بە ڕێکخستن کردنی ژنانی ڕۆژهەڵات، نەتەوەی دیموکراتیک ئاوا دەکەین
بە بەشداری ئەندامانی کۆنگرە، پێکهاتوو لە نوێنەرانی سەرجەم پێکهاتەکانی کۆمەڵگای ژنانی ئازادی ڕۆژهەڵاتی کوردستان _ کژار، ڕۆژی 2ی مانگی ئاوریل (14ی خاکەلێوە) سێهەمین کۆنگرەمان دەستی بەکارەکانی کردو لە ڕۆژی 4ی ئاوریل (16ی خاکەلێوە)، ساڵرۆژی لەدایکبوونی ڕێبەری گەلان _ ڕێبەر ئاپۆ، بە سەرکەوتووانە کۆتایی بە کارو ئەرکەکانی هات. کۆنگرەکەمان بە جۆش و خرۆشێکی مەزن و بەرپرسیاریەتی جیدییەوە دەست بەکار بوو و لە میانەی کاری کۆنگرەدا گەلێک ڕۆژەڤ بە بەرفراوانی کەوتنە بەر باس و گفتگۆ. کۆنگرەکەمان کۆمەڵێک بڕیاری گرنگی لە قۆناغێک دا گرت کە هەم لە ئاستی نێونەتەوەیی و هەم لە ئاستی ناوچەکەش دا ململانێ و تێکۆشانێکی بەرفراوان و هەروەها گۆڕانکاری خێرا لە ئارادایە. کۆنگرەکەمان بەو بڕیارانە، کە لەم قۆناغە هەستیارەدا گرتوویەتی لە کەسایەتی ژنی کورددا هێڵی پێشکەوتنی هەموو ژنانی ناوچەکەی دەستنیشان کرد.
کۆنگرەی سێهەمی ئێمە سەرەتا، کۆمەڵێک ڕوانگەو بابەتی ڕۆشنگەری لە سەر تێزەکانی ڕێبەر ئاپۆ، کە لە سەد ساڵی دوایی دا وەک ڕێنیشاندەرو چارەسەر دەرکەوتوون، شرۆڤەو تاوتوێ کرد. لە ئەنجام دا ئەو تێگەیشتنە دروست بوو کە پارێزنامەکانی ڕێبەر ئاپۆ لە هەموو مێژوودا، ئاستێکی هەرە بەرز، قووڵ و بەرفراوان و بە سیستم کراوە کە مرۆڤایەتی پێیگەیشتووە. گەیاندن و ناساندنی فەلسەفەی ژیان، هێڵی سیاسی و ئیدیۆلۆژی، کەرامەت و ئەخلاقی پێناسەکراو لەو مانیفێستەی کە وەک مانیفێستۆی مۆدێرنیتەی دیموکراتیک ناسراوە، بۆ نێو هەموو بزوتنەوەکەمان، ژنان و گەلی ئێمە و ڕای گشتیی سۆسیالیست و دیموکراتیک، وەک ئەرکێکی ئەساسی دیاری کراوە.
کۆنگرەکەمان ئەو پێشکەوتنە سیاسی و تێکۆشانەی کە لە ڕۆژهەڵاتی ناوەڕاست و لە پێگەی هێڵی مۆدێرنیتەی دیموکراتیک دا بوونی هەیە، لە زۆر لایەن و سۆنگەوە خستە بەر شرۆڤەو لێکۆڵینەوە. ئەوە خرا بەر باس کە بە دەستپێکردنی شەڕی جیهانی سێهەم، لە گۆڕەپانی ڕۆژهەڵاتی ناوەڕاست دا هاوپەیمانییە سیاسییەکان دیاری کران و هێزە هێژموون خوازەکان لە ڕێگەی ئەم شەڕەدا، و بە پێی بەرژەوەندییەکانیان، سەر لە نوێ ڕۆژهەڵاتی ناوەڕاست دیزاین دەکەنەوەو ئەم پرسەش نەک تەنیا لە سەر ئەم ناوچە بەڵکوو کاریگەریی گەورە لە سەر هەموو جیهان دروست دەکات. کۆنگرەکەمان جەختی لە سەر ئەوە کرد کە بە تێکچوونی سیستم، سەردەمی گۆڕان و گۆڕانکاری دەستی پێکردوەو ئەم تیگەیشتنەش بە دوای بڵاوبوونەوەی پەتای کرۆنا لە هەموو جیهان دا، گەیشتە ئاستێکی گشتی و نێونەتەوەیی. هێزە هێژموون خوازەکان بە بەرپاکردنی شەڕی جیهانی سێهەم کە لە ئاکام دا، ڕۆژانە هەزاران کوژراوو بریندارو کۆچبەری بەدوای خۆیدا هێنا ڕازی نەبوون و تەنانەت پەتای کرۆناشیان، کە