لە شارەدێی وەرتێ سەربە شارۆچکەی ڕواندز هەڵمەتێکی پاککردنەوەی ژینگەی ناوچەکە بە بەشداری ژمارەیەکی زۆر لە هاوڵاتیانی سنورەکە بەڕێوەچوو، تێیدا نزیکەی 300 کیسی زبڵ و جێماوە پلاستیکیەکان کۆکرانەوە.
باخەوان حەسەن ئەندامی ڕێکخراوی وەرتێ وتی: ناوەندی کلتوری #چۆمان# بەهاوکاری ڕێکخراوی وەرتێ، هەڵمەتێکی پاککردنەوەی ژینگەمان دەستپێکردووە، ئەمە یەکەم هەلمەتی ژینگەپارێزییە کەلە سنورەکە بەڕێوەچووە، و تێیدا ئەو شوشەو پلاستیکانەی کەلەلایەن هاوڵاتیانەوە فرێدرابوون کۆکرانەوە.
=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/374104/0001.JPG=KTML_ImageCaption_Title=باخەوان حەسەن=KTML_ImageCaption_CaptionStyle=000000=KTML_ImageCaption_Caption=باخەوان حەسەن=KTML_ImageCaption_End=
وتیشی: ئێمە بەردەوام دەبین لەسەر چالاکی ژینگەپارێزی و هەرجارەو شوێنێک و هەر هەفتەی شوێنێک پاک دەکەینەوە.
هەڵمەتەکە بە بەشداری ژمارەیەکی زۆر لە کچان، کوڕان و مندالان و هاوڵاتیانی سنورەکە بەڕێوەچوو، ئامانجیان ئەوەیە ژینگەپارێزی ببێتە کلتورێکی ناوچەکەیان.
چالاکوانان و ژینگەپارێزان داوا دەکەن، خەڵک و گەشتیاران هاوکاریان بن لە پاکڕاگرتنی شوێنەکان و بەشداربن لە هەلمەتەکانی داهاتووی ژینگەپارێزی لە سنورەکەیان.[1]