$باکووری کوردستان$
- دەوڵەتی تورکیای داگیرکەر لە #بەدلیس# قەدەغەی هاتووچۆی ڕاگەیاند و ئامادەکاریی بۆ ئۆپراسیۆن لە مەزرا و گوندی دۆیوملو و ناوچەی خیزان دەکات.[4]
- بەهۆی قەدەغەکاریی دەوڵەتی ئاکەپە و ڕێگریکردن لە چوونی هاووڵاتییان بۆ لەوەڕگە و کوێستانەکان، زیانێکی زۆر بە کەرتی ئاژەڵداریی هاووڵاتییان گەیشتووە. دانیشتوانی ئەو ناوچانەی کە بە زۆری کاری ئاژەڵداری دەکەن، ناچار بوون تەنها ئاژەڵەکانیان لە گوندەکانیاندا بلەوەڕێنن. لەبەر ئەوەی هاووڵاتییان ڕێگرییان لێکرا، کە ئاژەڵەکانیان ببنە ناوچە شاخاوی و کوێستانەکان لە مانگی ئەیلولی ئەمساڵدا سەدان سەر ئاژەڵ مردار بوونەوە.[4]
$رۆژهەڵاتی کوردستان$
- بەهۆی جێبەجێ نەکردنی یاسا پەسندکراوەکان بۆ مامۆستایان، هەروەها بەهۆی زیادنەبوونی مووچەی مامۆستایان و لەلایەکی دیکەوە بەکاڵابوونی پەروەردە مامۆستایانی سەرتاسەری ئێران، لەسەر بانگەوازیی ئەنجومەنی هەماهەنگی سەندیکاکانی مامۆستایانی ئێران، ئەمڕۆ و سبەینێ لە سەرتاسەری خوێندگاکانی ئێران و ڕۆژهەڵاتی کوردستان مان لە کارکردن دەگیرێت و مامۆستایان ناچنەوە خوێندنگاکان.[3]
- بەپێی هەواڵی گەیشتوو بە ئاژانسی هەواڵدەریی کوردپا، چەند ڕۆژ پێش، ژمارەیەک لە #کۆڵبەر#انی کورد لە کوێستانی بریاجی سەر بە بەخشی ناوەندی شاری #سەردەشت# دەکەونە بۆسەی هێزە نیزامییەکانی حکوومەتی و لە ئاکامی تەقەی هێزە نیزامییەکان لەو کۆڵبەرانە، کۆڵبەرێکی کورد بە ناوی ڕەسووڵ سەراجی بە سەختی بریندار دەبێت.[5]
- بەپێی هەواڵی گەیشتوو بە ئاژانسی هەواڵدەریی کوردپا، چەند ڕۆژ پێش، هێزەکانی سپای پاسداران، لە شاخی خێرووزەی گوندی میراوێ سەر بە شاری #شنۆ#، دەستیان بە لێدان و ئازار و ئەشکەنجەی شوانێکی تەمەن 16 ساڵ دەکەن. هەواڵنێری کوردپا شوناسی ئەو شوانە مێرمنداڵەی بە ناوی ناسیح تەمەن 16 ساڵ خەڵکی گوندی میراوێ ڕاگەیاندووە.[5]
- ئیدارەی ئیتلاعاتی شاری #پاوە#، ڕێگریان لە بەڕێوەچوونی سەرەخۆشی بۆ شاهۆ وەیسی کرد، کە چەند ڕۆژ پێش لە شەڕ و تێکەڵچوونێکی چەکدارانەدا لەگەڵ هێزە ئیتلاعاتییەکان گیانی لە دەستدابوو.[5]
$باشووری کوردستان$
