کیڤن کارمر، سیناتۆر لەسەر ویلایەتی نۆرس داکۆتا لە ڕۆژنامەی فۆرم-ی ڕۆژی 19 نۆڤێمبەر- کە ڕۆژنامەیەکی سیاسی و کەلتوریی- یه و ئاستی بڵاوبوونەوەی لەسەر هەردوو ویلایەتی نۆرس داکۆتا و مینیسۆتایە. لە ڕاپۆرتێکدا باسی دواهەمین دانیشتنی سەرۆک دۆناڵد ترەمپ و ڕەجەب #ئەردۆگان# دەکات کە ڕۆژی 13ی نۆڤێمبەر لە کۆشکی سپی بەرێوەچوو.
سەرەتا لە ڕاپۆرتەکەدا باس لەوەدەکات، ئێوارەی 6ی نۆڤێمبەر، تیوتێکی سەرۆک ترەمپ-ی بینیوە کە بانگهێشتی سەرۆکی تورکیا دەکات بۆ کۆشکی سپی، دەلێت: ڕۆژێ دواتر، من و هەریەک لە لیندسی گراهام و سیس مۆڵتۆن، سەردانمان کرد لە کۆشکی سپی پێمانوت ئەمە ڕاستە. ئەویش لەوەڵامدا وتی، زۆریش ڕاستە، پێی ئەڵیم تۆ دەستبەرداری ناتۆ بوویت، پێی ئەڵێم ئەگەر ئەتەوێت لەناتۆ بمێنیت ڕەفتارەکانت باش بکە. بەراستی ناتوانم لەوە زیاتر بەرگەی سەرەڕۆییەکانی ئەم کابرایە بگرم. کاتێک نامەکەم بۆ نارد و بە گێلم وەسفکرد، میدیا و ئێوە نارازی بوون لە نامەکە. من ئەزانم ئه و ئەم جۆرە وەسفانەی ئەوێت.
لە کۆتایدا وتیشی، ئەمەوێت چەند سیناتۆرێکی وەک ئێوە لێرە بن و گوێ لە قسەکانی بگرن بزانن چی ئەوێت لێمان و ئێمە چیمان لێیئەوێت. ئێمە نوێنەری #هەسەدە#-مان بانگهێشت کرد و ئێوە گوێتان لێگرت. با گوێ لە ئەردۆگان-یش بگرین.
کارمر دەڵێت، کاتێک دانیشتین لەگەڵ ئەردۆگان، لێدسی گراهام -ی هاورێمان، نزیک لە ئەردۆگانەوە دانیشتبوو. ئەردۆگان داوای لە کچێک کرد کە لەگەڵیان بوو، تابێکی دەرهێنا و ویستی ڤیدیۆیەکمان پیشان بدات. ترەمپ ڕووی بەره و ئێمە وەرگێڕاو بە توانجەوە وتی: دڵی بەمە خۆشە، گوێی لێبگرن!
گراهام زۆر توڕە بوو وتی: ئێمە ئەزانین تۆ کێشەی ئاسایشی ناوخۆی وڵاتەکەت هەیە، بەڵام خۆ ئێمەش ئەتوانین بڕۆن لەبەردەم کۆشکی سپی کوردێک بێنین و موعاناتەکانی خۆی بە حەقیقی بگرێرێتەوە کە لە سەر دەستی ئێوە تووشی بووە.
سەرۆک ترەمپ زەردەخەنەیەکی بۆ کردوو وتی: ئەمە هی چ ساڵێکە؟ تۆ واز لەم شتانەی ڕابردوو بێنە، ئێستا چیت هەیە بۆ ئەمڕۆ!.
کرامر دەڵێت:من تێگەیشتم ئەردۆگان سیاسییەکی ناکامڵە. توانای چارەسەری کێشەی خۆی و میللەتەکەی نییە.
ئەردۆگان کەوتە گلەیی کردن و نامەکەی مانگی ئۆکتۆبەری سەرۆک ترەمپ و لە جانتاکەی دەرهێنا و وتی:نیگەرانم بەم نامەیە! سەرۆک ترەمپ زەردەخەنەیەکی کردو وتی:ئەمە کۆپی نامەکەیە، ئەبوو نامە ئەسلییەکەت بهێنایەتەوە لەگەڵ خۆت.
