#سەباح عەلی جاف#
لەژيانی هەر يەکێک لەئێمەی تاکی کوردا، قۆناغی خوێندکاری و خوێندن بەشێکی باش لەيادەوەرييەکانمانی داگير کردووە و ڕەنگە بۆ هەر يەکێک لەئێمە چيرۆکێکی جياواز بێت، بەکورتی هەندێک هەڵوێستە لەسەر ئه و قوناغە دەکەم، بەهيوام سودی هەبێت و بێ هەڵە بيرم کەوتبێتەوە.
لەساڵی خوێندنی 1997-1998، من لەگەڵ قوتابيە هاوپۆلەکانم گەيشتينە پۆلی سێيەمی ناوەندی (نۆيەمی بنەڕەتی ئێستا) لە قوتابخانەی دواناوەندی سيروانی تێکەڵ لەگەڕەکی #کەلار#ی کۆن لە شاری کەلار، دۆخی سياسی و ئابوری ئه و دەمە بەڕاستی زۆر ناخۆش و دژوار بوو بەشێوەيەک لەرووی ئابورييەوە کوردستان وەک بەشێک لەعێراق لەژێر ئابڵوقەی ئابوريدا گوزەری دەکرد، لەرووی سياسی و ئەمنيەوە دۆخە ناسەقامگير ئەويش به و پێيەی کوردستان لەژێر مەترسی حوکمەتی بەعسدا دەژيا، کەلار به و پييەی خەتی تەماس بوو لەگەڵ سنوری عێراق دۆخەکەی زياتر مەترسی دار تر بوو.=KTML_Photo_Begin=https://www.kurdipedia.org/files/relatedfiles/2020/383578/0001.JPG=KTML_Photo_Alt=ساڵی خوێندنی 1997-1998، خوێندنی بەکالۆری لە دواناوەندی سيروان لەکەلار=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/383578/0001.JPG=KTML_Photo_End=
ئێمەی قوتابی دەتوانم بێژم زۆرينەمان لەرووی ئابوريەوە گوزەرامان خراپ و لەژێر هێڵی هەژارييەوە بووين، ئەمەيش بەراستی کاريگەری لەسەر ژيانمان بەگشتی هەبوو بۆ نمونە خەرجی ڕۆژانە پێم وابێت زۆرينەی قوتابيان نەيانبوو، لەرووی پێداويستی و خۆراکەوە زۆرينە دۆخێکی کولەمەرکی دەژياين، لەکاتی پشوی هاوينان و تەنانەت کاتی دەواميش قوتابيان کارمان دەکرد ئەويش هەم بۆ هاوکاری ماڵەوەمان، هەم بۆ ئەوەی بۆکاتی دەوامی خوێندن بەشێک لەپێداويستيەکانی قوتابخانە لە قرتاسيە و جلوبەرگێکی هاکازای دەستەبەر بکەين، ئه و دەمانە وەک ووتمان دۆخی ئابوری خراپ بوو قوتابيان دەفتەری ساڵی پێشومان دووبارە بەکاردەهێنايەوە واتا بە خەتکوژێنە (مساحە) ئەوانەی پێشومان دەسڕيەوە، زۆرينەمان شەرواڵی کوردی و بلوزێکی بەکارهاتوی دووبارەمان لەبەر بوو، بەدوو يان سێ قوتابی يەک کتێبی مەنهەجمان هەبوو، زۆرێک لەمامۆستای وانەکان زوو زوو دەگۆڕان.
