بەناوی خودای بەخشندە و میهرەبان
بە داخێکی زۆرەوە هەواڵی کۆچی دوایی پێشمەرگە و تێکۆشەری گەلەکەمان و دەنگی زوڵالی ڕاگەیاندنی شۆڕش (#بارزان مەلا خالید#)مان پێ گەییشت. دەنگی بارزان مەلا خالید دەنگی پێشمەرگە و دەنگی ئازادیخوازی و خەبات و کۆڵنەدانی گەلی کوردستان بوو و هەمیشە لە یادی ئازادیخوازاندا دەمێنێتەوە.
سەرەخۆشی لە خۆمان و خانەوادەی نیشتیمانپەروەر و تێکۆشەری خوالێخۆشبوو بارزان مەلا خالید و هەموو هەڤاڵانی و ڕاگەیاندنکاران و خەڵکی نیشتیمانپەروەری کوردستان دەکەم. لە خودای مەزن داواکارم خوالێخۆشبوو بە بەهەشتی بەرین شاد بکات و سەبر و ئارامی بە هەموو لایەک ببەخشێت.
انا للە و انا الیە ڕاجعون
#مەسعود بارزانی#