لیژنەی داکۆکیکردن لە مافی ئافرەت لە پەرلەمانی کوردستان، ئیدانەی ڕِووداوی هەڵکوتانەسەر ماڵی ڕۆژنامەنووس (عەدنان ڕِەشیدی) دەکات کە لەلایەن چەند چەکدارێکەوە لە دەڤەری #پێنجوێن# کە بەداخەوە لەم ڕِووداوە سوکایەتی بەهاوسەرەکەی کراوە، لێرەدا داوا دەکەین یاسا سەروەر بێت و بەهیچ شێوەیەک نابێت کەس ڕِێگە بەخۆی بدات بۆ شکاندنی شکۆی هیچ کەسێک یان تۆڵەکردنەوە لەرِێگەی سوکایەتیکردن بەژنان، ئینجا هاوسەر یان هەر کەسێک لە خێزانەکەی لەبابەتێکی ئاوا بگلێنێ و بەو شێوازە نەشیاوە مامەڵەیان لەگەڵ بکرێت، داواکارین لەلایەنە ئەمنییەکان و دەزگا پەیوەندیدارەکانی حکومەتی هەرێمی کوردستان و دەستەی سەربەخۆی مافی مرۆڤ لە هەرێمی کوردستان بەدواداچوون و لێکۆلینەوەی تەواو بکەن لەرِووداوەکەو بەپێی یاسا مامەڵە لەگەڵ تاوانباران بکەن.
لیژنەی داکۆکیکردن لە مافی ئافرەت
پەرلەمانی کوردستان
#28-03-2020#