$باکووری کوردستان$
- پۆلیسەکانی دەوڵەتی تورکی داگیرکەر سەرلە بەیانیی ئەمڕۆ هەڵیانکوتایە سەر کۆمەڵەی هاوکاریی بنەماڵەی زیندانیان (توای دەر - TUAY-DER) و بەڕێوەبەری کۆمەڵەکە محەمەد ئەمین گیوزەل-یان لە #ئامەد# دەستگیرکرد. پۆلیس لەو هەڵکوتانەیاندا بۆ سەر ماڵەکان و کۆمەڵەکە دەرگای ماڵەکان و کۆمەڵەکەیان بە زۆر کردەوە و 6 ئەندام و بەڕێوەبەری کۆمەڵەکەیان دەستگیرکرد.[1]
- لە شارۆچکەی شاخ سەر بە پارێزگای #وان# بۆمبێکی چێنراو بە ئۆتۆمبێلێکدا تەقییەوە کە ژمارەیەک کرێکاری دەگواستەوە و بەو هۆیەوە دوو کرێکار گیانیان لەدەستدا.[2]
$رۆژهەڵاتی کوردستان$
- لە ڕۆژهەڵاتی کوردستان 945 کەسی دیکە تووشی ڤایرۆسی #کۆرۆنا# بوون و 13 تووشبووی دیکەش گیانیان لەدەستدا، بەوەش ژمارەی گشتیی تووشبووان تێیدا گەیشتە 25 هەزار و 331 کەس و گیانلەدەستدانیش گەیشتە 834 کەس.[2]
- هاووڵاتییەکی کورد بە ناوی ستار ئەسغەری کوڕی عەبدوڵڵا خەڵکی گوندی لک بن سەر بە بەخشی لاجانشاری #پیرانشار#، بەهۆی تەقینەوەی مین بریندار بوو و چەند قامکی لاقی لەدەست دا.[8]
$باشووری کوردستان$
- ژنێکی تەمەن 67 ساڵ لە #سلێمانی# بەهۆی ڤایرۆسی کۆرۆنا گیانی لەدەستدا.[5]
- بەڕێوەبەری تەندروستی #کەرکووک# ڕایگەیاند، 13 حاڵەتی دیکەی توشبوون #بەکۆرۆنا# له کەرکووک ڕاگەیەنرا و کەسێکیش گیانی لەدەستداوە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383589/0013.JPG=KTML_ImageCaption_Title=هێرش دەکرێتە سەرکارمەندێکی هاتوچۆی گەرمیان و بریندار دەکرێت=KTML_ImageCaption_CaptionStyle=000000=KTML_ImageCaption_Caption=هێرش دەکرێتە سەرکارمەندێکی هاتوچۆی گەرمیان و بریندار دەکرێت=KTML_ImageCaption_End=
- سامان بەرزنجی وەزیری تەندروستی له کۆنگرەیەکی ڕۆژنامەوانیدا ڕایگەیاند: ئەمڕۆ 33 تووشبووی دیکەی کۆرۆنا لەهەرێمی کوردستان تۆمارکراون و بەمەش کۆی گشتیی تووشبووان له هەرێمی کوردستان گەیشتە هەزار و 467 توشبوو.[3]
- کارمەندێکی #پەرلەمانی کوردستان# توشی کۆرۆنا بوو، به و هۆیەشەوە کۆبوونەوەی سەرۆکایەتی پەرلەمانی کوردستان و سەرۆکی فراکسیۆنەکان دواخرا.[3]
- گوتەبێژی #وەزارەتی کشتوکاڵ#ی حکومەتی هەرێمی کوردستان ڕایگەیاند، بۆ پاڵپشتیکردنی جووتیاران و بەرهەمی نێوخۆیی، باجی زیاتر دەخرێتەسەر چەند بەرهەمێک، کە لە دەرەوەی هەرێمی کوردستانەوە هاوردەدەکرێن.[2]
- دوای تۆمارکردنی 20 تووشبوو بە ڤایرۆسی کۆرۆنا، یەکەی کارگێڕیی شارۆچکەی #چۆمان# دەوامی فەرمانگەکانی ڕاگرت و هاتووچۆیش لە شارۆچکەی چۆمان ڕاگیراو بازاڕ و شوێنە گشتییەکانیش داخران، بەڵام ئاڵوگۆڕی بازرگانی لە دەروازەی نێودەوڵەتیی #حاجی ئۆمەران# بەردەوام دەبێت.[2]
