێ دەهێڵێت و دەچێتە 43هەمین ساڵیادی دامەزراندنیەوە. بەم بۆنەیەوە 27ی تشرینی دووەم ڕۆژی بونیادنانی پارتەکەمان، جەژنی ژیانەوەی نەتەوەیی لە ڕێبەری ئاپۆ، هەموو هاوڕێکانمان، گەلە وڵاتپارێزەکەمان و دۆستانی شۆڕشگێر و کەسانی دیموکراتخواز پیرۆز دەکەین و لە 43هەمین ساڵیادی تێکۆشان و دامەزراندنی پارتەکەماندا، هیوای سەرکەوتن دەخوازین. لە کەسایەتی یەکەم شەهیدی قارەمانماندا هەقی قارەر و شەهیدانی 42هەمین ساڵیادماندا هەر یەک لە هاوڕێ قاسم ئەنگین، لەیلا ئاگری، عەگین جڤیان، ئامارا باتمان و یلماز #دەرسیم# دا، بە ڕێز و حورمەتەوە یادی هەموو شەهیدان دەکەینەوە و بەڵێنیشمان بۆ بەدیهێنانی ئامانجەکانیان و خاوەنداریکردن لە بیرەوەریەکانیان دووپات دەکەینەوە.
ئاشکرایە کە ئێمە وەکو پارت و گەل لە 42هەمین ساڵیاددا تێکۆشانێکی گەورەمان بەڕێوە برد و چەندین شەهیدی بەنرخماندا. یەکێک لە دوایین شەهیدەکانیشمان هاوڕێ یلماز دەرسیم (ئیسماعیل سورگەچ) ئەندامی کۆمیتەی ناوەندی پەکەکە و فەرماندەی ناوچەی دەرسمی #هەپەگە# بوو کە لە 10ی تشرینی دووەم لە دەرسم لە ئەنجامی شەڕی دژی سوپای فاشیستی دەوڵەتی تورکدا شەهید بوو. هاوڕێ یلماز دەرسم چوار یەکی سەدە لە ناو ڕیزەکانی گەریلادا بۆ ئازادی گەلی کورد و ڕزگاری کوردستان بە شێوەیەکی قارەمانانە جەنگا، ئەو ملیتانێکی ئاپۆیی بوو. زۆربەی ژیانی شۆڕشگێری خۆی لە شاخەکانی دەرسیم لە ناو جەنگی گەریلادا تێپەڕاند و بوو بە ڕۆحی سەید ڕەزا و عەلیشێرەکان. بۆ ئەوەی تۆڵەی قڕکردنی دەرسیم بکاتەوە، شەڕێکی گەورە و سەرکەوتووی بەڕێوە برد. لە 83هەمین ساڵیادی لەسێدارەدانی خۆڕاگرانی دەرسم هەر یەک لە سەید ڕەزا و هاوەڵانیدا، لە ئەنجامی هێرشێکی فاشیست-قڕکەردا شەهید بوو. بەم بۆنەیەوە ئەو ڕۆڵەیەی دەرسیم، فێرخوازی مەدرەسەی ڕێبەر ئاپۆ، هاوڕێی مەزلوم و سارا هەڤاڵ یلماز دەرسیم بە ڕێز و حورمەتەوە یادی دەکەینەوە و بەڵێن دەدەین کە تۆڵەی دەکەینەوە و ئامانجەکانی بەدی دەهێنین.
هاوکات ئێمە لە قۆناغی 25ی تشرینی دووەمداین کە 'رۆژی جیهانی نەهێشتنی توندوتیژی دژبە ژنانە'. لە کوردستان و سەرتاسەری جیهان، ژنان لە دژی زیهنەیت و سیاسەت و ئەقلیەتی پیاوسالاری، لە دژی دەستدرێژیکردن و لاقەکردن و کۆمەڵکوژیی لە تێکۆشاندان. بەو ژنەلۆژیەی کە لە لایەن ڕێبەر ئاپۆوە خوڵقێنرا، بە ناوی پارتەکەمانەوە سڵاو دەنێرین بۆ ئەو خۆڕاگریە، ئەم بۆنەیە لەگەڵ تێکۆشانی ئازادی ژنان دەکەین بە یەک و بۆ سەرخستنیشی تێدەکۆشین. ئێمە تێکۆشانی دژی سیاسەت و زیهنیەتی پیاوسالاری وەکو تێکۆشانی شۆڕشگێری و ئازادیپارێزی دەبینین و بۆ ئەم تێکۆشانەش کە خۆی دەسپێرێتە فرەرەنگی و ئازادی کۆمەڵگا، هەموو هەوڵێکمان دەخەینەگەڕ. ئێمە لەو بڕوایەداین کە لە 25ی تشرینی دووەمدا تێکۆشانی دژی توندوتیژیەکانی دەوڵەت و پیاوسالاری، بەهێزتر دەبێت و هیوای سەرکەوتن بۆ ئەو ژنانە دەخوازین کە بۆ ئازادی تێدەکۆشن.
