بەڕێزان: م.س و سەرکردایەتی #یەکێتیی نیشتمانی کوردستان#.
خاتوو #هێرۆ ئیبراهیم ئەحمەد# و خانەوادەی بەڕێزی تاڵەبانی
بە بۆنەی کۆچی دوایی بەڕێز #مام جەلال#، ڕابەری بە ئەزموون و سەرکردەی دیاری بزاڤی ڕزگاریخوازیی گەلی کوردستان، بەناوی خۆم و #پەرلەمانی کوردستان#ەوە، پرسە و سەرەخۆشی لە جەنابتان و خۆمان و سەرجەم هاوڵاتیانی گەلی کوردستان لەسەرتاسەریی دونیا دەکەم.
نەخۆش کەوتن و کۆچی دوایی مام جەلال لەم ساتەوەختە هەستیارەی مێژوی گەلەکەمان، بۆشاییەکی گەورەی دیبلۆماسی و سیاسی لە گۆڕەپانی کوردستان و عێراق و ناوچەکە دروست کرد.
مام جەلال، لە ئەزموونی کاری دەوڵەتداریی و حیزبایەتیدا، ڕۆڵێکی هاوسەنگ و تەبا و لێکنزیککەرەوەی لایەن و بیروباوەڕە جیاوازەکانی دەبینی. لە کارکردنیدا لەگەڵ دۆست و نەیارەکانیدا، بە چاوێکی هاوسەنگ و بێلایەنانە مامەڵەی دەکرد. لەماوەی سەرۆکایەتی کۆماری عێراقدا، لایەنە جیاوازەکان بە (کورد و عەرەب و تورکمان و شیعە و سونە) هەمویان مام جەلالیان بە هی خۆیان دەزانی، چونکە مام جەلال هەمویانی بە هاوەڵ و دۆستی خۆی دەزانی.
داواکارم لە خوای گەورە، ڕۆحی مام جەلال بە بەهەشتی بەرین شادبێت و سەبووریش بە هەمومان ببەخشێت.
انا لله و انا الیە ڕاجعون
د. #یوسف محەمەد# سادق
سەرۆکی پەرلەمانی کوردستان
03-10-2017