- لە بەردەوامی سازکردنی کۆڕەکانیدا، ساڵۆنی #کوردستانی نوێ# بەناونیشانی (ئەزموونی میللەتان لە ناساندنی کەیسی جینۆساید دا) کۆڕێک بۆ محەمەد حەمە ساڵح تۆفیق سازدەکات.[1]=KTML_Photo_Begin=https://www.kurdipedia.org/files/relatedfiles/2018/155160/0004.JPG=KTML_Photo_Alt=لە چالاکییەکانی ئەمڕۆ: 14-10-2018=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/155160/0004.JPG=KTML_Photo_End=
- بەڕێوەبەرایەتی گشتی کەشناسی و بومەلەرزەزانی هەرێم لە ڕاگەیەندراوێکدا ئاماژەی بەوەکردووە: کاتژمێر 12:04 خولەکی شەوی ڕابردوو بومەلەرزەیەک لە شارۆچکەی #سۆران#ی داوە. ئاماژە بەوەشکراوە کە بومەلەرزەکە بە گوڕی 3،2 پلەی ڕێختەر بە قوڵایی 10کم بووەو هاووڵاتیان هەستیان پێکردووە، بەڵام هیچ زیانێکی بەدواوە نەبووە.[2]
- بەشێک له و خوێندکارانەی ناویان لەهیچ زانکۆو پەیمانگاکایەک نەگەڕانەوە، لەپێش #وەزارەتی خوێندنی باڵا# و توێژینەوەی زانستی لە #هەولێر# گردبوونەتەوە و داوادەکەن، کێشەکانیان چارەسەر بکرێت. پاشتر بەڕێوەبەری گشتی خوێندن و پلان و بەدواداچوونی وەزارەتی خوێندنی باڵا ڕایدەگەیەنێت: سیستمێکی نوێ بۆ ئه و خوێندکارانە جێبەجێدەکرێت، کە ناویان لەهیچ زانکۆ و پەیمانگەیەک نەگەڕاوەتەوە.[2]
- نزیکەی 50 کیلۆی ماددەی هۆشبەر لە سنوری پارێزگای #دهۆک# دەستی بەسەرداگیرا، کە وابڕیار بوو بە ڕێی قاچاغ ڕەوانەی تورکیا بکرێت.[1]
- ئێوارەی ئەمڕۆ بومەلەرزەیەک شارۆچکەی سۆران و #ڕواندز#ی هەژاند.[6]
- شەوی ڕابردوو، لە گوندی وەرمێلێی سەر بە شاری دهۆک، لە ڕووداوێکی سەرنجراکێش دا دوای پێکدادانی لەگەڵ ئۆتۆمبێلێک، ئەسپێک دەچێتە نێو ئۆتۆمبێلێکەوە و ژنێک بریندار دەبێت.[6]
$دەرەوەی کوردستان$
- نوێنەری حکومەتی هەرێم لە ئەوروپا ڕایدەگەیەنێت، کۆمپانیای بازرگانی هۆنگ کۆنگ- ئەفریقی کە پێشتر بەهۆی قەیرانی داراییەوە پڕۆژەکانی لە هەرێم جێهێشتبوو، لەئێستادا بەمەبەستی وەبەرهێنان دەگەڕێتەوە کوردستان.[2]
- وەزارەتی ئیتلاعات بە بڵاوکردنەوەی بەیاننامەیەک ڕایگەیاندووە، کە هێزە ئیتلاعاتییەکان لە ئیدارەی گشتیی ئیتلاعاتی پارێزگای #کرماشان#، شوێنی حەوانەوەی #پێشمەرگە#کانی حیزبی دێموکراتیان لە شاری #پاوە#، دۆزیەوەتەوە و پاش شەڕ و تێکەڵچوونێکی چەکدارانە لە نێوان هێزە ئیتلاعاتییەکان و پێشمەرگەکانی حیزبی دێموکراتی کوردستانی ئێران ڕووی داوە.[5]
- دەزگای هەواڵگریی عێراقی ئاشکرای دەکات: هیچ گومانێکیان لەمردنی فازڵ بەرواری فەرماندەی لیوای ئاڵتوونی نییە.[2]