ئاشکرایە کە ڕاستی ڕێبەرایەتی و پەکەکە لە 42هەمین ساڵیادی پارتەکەماندا، بوو بە ئامانجی هێرشی لەناوبردن و نکۆڵیکردن کە بە پێشەنگایەتی ئەمریکا و بە هاوپەیمانی ئەمریکا-دەوڵەتی تورک-پەدەکە بە شێوەیەکی پلان بۆداڕێژراو بەڕێوەچوو. لەم هێرشەدا کە وەکو نوێکردنەوەی پلانگێرییە نێودەوڵەتیەکە بەڕێوەچوو، ویستیان لە باکور لەناوی بەرن، لە ڕۆژئاوا و باشوریش داگیری بکەن. بەم هێرشە فاشیت-قڕکەر و گشتگیرە کە سیستمی گۆشەگیری و ئەشکەنجەی ئیمرالی کردووە بە ناوەندی خۆی، ویستیان ڕاستی ڕێبەر ئاپۆ و پەکەکە بێکاریگەر بکەن و لەناوی بەرن. لەسەر ئەم بنەمایە هەوڵ درا کە کوردی ئازاد لەناو ببەن، هێرشی قڕکردنی کورد کە سەد ساڵە بە شێوەیەکی پلان بۆداڕێژراو بەڕێوە دەچێت، بیگەیێننە ئامانج. بۆ ئەمەش هەموو ئامێرێکی شەڕ بەکار هێنران، بە هەموو شێوەیەک ڕێکەوتن ئەنجام دران، لە چوارچێوەی تاوانی نامرۆڤانەدا هەموو شێوازەکانی هێرشی دڕندانە، فشار، زوڵم و کۆمەڵکوژی ئەنجامدران.
لە دژی ئەم هێرشە فاشیست و قڕکەرانە، بە تایبەت ڕێبەر ئاپۆ و پارتەکەمان، هێزی گەریلاکانمان، بزوتنەوەی ژنان و گەنجانمان، گەل و دۆستانمان لەسەر بنەمای ستراتیژی شەڕی گەلی شۆڕشگێر کە بە قارەمانانە لە خۆڕاگریدان، ئەم هێرشە فاشی و قڕکەرانەیان تێکشکاند و پلانەکانی لەناوبردن و نکۆڵیکردنیان پوچەڵ کردەوە. هەنگاوی شۆڕشگێری جەنگی حەفتانین کە هێزی گەریلاکانمان بەڕێوەیان برد، گورزی کوشتندە لە هێرشبەرە فاشی و قڕکەرەکاندار و بۆ بەدەستهێنانی ئەنجامیش ڕۆڵێکی پێشەنگیان بینی. لە 12ی ئەیلولدا کۆنسەی بەڕێوەبەری کەجەکە دەستی بە هەنگاوی خۆڕاگریی بە ناوی 'گۆشەگیری، فاشیزم و داگیرکەری بەسە، کاتی ئازادیە' کرد و بە دەستپێکردنی ئەم هەنگاوە هێزی گەریلا قارەمانەکانمان بە خۆڕاگریی جەنگی حەفتانین، ئەوەیان کردە ئامانج کە فاشیزمی ئاکەپە و مەهەپە هەڵوەشێننەوە و سیستمی گۆشەگیری و ئەشکەنجەی ئیمرالی پارچە بکەن و مرۆڤایەتی لە تیرۆری فاشیزم ڕزگار بکەن. ئەم هەنگاوەمان بە ناوی 'کاتی ئازادیە' لە هەر چوار پارچەی کوردستان و لە لایەنی گەلەکەمان لە دەرەوەی وڵات و هێزە شۆڕشگێرەکانمان و لایەنە دیموکراتەکانەوە قبوڵکراوە. ئەم هەنگاوەمان ئەوەی کردووەتە ئامانج کرد ئازادی ڕێبەر عەبدولا ئۆجالان بەدی بهێنێت و لەسەر ئەم بنەمایە کوردستانی ئازاد و تورکیا و ڕۆژهەڵاتی ناوەڕاستیش بە دیموکراتیک بکرێت.
