حەڕام وەکو ئاوی سوێرە، تا بیخۆیتەوە بڕت ناشکێنێ
ئەوەی تێنوێتی و بڕی مرۆڤ دەشکێنێت ئاوی شیرینە نەوەک ئاوی سوێر، چونکە چێشتی سوێر ئاوکێشە و مرۆڤ زگئاو دەکات و تێرئاو ناخواتەوە، لێرەدا حەرام و یاساغ چوێنراوە به و سوێراوە، چونکە کەمرۆڤ فێری خواردنی حەڕام بوو، دواتر وازی لێ ناهێنێت و هەر بەدوای دەچێت و تێر نابێت، مەگەر مستێک خۆڵ بەری چاوی دابپۆشێت بۆیە ئەوە کراوە بە ئیدیۆمێک بۆ ڕێنوێنی و ڕێنمایی و هۆشداری مرۆڤەکان دەوترێت(حەڕام وەکو ئاوی سوێرە، تابیخۆییتەوە بڕت ناشکێنێ).[1]