$باکووری کوردستان$
- سەربازان و پۆلیسی دەوڵەتی تورکی داگیرکەر ماوەی 2 ڕۆژە لە #وان# و ناوچەکانی دەورووبەریدا چوونەتە چەندین گۆڕستان و وێنەی گۆڕ و کێلی ئەو کەسانەیان شکاندووە، کە لە شەڕی ئازادیدا شەهیدبوون و دواتر چوون بۆ بنەماڵەکانیان و زانیارییان لەسەر ڕۆڵە شەهیدەکانیان لێوەرگرتوون.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/380819/0009.JPG=KTML_ImageCaption_Title=سەربازانی تورک بە بەرچاوی بنەماڵەکانیانەوە کێلی گۆڕی گەریلا شەهیدەکانیان شکاند=KTML_ImageCaption_CaptionStyle=000000=KTML_ImageCaption_Caption=سەربازانی تورک بە بەرچاوی بنەماڵەکانیانەوە کێلی گۆڕی گەریلا شەهیدەکانیان شکاند=KTML_ImageCaption_End=
- ناوەندی ڕاگەیاندنی هێزەکانی پاراستنی گەل - #هەپەگە# کوژرانی سێ سەربازی سوپای تورکیای لە خواکوڕکی باشووری کوردستان ڕاگەیاند، هاوکات تورکیاش ڕایگەیاند، سێ گەریلای #پەکەکە#یان کوشتووە.[2]
$رۆژهەڵاتی کوردستان$
- لە چەند ڕۆژی ڕابردوودا، هاووڵاتییەکی کورد بە ناوی فەردین مەولوودی خەڵکی شاری #سنە#، لەلایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا. دەسبەسەرکردنی ئەو هاووڵاتییە کوردە بە بێ بەڵگەی یاسایی بووە و لە چارەنووسی ناوبراو هیچ زانیارییەک لە بەردەستدا، نییە.[5]
- #یەکێتیی نیشتمانیی کوردستان# لە ڕێگەی دەروازەی نێودەوڵەتی باشماخەوە هاوکارییە پزیشکییەکانی وەک دیاری دەگەیەنێتە پارێزگاکانی #کرماشان# و سنە لە ڕۆژهەڵاتی کوردستان.[3]
$باشووری کوردستان$
- فڕۆکە سیخوڕییەکانی دەوڵەتی تورکی داگیرکەر لە بەرەبەیانی ئەمڕۆەوە دەستیان بە سوڕانەوە بەسەر ئاسمانی زینی #وەرتێ# دا کردووەتەوە.[1]
- ئەو هاوڵاتیانەی لە دەڤەری #برادۆست# دەچنە شاخەکان بۆ کۆکردنەوەی گیا بەهارییەکان، لەلایەن فڕۆکە سیخوڕییەکانی دەوڵەتی تورکەوە هەڕەشەیان لێدەکرێت و فڕۆکەکە لە خەڵکەکە نزیک دەبێتەو و داوایان لێدەکات هەموو جلەکانیان دابکەنن.[4]
- #وەزارەتی تەندروستی# ڕایگەیاند: لە ماوەی 24 کاژێری ڕابردوودا 11 هەزار و 72 پشکنین ئەنجامدراوە (114 لە هەولێر، 390 لە سلێمانی، 400 لە #دهۆک#، 56 لە ڕاپەڕین و 212 لە #سۆران#). بەپێی ئەنجامەکان هیچ تووشبوویەکی نوێ تۆمارنەکراوە. تاوەکو ئێستا 337 کەس لە هەرێمی کوردستان تووشی ڤایرۆسی کۆرۆنا بوون لەو ژمارەیە 250 کەس چاکبوونەتەوە و چوار کەسیش گیانیان لەدەستداوە.[7]
- زیاتر لە هەزار دوکاندار و کاسبکارانی ناوچەی پیشەسازی باکوور لە #هەولێر# و دوکاندارانی بازاڕی نیشتمان و داو تاون و قەیسەری و شێخەڵا گردبونەوە ئەنجام دەدەن و داوای کردنەوەی دوکانەکانیان دەکەن.[3]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/380819/0007.JPG=KTML_ImageCaption_Title=کاسبکارانی هەولێر داوای کردنەوەی دوکانەکانیان دەکەن=KTML_ImageCaption_CaptionStyle=000000=KTML_ImageCaption_Caption=کاسبکارانی هەولێر داوای کردنەوەی دوکانەکانیان دەکەن=KTML_ImageCaption_End=