وەک بەرهەمی کاپیتالیزم دەرکەوتووە، خستە خزمەتی بەرژەوەندییەکانیان. بۆ بەرفراوانترکردنی ئیمپراتۆری ترس و تۆقاندنی خۆیان، ئاراستەی پەتای کرۆنایان گۆڕی بۆ ئاستی هێرشێکی بیۆلۆژیک. قڕکردن و پاکتاوکردنیان پەرە پێداو بە پێشخستنی شەڕو تۆقاندنی زیاتر لە هەوڵ دان کە بەمشێوە مرۆڤایەتی بە تەواوی بخەنە بن دەسەڵاتداری و حکوومەتی خۆیان و کۆمەڵگا لە ئاست پێشخستنی سیستمی خۆیان بێدەنگ و بێ کاریگەر بکەن و دەیانهەوێ کۆمەڵگایەک دروست بکەن کە تەنیا بیر لە گیان و زیندوومانەوەی خۆی بکات. لە کۆنگرەدا دڵنیایی درا کە هێزی سیستمی مۆدیرنیتەی کاپیتالیست توانای چارەسەرکردنی ئەو کێشەو قەیرانانەی نیە کە لە ڕۆژی ئەمڕۆدا بەرۆکی کۆمەڵگای مرۆڤایەتی گرتووە. ئەمەش ئەوە دەسەلمێنێ کە سیستم بەرەو تێکچوون و هەڵوەشاندنەوە دەچێ و ناچارە بکەوێتەوە سەر هێڵی مۆدێرنیتەی دیموکراتیک. ئەم دۆخە چەندە درێژە بکێشێ و سیستمی کاپیتالیست چ ڕێبازو پیلانێک پێش بخا، لە ئەنجامی ئەو تێکۆشانەی کە هەیە، ئەو سیستمە نێونەتەوەییە کە ئاشتی و دێموکراسی هاوچەرخی بە بنەما گرتووە پێک دێت. لە سەر ئەم ئەساسەو بۆ ئەوەی لەم قۆناغەدا خوێن ڕشتن و خەسارەکان بۆ ئاستێکی هەرە نزم دابەزێ، کۆنگرەکەمان بە پێویست زانی کە لە پێش دا ژنان و گەنجان و دواتر هەموو گەل و هێزە دیموکراتیکەکان بکەونە مەیدانی تێکۆشان و خۆیان زیاتر لە پێش، بە ڕێکخستن بکەن و تێبکۆشن.
لە کۆنگرەکەمان دا، مژاری تێکۆشان دژ بە داگیرکاریی لە ڕۆژهەڵاتی ناوەڕاست، بە شێوەیەکی بەربڵاو باس و گفتگۆی لەسەر کرا. هەروەها، بەرفراوانبوونی هێرشی شێونیزمی ڕژیمی داگیرکاری ئێران لە دژی خواستی دیموکراتیکی گەلان و بەتایبەتی ژنان، و هەروەها سیاسیەتی ڕژیمی تورکیاش لە سەر گەلی کورد کە ئاستی کۆمەڵکوژی تێپەڕکردوەو گەیشتووەتە قڕکردن، شرۆڤەو خوێندنەوەیان بۆ کرا. کۆنگرەکەمان هۆکارە مێژوویی و هەنووکەییەکان کە ڕێگایان بۆ ئەم دۆخە ئاوەڵا کردووە دەستنیشان کردو بە شێوەیەکی تێروتەسەل هەڵسەنگاندنی بۆ کردن و دیاری کرد کە مامەڵەی دروست و چارەسەری پێویست بە چ شێویەک دەبێ. بە گوێرەی ئەم تێگەیشتنە دەستنیشانی کرد کە هەر چەشنە مامەڵەیەکی مەزهەب گەرا، ڕەگەزپەرست، زانست گەراو نەتەوەپەرستی، ڕەوتی چارەسەری بەرەو ئاقارێکی بێ چارەیی و توندوتیژی دەگۆڕێ. هەر بۆیە کۆنگرەی سێهەمینی ئێمە ڕادەگەیەنێ بە گوێرەی قۆناغەکە تەنیا شارستانیەتی دیموکراتیکە کە دەتوانێ ببێتە پێگەی شۆڕشی زێهنی و ڕۆشنبیری و بە پێشخستنی هێڵی یەکیەتی و گۆڕانکاریی دیموکراتیک، کێشە و قەیرانەکان بەرەو چارەسەریی بچێ. لە سەر ئەم ئەساسە کۆنگرەکەمان بانگهێشتی هەموو هێزە نێونەتەوەیی و هەرێمییەکان دەکا بە ئاگاییەوە بۆ چارەسەری، دێموکراسی و یەکسانی بە گوێرەی مافەکانی مرۆڤ تێکۆشان بکەن.