- بەرێوەبەری بەشی ڕاگەیاندنی هاتوچۆی #گەرمیان# ڕایدەگەیەنێت کە هێرشکراوەتە سەر کارمەندێکی هاتوچۆی گەرمیان و بریندارکراوە.[7]
$رۆژئاوای کوردستان$
- شەوی ڕابردوو لە گوندی غەریبی سەر ڕێگای شەدادی باشووری #حەسەکە# ماتۆرسکیلێکی بۆمبڕێژکراو تەقیەوە و لە ئەنجامدا 2 کەس گیانیان لەدەستدا.[1]
- بەپێی هەواڵێکی ئاژانسی هاوار، چەتەکانی گروپی ئەحرار شام سەربە دەوڵەتی داگیرکەری تورک، لە ناوچەی ماباتی #عەفرین# هەشت کەسیان لە گوندی ڕەجا ڕفاندووە و بۆ سەربەست کردنیشیان داوای پارەیان 'فدیە' لە خانەوادەکانیان کردووە. بە گوێرەی هەواڵەکە، دوای وەرگرتنی پارە لە خانەوادەکانیان دوو کەس لەوانەی لەلایەن چەتەکانەوە ڕفێندرابوون سەربەست کراون، بەڵام چارەنووسی ئەوانی دیکە ڕوون نەبووەتەوە.[4]
- سوپای داگیرکەری دەوڵەتی تورک و چەتە بەکرێگیراوەکانی ئاگریان لە زەویەکانی هەر دوو گوندی قاسمیە و ڕێحانیەی سەر بە ناوچەی تل تەمر بەردا و سووتاندیان.[1]
$دەرەوەی کوردستان$
- کوردانی کەنەدا بەمەبەستی یارمەتیی هەژاران و بەهاناوەچوونی توشبووانی ڤایرۆسی کۆرۆنا، تۆڕی هاوکاری کۆمەڵایەتی دادەمەزرێنن.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383589/0002.JPG=KTML_ImageCaption_Title=کوردانی کەنەدا تۆڕێکی هاوکاری دادەمەزرێنن=KTML_ImageCaption_CaptionStyle=000000=KTML_ImageCaption_Caption=کوردانی کەنەدا تۆڕێکی هاوکاری دادەمەزرێنن=KTML_ImageCaption_End=
- وەزارەتی دەرەوەی ئەمریکا لە ڕاگەیێندراوێکیدا دەڵێت، ئەمڕۆ سزاکانی سەر دوو کۆمپانیای ئێرانی، کە تایبەتن بە گواستنەوەی کەلوپەل بۆ ئێران جێبەجێدەکرێت و سزاکان کارادەبن و هەردوو کۆمپانیای E-Sail و IRISLی ئێرانی دەگرێتەوە.[2]
- لە 24 کاتژمێری ڕابردوودا، دوو هەزار و 59 کەس لە سەرتاسەری ئێران تووشی ڤایرۆسی کۆرۆنا بوون و 74 تووشبووی دیکەش بەو ڤایرۆسە گیانیان لەدەستداوە. بەو پێیە، ژمارەی گشتی تووشبووانی ڤایرۆسی کۆرۆنا گەیشتە 175 هەزار و 927 کەس و ژمارەی گیانلەدەستدان بەو ڤایرۆسەش گەیشتە هەشت هەزار و 425 کەس، هەروەها 138 هەزار 457 کەشیش چاکبوونەتەوە.[4]
- سەبارەت بە ناڕەزایەتی یۆنان لە بارەی پلانی گۆڕینی مۆزەخانەی ئەیاسۆفیا بۆ مزگەوت، سەرۆکی تورکیا گوتی: ئه و ناڕەزایەتییەی یۆنان دەستتێوەردانە لە کاروباری تورکیا، پرسیاریشیکرد، یۆنان کێیە تا دەستوەربداتە ڕێکاری ناوخۆیی تورکیا؟.[6]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان