کۆنگرەو نەتەوەیی کوردستانی - کەنەکە جە ئەرەیاۋنایێۋنە سەبارەت بە ناڕازیەتی و ئاخێزو گەلێ ئێرانی و گەلو کوردی جە وەرهۆرز (ڕۆهەڵات)و کوردستانی هەڵۋێستش نیشانەدا و ئاشکارش کەرد: ڕژێمو کۆمارو ئیسلامی ئێرانی دەیان ساڵێن سەرجەم جومگەکێ دەسەڵاتی و ژیۋای گەلێ ئێرانی و ڕۆژهەڵاتو کوردستانیش قۆرخێ کەردێنێ و ئازادی و دیمۆکراتیش خەفە کەردەن.
کەنەکە ئەرەیاۋنانش: ڕژێمو ئێرانی جە خوڵقنای قەیرانێ و کێشە ناوچەیی و هەرێمیەکانە دەستش هەن و ئانێچە باجەکەش گەلێ ئێرانی مدانەش. ڕژێم جە جیاتی چارەسەری قەیران و کێشەکان، کەچی پەنا پەی زیندانی کەردەی، کوشتە و سەرکوتکەردەی مەبەرۆنە. کوشتارو وەحشیانەو خەڵکی ناڕازی ئێرانی و وەرهۆرزو کوردستانی جە چەند ڕووێ ۋیەردێنە سیاۋکاری ڕژێمی ئاخوندی نیشانە مدۆنە.
کۆنگرەو نەتەوەیی کوردستانی - کەنەکە سەرەڕاو شەرمەزار کەردەی کەردە دژە گەلەیەکانو ڕژێمو ئێرانی و کوشتارو جەماوەری ناڕازی، هامخەمی چەنی خانەوادەکانو قوربانیان نیشانە مدۆنە و داۋا جە گەلو کوردی جە هەر چوار بەشێ کوردستانی و پارت و لایەنە کوردستانیەکانو وەرهۆرزو کوردستانی مەکەرۆنە پێوەرە پەشتیوانی جە ئاخێزە جەماوەریەکەو ئێرانی و ڕۆژهەڵاتو کوردستانی بکەرانێ.[1]
#18-11-2019#
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 2,880 جار بینراوە
ڕای خۆت دەربارەی ئەم بابەتە بنووسە!