کۆنگرەکەمان ئەو ئەرک و ڕاسپاردانەی کە لە کۆنگرەی دووهەم دیاری کرابوون و لە نێوان ئەم دوو کۆنگرەیەدا پێک هاتبوون و کەوتبوونە بواری جێبەجێکردن، هەڵسەنگاندن و شرۆڤەی بۆ کردن. بە پێی ڕاپۆرتی پێشکەشکراو لە لایەن کوردیناسیۆنەوە، کارو تێکۆشانی ئەو سێ ساڵە لە ئاستێکی بەرفراوان دا خرانە بەر باس. لە ئەساس دا تێکۆشانی ساڵی 2014 بە ئاوابوونی سیستمی کۆمەڵگای ژنانی ئازادی ڕۆژهەڵاتی کوردستان _کژار دەستی پێکرد. کۆنگرەکەمان بەم پێیەو دوای کۆنگرەی دووهەمین کارو چالاکی و ئەو گۆڕانکاری و ئاستەنگانەی کە دەرکەوتبوون و هەروەها ئەو کەموکووڕییانەی کە لە ئەنجامی خەباتی ئەو ماوەدا هاتبوونە ئاراوە هەڵسەنگاندن و شرۆڤەی وردی بۆ کردن. بەو پێیەی کە تێگەیشتن لە ڕوانگەی ژیانی ئازاد و نەتەوەی دیموکراتیک لە بواری ئیدیۆلۆژی و تیۆری دا هاتوەتە ئاراوەو قۆناغی ئافراندن لە پێشمان دایەو بۆ ئەمەش پێویستە کادرەکان لە بواری فکری و زێهنی خۆیان پێش بخەن و لە بواری ڕێکخستنبوون دا هەنگاوی جیدی بنێن. بە پێی ئەو تێگەیشتنە کە هاتە ئارا دروشمی بە ڕێکخستن کردنی ژنانی ڕۆژهەڵات، نەتەوەی دیموکراتیک بونیاد دەنێین وەک دروشمی کۆنگرە دیاری کرا.
کۆنگرەکەمان، بۆ ئەو ژنانەیە کە ئەوینداری ئازادین و بە واتای سەرەتایەکی نوێ دێتە ئەژمار بۆ ئازادی و بەرخۆدانی و هاوپەیمانی نوێ. بزووتنەوەکەمان تەنیا بزووتنەوەی ڕزگاریی ژنان نیە بەڵکوو هاوکات بزووتنەوەی ڕزگارکردنی کۆمەڵگایە. بۆ ئەوەی ئێمە کۆمەڵگا بە بەهاکانی ئازادی، یەکسانی، ئێکۆلۆژیک، دێموکراسی، جوانناسی (ئەتیک – ئەستاتیک) و سەر لە نوێ بونیاد بنێین، تێکۆشان و خەبات دەکەین. بۆ ئەم مەبەستە تەڤگەری ژنانی ئازادی کورد کژار، لە پێناو بونیادنانی ژیانێکی ئازاد بە شێوەیەکی بێ وچان و بە بڕیاردارییەوە تێکۆشان دەکاو بە خۆباوەڕییەوە پێشەنگایەتی و میلیتانی ژنان دەگرێتە ئەستۆ و هەڵوێستی خۆی لە کۆنگرەدا دووپات دەکات.
کۆنگرە بڕوای وایە بە پێشەنگایەتی ژنان کە تێکۆشانی ئازادی بەرەوپێش دەبەن مرۆڤایەتی، لەو قاڵب و ساختارە دووگم و کۆیلایەتییەی ژیان کە مۆدێرنیتەی کاپیتالیستی پێشی خستووە، ڕزگاری دەبێ. هەروەها کۆنگرە بەڵێنی خۆی بۆ ئەو ژنانەی کە خوازیاری ئازادین دووپات دەکاتەوە کە بۆ ئاواکردنی ژیانێکی ئازاد تێکۆشان بکات. هەر بەم پێیە بانگهێشتی هەموو گەل و ژنانی ناو ئێران دەکەین کە بە دروشمی ڕێکخستن بکە، یەکگرتووبە، تێبکۆشە و ئازاد ببە سەر لە نوێ یەکیەتی ژنان ئاوا بکەین.
کۆنگرەکەمان لە بواری سیاسی و پراکتیک داو لە هەموو ئاستەکان بۆ پێشخستنی تێکۆشانمان بڕیاری گرنگ و بەجێی گرتووە. کۆنگرەکەمان بەو ڕوانگە کە کژار لە کەموکووڕی، هەڵە و لاوازییەکان بەدوور بگرێت و لایەنە بەهێز و جوانەکان پێش بخاو گەشەیان پێ بدا، تێکۆشانی کردووە. لە کۆتایی دا کۆنگرەکەمان دەستەی بەڕیوەبەری خۆی هەڵبژاردو بەمشێوەو بۆ ئەوەی کە سیستمی خۆی بگەیەنێتە دواڕۆژو ئەنجام، بە شێوەیەکی باوەڕمند لە تێکۆشان دایەو بەڵێنی خۆی بۆ ئەم مەبەستە دووپات دەکاتەوە.
بژی ڕێبەر ئاپۆ
بژی کۆمەڵگای دیموکراتیک، ئێکۆلۆژیک و ئازادی ژن
بژی ڕێکخستن بوونی ژنانی ئازادو دیمکراتیک
بژی خوشک و برایەتی گەلان و یەکیەتی ئازادو دیموکراتیک
25ی گوڵانی 2020
کوردیناسیۆنی کژار