ئێمە وەکو بزوتنەوە و گەلەکەمان بە هەنگاوی خۆڕاگری دەربازی 43هەمین ساڵیادی تێکۆشانی پەکەکە دەبین. بۆ ڕێگریکردن لەو هەنگاوەمان، هاوپەیمانی ئەمریکا و دەوڵەتی تورک و پەدەکە بە ڕێگەی 'رێکەوتنی شەنگال' هێرشێکی نوێی دەستپێکردووە و هەوڵ دەدەن هێزە چەکدارەکانی پەکەکە بنێرنە سەر گەریلاکانمان. بە گێرەشێوێنیەکی بەم شێوەیە و بە بەکارهێنانی هێزی پەدەکە دەیانەوێت ڕێگری لە هەنگاوی 'کاتی ئازادیە' بکەن و فاشیزمی ئاکەپە و مەهەپە لە هەڵوەشاندنەوە ڕزگار بکەن و تەمەنی درێژ بکەنەوە. بەڵام زۆر ڕوون و ئاشکرایە کە ئەم گێرەشێوێنی و ئەم هەوڵانەیان نەزۆکن و هیچ کات ناگەن بە ئامانج. چونکە هەنگاوەکەمان لە لایەن گەلی وڵاتپارێزمان، هێزە شۆڕشگێر و دیموکراتەکانەوە قبوڵ کراوە و بە تایبەت هێزەکانمان لە شاخ و شار، ڕێخستنی ژنان و گەنجان و گەل و دۆستانمان بۆ سەرکەوتنی هەنگاوەکە بەردەوام لە چالاکیدان.
بەم هەنگاوەی خۆڕاگری و شۆڕشگێرانەدا، لە 43هەمین ساڵیادی دامەزراندنی فەرمیی پەکەکەدا گومان لەوەدا نیە کە فاشیزمی ئاکەپە و مەهەپە هەڵدەوەشێتەوە و دەچێتە ناو زبڵدانی مێژووەوە. دیکتاتور- فاشیستی ئاکەپە و مەهەپە کە لە لایەن دراوسێ و هاوپەیمانەکانیەوە گۆشەگیر کراوە، لە ناوخۆشیدا دەرزێت. لەگەڵ ئەنجامی هەڵبژاردنەکانی ئەمریکا، هەموو کەسێک بە ڕوونی دەیبینێت کە هەڵدەوەشن. لەگەڵ چالاکیەکانی گەل و دۆستە شۆڕشگێر و دیموکراتەکانمان ئەم هەڵوەشاندنەوەیە قوڵتر دەبێتەوە و 43هەمین ساڵیادی دامەزراندنی پەکەکە دەبێتە ساڵی هەڵوەشاندنی ئاکەپە و مەهەپە و هاوکات پوچەڵبوونەوەی سیستمی ئەشکەنجە و گۆشەگیریی ئیمرالی و کۆتاییهاتن بە داگیرکەری دەوڵەتی تورک لە پارچەکانی تری کوردستان.
لەسەر ئەم بنەمایە ئێمە جارێکی تر پیرۆزبایی ئەم جەژنە لە ڕێبەر ئاپۆ و هەموو هاوڕێکانی پارتەکەمان و گشت گەل و دۆستانمان دەکەین. بۆ ئەوەی 43هەمین ساڵیادی دامەزراندنی پەکەکە ببێت بە ساڵێ هەڵوەشاندنەوەی فاشیزمی ئاکەپە و مەهەپە، ببێت بە ساڵی پوچەڵبوونەوەی سیستمی ئەشکەنجە و گۆشەگیری ئیمرالی، ئەو ساڵەی کە ڕێبەری ئاپۆ تێیدا ئازاد دەبێت، لە کوردستانی ئازادی بەدی بێت و تورکیا و ڕۆژهەڵاتی ناوەڕاست بەدیمۆکراتیک ببم، ئێمە بانگەوازی ئاڕاستەی هەموو کەسێک دەکەین کە بەشداری لە هەنگاوی خۆڕاگریی 'کاتی ئازادیە'دا بکەن و خۆڕاگری لە هەموو دەڤەرێک بڵاو بکەنەوە و خۆڕاگری گەش بکەن.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!