سەبارەت بەبينای قوتابخانە بەراستی ئه و بينايەی ئێمە تێيدا دەمانخوێند بەزمی زۆر بوو، بينای قوتابخانەکە بينای قوتابخانەی شەهيد مەلا ئەحمەدی ئێستا بوو لەگەڕەکی کەلاری کۆن، بەڵام سەرەوەی بيناکە بە چينکۆ گيرا بوو لای زۆرينەی خەڵکی بە (مەکتەبە چينکۆکە) ناسراوە، لەکاتی باران دەنگی باران و لەوەرزی گەرمايش وەرە لەژێر چينۆکدا بخوێنی !، لەهەمووی خۆشتر منداڵی گەڕەک هەر بۆ خۆشی و بۆ ئارەزوو بەرديان فڕێ دەدايە سەری، جا يەک و دوو بەرد نەبوو جاری وا هەبوو ڕەتڵێک بەرديان دەکردە سەر مەکتەبەکە، تا دەنگی ئه و بەردانە تەواو دەبوو خوێندن دەوەستا، لەولايشەوە بەڕێز بەڕيوەبەری دواناوەنديەکە (مامۆستا حسێن کەلاری) دەيکردە هەراو ووريا ئەدەی بزانه ئه و منداڵە لاسارە کێيە...=KTML_Photo_Begin=https://www.kurdipedia.org/files/relatedfiles/2020/383578/0002.JPG=KTML_Photo_Alt=ساڵی خوێندنی 1997-1998، خوێندنی بەکالۆری لە دواناوەندی سيروان لەکەلار=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/383578/0002.JPG=KTML_Photo_End=
بەڕاستی ئه و دەمانەی خوێندن سەرباری بارگرانی ئابوری و مەترسيە ئەمنيەکان، بەڵام خودی قوتابی و مامۆستايان و کەس و کارمان وورەمان بەرز بوو، خاوەن ئيرادە و ڕێز و خۆشەويستی و دۆستايەتی بووين، بەرپرسيارێتی و ڕێز و خۆشەويستی پەيوەنديەکانی گرێدەدا، لەم دۆخە ناهۆمارەدا بەندە لەگەڵ نزيکەی پەنجا(50) قوتابی لەيەک پۆلی مام ناوەندا توانيمان درێژە بە خوێندنی يۆلی سێيەمی ناوەندەی بدەين کە ئه و دەم بەکالۆريا بوو، وانەکەکان گران و زۆر بۆ نمونە لەوانەی بيرکاری دەبوو زياتر لە 21 سەلمينراو لەبەر بکەی، لە پەروەردەی ئاين چەندين ئايەتی دوور و درێژ، لەجوگرافيا و مێژوو بابەتی زۆر و وورد و چڕ کە پرسيارەکان هەمە جۆر بوو، هەموو جۆرە پرسيارێک هەبوو وەک (گۆتاری ,بۆشای، هۆ، پێناسە...) تەنها هەڵبژاردن نەدەهاتەوە، لەزمانی عەرەبی جاری وا هەبوو يەک لاپەڕە وەڵامت دەنوسی لەخوارەوەی پرسيارەکە نوسرابوو (درجتان).
وەک ووتم پۆلی سێيەمی ناوەندی بەشێوازی بەکالۆريا دەتوانی بچيتە قۆناغی ئامادەی (چوارەمی گشتی)، دوای ئەوەی بۆ ماوەيەکی قوتابی خۆی ماندوو دەکرد، ئێمەی کوڕان سەرمان تراش دەکرد (سفر) و لە قوتابخانەيەکی تر ناوت دەهاتەوە، ئێمەی قوتابيانی پۆلی سێيەمی ناوەندەی لە دوا- سيروان لە قوتابخانەی پەژار لەگەڕەکی سەرکەوتن (حەمەی کەريم) ناومان گەڕيەوە، لەگەڕەکی کەلاری کۆنەوە بە پێ (بەبێ ئۆتۆمبيل) لەکاتژمێر حەوت و نيوی بەيانی بەڕێ دەکەوتين دەچوين بۆ هۆڵی تاقی کردنەوە (ئيمتحانی بەکەلۆری)، لەگەڕەکی کەلاری کۆنەوە قوتابخانەی پەژار لە گەڕەکی حەمەی کەريمەوە ديار بوو واتا هيچ ماڵ و خانويەک له و نێوەدا کە ئێستا چەندين گەڕەکە لەشەهيدان هيچ نەبوو، ڕێگەيەکی گڵ هەبوو لەکەلاری کۆنەوە دەچووە حەمەی کەريم.=KTML_Photo_Begin=https://www.kurdipedia.org/files/relatedfiles/2020/383578/0003.JPG=KTML_Photo_Alt=ساڵی خوێندنی 1997-1998، خوێندنی بەکالۆری لە دواناوەندی سيروان لەکەلار=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2020/383578/0003.JPG=KTML_Photo_End=