- #دوران کالکان# ئەندامی کۆمیتەی بەڕێوەبەری پەکەکە ڕایگەیاند، جێگیرکردنی هێزی پارتی لە وەرتێ قبوڵناکرێت. کالکان وتی، ئەوە دەبێتە پارچەیەک لە هێرشی پلانی لەناوبردن و تێکشکاندنی پەکەکە. پەکەکە ئەمە قبوڵ ناکات، لەدژی ئەو هەنگاوە شەڕ دەکات و هەموو شتێک لەبەرچاو دەگرێت.[1]
- بەڕێوەبەری گشتی تەندروستی سلێمانی ڕایدەگەیەنێت، تائێستا 110 تووشبووی ڤایرۆسی کۆرۆنا لە سلێمانی چاکبوونەتەوە و 16 تووشبوو لە نەخۆشخانە ماون.[6]
- #وەزارەتی ناوخۆ#ی هەرێمی کوردستان ئاگادارییەکی بۆ هاونیشتمانیان بڵاوکردووەتەوە لەبارەی سیستەمی ڕێگەپێدانی ئەلکترۆنی بۆ هاتووچۆی نێوان شارەکان و ئاماژە بەوە دەکات کە ئێستا سیستەمەکە بەردەستە.[2]
- #بافڵ تاڵەبانی# هاوسەرۆکی یەکێتی نیشتمانی کوردستان هاوکاری پێشکەشی تەندروستی #سلێمانی# کرد و دواتر لە کۆنگرەیەکی ڕۆژنامەوانیدا بەڕێوەبەری گشتی تەندروستی سلێمانی سوپاسی بافڵ تاڵەبانی کرد.[3]
- لە ژێر ڕێنمای و پابەندبوون بە ڕێنماییەکانی وەزارەتی تەندروستی تیمەکانی سەرۆکایەتی شارەوانی #کۆیه# بەشی پڕۆژەکان و خزمەتگوزاری و ئامێرەکان کاری کۆنکرێت کردنی چەند کۆڵانێکی شاری کۆیە یان کۆتای پێهێنا.[3]
$رۆژئاوای کوردستان$
- گوتەبێژی هاوپەیمانیی نێودەوڵەتیی دژی #داعش# ڕایگەیاند، هێرشەکانی ئەم دواییەی داعش جێگەی نیگەرانین، دەشڵێ پاڵەوانە ڕاستەقینەکانی دژی داعش #هەسەدە#یە.[2]
- بەڕێوەبەرایەتی خۆڕسەری باکور و ڕۆژهەڵاتی سوریا ڕایگەیاند، ئەو زیندانیانەی نەخۆشن و ئەوانەی سزایەکی کەمیان ماوە و ئەوانەشی کە هەڵوێستەکی ئەخڵاقیان نواندووە، ئازاد دەکرین.[1]
- ​​​​​​تەرمی هەر یەک لە شەهیدانی قۆناغی خۆراگری شکۆ، مەجد نەزال مەحمود و زبێر حەمدین حەمۆ لە گۆڕستانی شەهید دژوار لە #حەسەکە# بەخاک سپێردران.[1]
- دەستەی تەندروستیی بەڕێوەبەرایەتیی خۆسەر دەڵێت، ڕێکخراوی تەندروستیی جیهانی پشتڕاستیکردووەتەوە کە ڕۆژی 02-04-2020 هاونیشتمانییەک لە نەخۆشخانەی قامشلۆ لە ڕۆژئاوای کوردستان بە کۆرۆنا گیانی لەدەستداوە.[2]
$دەرەوەی کوردستان$
- دەسەڵاتی فڕۆکەوانی شارستانی عیراقی بڕیاری ماوەی ڕاگرتنی گەشتە ئاسمانییەکان لە سەرجەم فڕۆکەخانەکانی عیراق تا #24-04-2020# درێژکردەوە.[3]
- بەرپرسانی دەوڵەتی تورک ڕایدەگەیێنن لە ماوەی 24 کاتژمێری ڕابردوودا بە هۆی ڤایرۆسی کۆرۆنا 121 کەس گیانیان لەدەستداوە. بە پێی ئامارە فەرمیەکان، بە کۆی گشتی ژمارەی ئەو کەسانەی گیانیان لەدەستداوە گەیشتووەتە 1890 کەس و بە گشتی 83329 کەسیش تووشی ڤایرۆسەکە بوون.[1]
- مایک پۆمپەیۆ، وەزیری دەرەوەی ئەمریکا لە هەژماری خۆی لە توویتەر نوسیویەتی، ئابڵووقەی چەک بەسەر ئێراندا کە سپۆنسەری سەرەکیی تیرۆرە لە جیهاندا، شەش مانگی دیکە بەسەر دەچێت.
پۆمپەیۆ داوا لە ئەنجوومەنی ئاسایشی #نەتەوە یەکگرتووەکان# دەکات کە ئابڵووقەی چەک درێژبکاتەوە بەر لەوەی ئێران دۆخەکە ئاڵۆز بکات و ململانێیەکی نوێی چەک لە ڕۆژهەڵاتی ناوەڕاست درووستبکات.[2]