کەچی ئه و بەجدی وەریگرتوو، وتی: نوسخە ئەسلییەکەم لە تورکیا جێهێشتووە.
ئەردۆگان لە گلەیی بەردەوام بوو ئێمە هەر گوێمان گرت، لەناکاو ترەمپ پێی وت: تۆ کێشەت لەگەڵ کوردی وڵاتەکەی خۆت هەیە، کوردەکان لە سوریا چی بکەن، ئەوان گوناهیان چییە؟ تۆ سەرەتا ئەبێت لەگەڵ کوردی وڵاتەکەی خۆت ڕێکەویت، ئەوکات گلەی لە کودەکان لە سوریا بکەیت. دواتر تۆ لە هاوپەیمانی ناتۆ لاتداوە، کوردەکانی سوریا هەقی چییە بەسەر ئەمەوە!؟.
ئەردۆگان بەردەوام بوو لە گلەیی و وتی: ئەمریکا بەردەوامە لە شکاندنی سومعە و ناوناوبانگی تورکیا و من. بەسەدان هەزار دۆلارتان لە ڕێگەی هەواڵگرییەوە بۆ کوردەکان خەرجکردووە کە لە ئەوروپا و وڵاتان خۆپیشاندان بکەن و سومعەمان لەکەدارکەن.
سەرۆک ترەمپ به و گلەییە زۆر توڕە بوو لەوەڵامدا پێیوت:جا ئێوە چین تا ئێمە سومعەتان لەکەدارکەین. ئێمە چۆن پارە بۆ شتی وا سەرفدەکەین. ئێوە هێرشتان کردۆتە سەر کوردەکانی سوریا، ئەوانیش بەشی ئەوە دۆستیان هەیە لە دنیا پشتگیریان لێبکەن.
سیناتۆر تید کروز، بەشداربوویەکی تری کۆبوونەوەکە بوو، لە ئەردۆگانی پرسی:هەست ناکەیت مەسەلە ناوخۆیی و دەرەکییەکانی وڵاتەکەت تێکەڵ و پێکەڵ کردووە. باشترە تۆ لەگەڵ کوردەکانی ناوخۆت ڕێکەویت، نیگەرانی ئەوروپا لەبەرچاوبگریت. ئەوەندەی من بزانم دەمێک ساڵە ئێوە بەم گرفتەوە ئەناڵێنن! بەکورتی ئێمە نامانەوێت تۆ هێرش بکەیتە سەر کوردەکانی سوریا
لە کۆتایدا ترەمپ پێشنیاری بۆ ئەردۆگان کرد بیر بکاتەوە لە ناتۆ و کۆتایی بە گرێبەستەکانی بهێنێت لە کڕینی مووشەکی ئێس 400 و بەڵێن بدات هێرش دووبارە نەبێتەوە بۆ سەر کوردەکان چونکە ئەوان دژی #داعش# لەگەڵ ئێمە جەنگیون ئەوا پەرە بە ئابوری هەردوولا ئەدەین بەبڕی 100 ملیار دۆلار، جا ئەم سەفقەیەت پێ باش و پێ پەسەندە یان سزا ئابوورییەکان بسەپێنین.
سەرۆکی تورکیا-ش جەختی لەسەر ئەوەکردەوە ئێوە پاتریۆت و ئێف 35 –مان پێ ئەفرۆشن؟ جگە لەوەی بەداخەوە دووبارە مەسەلەیەکی هێنایەوە بەر باس و وتی: ئەوانەی ئێوە بە دۆستی خۆتانی دادەنێن، ئەوانە تیرۆریستن و دژی ئێمەن.
لەم نێوەندەدا لیندسی گراهام سەرێکی بادا و سەیرێکی وەزیری دەرەوەی تورکیا کرد کە لەپشت ئەرۆگانەوە وەستابوو، وەک ئەوەی بڵێ ئەنجامی نییە لەگەڵ سەرۆکەکەتان.
لەکۆتایدا دەڵێت: گراهام بڕیاریدا نەچێتە کۆنگرە ڕۆژنامەنووسییەکەوە، بەڵام سەرۆک ترەمپ پێیوتین نیو سەعاتێکی تریش با لەگەڵی بین.[1]
وەرگێڕانی: #لوقمان غەفور#