من لەگەڵ هاوڕێکانم و قوتابيانی قوتابخانەيەکی تر لە بينای قوتابخانەی پەژار تاقی کردنەوەمان کرد، من بە ژمارەی تاقی کردنەوە (10733) بەشداری ئەزمونە گشتيەکانی ئه و دەمەم کرد بۆ قۆناغی ناوەندی، بەڕێوەبەری هۆڵيش کە لای قوتابی ئه و دەمانە وەک سەرۆک کۆمار وابوو، بەڕێز مامۆستا تابان بوو، ڕۆژانە پێم وابێت کاتژمێر هەشت و نيو يان نۆ تاقی کردنەوەکان دەستی پێ دەکرد لە کەشێکی توندی نا پەروەردەيی ترسێنەردا، بۆ نمونە گەر قوتابی چارەکە سەعاتێک دوا بکەوتايە بێبەش دەبوو لە تاقی کردنەوە، هۆڵەکان توندوتۆڵ بوون لەلايەن چاودێرەکانەوە، ڕاستی خەش کردن زۆر کەم بوو چونکە ئەوەی خەشی (قۆپيە) بکردايە لە هەموو وانەکان بەدەرنەچوو ئەژمار دەکرا، ئێمەی قوتابی بەڕێز مامۆستا حسێن کەلاری بەڕێوبەرمان بوو، ڕاستی زۆر ڕێنمای دەکردين و زۆر جاريش بە توندی ڕێنمايەکانی پێ دەوتين، بۆ نمونە قوتابی دەبوو هەموو پێداويستيەکانی پێ بێت، سوپاس بۆ خوا من توانيم له و دۆخە ناهەموارەدا بە سەرکەوتونە قوناغەکە تێپەڕێنم، من بۆ خۆم تاقی کردنەوەی وانەی زمانی عەرەبيم خستە خولی دووەم و بە سەرکەوتونە دەرچووم، بۆ ئەوەيش کە قوتابی دەبوو ڕێگەپێدانی يان مۆڵەتی نەخۆشخانەی پێ بێت بۆ ئەوەی ڕێگەی پێبدەن ئه و تاقی کردنەوەيە بکات.
لەپاش ئەوەی ئەنجامەکان گەڕايەوە دەبوو قوتابی چوار هەڵبژاردن بکات بۆ ئەوەی بچێتە قۆناغی ئامادەی ئەويش پێی دەوترا (ئينسيابيە)، مامۆستا حوسێن کەلاری ڕۆژێک هات ووتی ئه و فۆرمە هاتووهلە بەڕێوەبەرێتی پەروەردەی #کەرکووک# – ئه و دەمە لەشاری دەربەنديخان بوو، دەبێت پڕی بکەنەوە بەڵام ئامان نەيدڕن و پيسی مەکەن چونکە فۆرمەکان سنوردارن، بەڵام ئەوەی من سەرباری ئەوەی کە لەجێگەيەکی باش هەڵمگرت بەڵام ئەوەی من لەچەند لايەکەوە دڕا بوو، ڕاستی لەترسی مامۆستا حوسێن خۆم نەمبردەوە و لەڕێگەی دايکمەوە بردمەوە بۆ قوتابخانە، هەڵبژاردنەکانيش لە باشترينەوە بۆ خوارەوە پڕت دەکردەوە بە گوێرەی ئارەزوومەندی، زۆرينە لەگەڵ ئەوە بوون کە بچنە پۆلی چوارەمی گشتی بەڵام ئامادەی پيشەی خواستی لەسەر کەم بوو بەڵام زۆرێک بەهۆی کەمی نمرەوە دەچونە ئه و قوناغە، بەڵام من توانيم بچمە يۆلی چوارەمی ئامادەی، لێرەوە دەکرێت سوپاسی هەموو ئەوانە بکەم هاوکار بوون بۆ تێپەڕاندنی ئەم قۆناغە بەتايبەت مامۆستا و کەس و کار و هاوڕێ باشەکان، ئه و مامۆستايانەی کە لەسێيەمی ناوەندی لە دواناوەندی سيروان وانەيان پێ ووتومەتەوە ئەم مامۆستا بەڕيزانە بوون :
1 – پەروەردەی ئيسلامی – مامۆستا مستەفا عەزيز
2 – زمانی کوردی – هەردوو مامۆستايان حسێن کەلاری، مستەفا عەزيز
3 – زمانی عەرەبی – مامۆستايان حەکيم، حەمەی شێخ
4 – زمانی ئينگليزی – مامۆستا دڵشاد نەريمان
5 – بيرکاری – مامۆستا يونس
6 – زيندەوەرزانی – مامۆستا جەلال مولک
7- فيزيا – مامۆستا کۆکش سديق
8 – کيميا – مامۆستا جەلال مولک
9 – جوگرافيا – مامۆستا بورهان
10- مێژوو – مامۆستا عەلی گردەگۆزينەی
11 – نيشتيمانی – وەڵا بيرم نەماوە
هيوادارم سەرم نەيشاندبن و هەندێک زانياريم پێ دابن، دووبارە سڵاو ڕێز بۆ مامۆستايان و بۆ ئێوەی خوێنەری ئەم چەند دێڕە.