بەڕێز کاک ئیدریس بارزانی!
پێشەکی سڵاوێکی شۆڕشگێرانه له هەمو لایەک،ئەوەی سوره و باوکت له ڕابوردوو دا شارەزایه،خەبات و کۆل نەدان و ڕەنج و ئازار و ئەشکەنجه و دەربەدەری و تال و سوێری و شەونخونی و چیاوچۆڵ و ئیمان به بیر و باو‌ەڕ به گەل، له مەیدانی کردەوه به گەل، له مەیدانی کردەوه و شۆڕش و کارزاری ژیاندا وای قاڵ کردوم و تواندومیەوه که له کوردایەتی و حیزبایەتی دوژمنایەتی ئیمپریالیزم و کۆنەپەرەستی و ناحەز بەولاوه حەز له هیچ ژیانێکی تر نەکەم و بۆی به پەرۆش نەبم، له ماوەی بیست ساڵ خەباتی بێ وچان و زیندان و دەربەدەریم به تەئسیری خاو و خێزان و برادەرانم ئەوەندەم توانا پەیدا کرد له ژیانمدا ئەوەنده دڵی خۆم ڕازی بکەم دەزگیرانێک پەیدا بکەم. پاش موخالیفەتێکی زۆری داگیرکەری کوردستان به پەله گوێستمەوه و بەرهەمی ژیانی تایبەتی کورێکم بێ، بەڵام دوژمن وچانی پێنەدام کەوتمه زیندان. سێ سال ئه و ژنه چاوەڕوانی ئازادی منی کرد. پاش ئازاد بونم ئه و بەرهەمه پێکهات، چاوم پێی نەکەوت دوور خرامەوه پاشان ڕام کرد بۆ کوردستانی عێڕاق، له ماوەی ده ساڵ ژن و مێردایەتیدا له پێناوی بیر و باوەر و ئازادی گەلی کورد تەنیا سێ مانگ چاوی به من کەوت، منی عەوداڵی کوردستان، تا پار چاوم نه به خێزان و نه به منداڵم کەوتوه. تازه گەیشتبوه ئێره، دو مانگ بوو له ناو جەرگەی دوژمن و داگیرکەر دا خۆی گەیاندبوه وڵاتی ئازاد کراو و کوردستانی ئازاد که مێردەکەی دەساڵان هەوڵی بۆ داوه و بەردی بناغەی بۆ داناوه، زۆر شاد و بەختەوەر بوو، بەڵام کاتێ بیستی برادەری مێردەکەی به بێ تاوان گیران و هەڵات هەڵاتیان وێکەوت و مێردەکەی ماوەی خواحافیزی نەبوو، به بێ ئیمکان له دەریای غەریبایەتیدا کەس ناناسێ به جێماوه و له پاشان تاڵان کراوه،سوکایەتی به سەر هات، مات و حەیران و گێژ ماوه. تەنیا گریان و قور پێوان ئەیتوانی دڵخۆشی بداتەوه. له و وڵاته که کەس ناناسێ ڕای کردو هاته سەنگەسەر و له وێ به دەست بەستراوی مایەوه. کاتێک ئێمه جوتیارێکی هەژارمان نارد که پارەیەکی پێ بگەیەنێ، کاک حەسۆ گرتی و تەحویلی حکومەتی داگیرکەری ئیرانی داوه. ئیستاش که ئیستایه له ژێر دار و ئازاردان‌دا شه و و ڕۆژ دەکاتەوه. شەش منداڵ و دایکی پیر و خێزانی برسیەتی هەڕەشەیان لێ دەکا. ئەوەی کوردپەروەران فریای نەخەن نیانه بیخۆن. ویستمان له قەڵادزه بێ هەتا بتوانین پێ ڕابگەین. بەهۆی دۆستانی کوردپەروەر هەوڵماندا بەڵام له لایەن حەسۆوه هەموو جەریمه کران و پارەیان لێ ئەستێنرا. تا ناچار بەهۆی باوەر پێکراوێک وەزعی خۆمان و خاو و خێزانمان هێنا گۆڕێ و لێتان دلنیا بووین. کەسێکمان به ناوی محەمەد مەنگور به نەهێنی ڕاسپارد، بەڵام کاک حەسۆ ئەویشی گرت و له بەندیخانەدا ئەوەندەی ئازار داوه له پیاوەتی کەوتوه و ئێستاش هەر نەخۆشه و ئەناڵێنێ، ناچار سەر له نوێ پێمان ڕاگەیاندن بەڕێزتان و باوکت وەعدەی تەواوتان دا که ئه و ژنه ڕزگاره و ئێمه کارمان پێ نەداوه، موافەقەتتان کرد که ڕای گوێزین، پاش دڵنیایی تەواو که به حەسۆ ڕاگەیاندراوه. نامەیەکی دۆستانەم بۆ حەسۆ نووسی و بۆم ڕوون کردەوه که ئه و ژن و مناڵه یا خۆی بۆم بنێرێت یا تەحویلی ڕاسپاردەی بدات. تکام لێ کرد که ئه و نامەیه به نەهێنی بمێنێتەوه و قەزیەکه ئاشکرا نەبێ. له وڵام دا بۆی نوسیبوم تۆ به قسەی جله و بله هەستاوی پیاوی وانی، نامەکەشی له ڕۆژی جێژندا که هەموو کەسی سەنگەسەر و پێشمەرگه له وێ بوون خویندویەتەوه و کابرای ئازار داوه و پاش پشکنین و هەڕەشه که نەچێته لای مندالەکانی من بەڕێی کردۆتەوه. هەر وەکی نووسیومه له پێناوی شەڕەفی نەتەوەکەمدا ژن و مندالم مەبەست نیه هەر ئاوام. بەڵام له بەر ئەوه کوردی ئێران دەزانێ له پێناوی کوردایەتیدا ئه و ژنه ڕەنجی داوه و ڕەنج بەخەسار بووه، منیش پێی قەرزدارم، هەر بۆیه لێی ئەپرسمەوه و پێوەی ماندووم. لام وایه هیچ قانون و عورفێکی دواکەوتوانه و عەشیرەتی و یا قانونی زۆردار و داگیرکەریش هێندەی لێی ناپرسێ و پێوەی ماندوو نیه. عەجەبا بۆ ئێوه بۆته موشکیلەیەک و خەڵکی ئیران و عێڕاق پێی وابێ که دەستی به سەر داگیراوه و بەر دەست و دەست بەسەره. کوردێکی ئێران و کە‌س و کارم توانای نەبێ له و ژن و منداڵه بەندیه بپرسێتەوه و ئەوانێش ترس و وەحشەتێکیان لێ بنیشی که له داگیرکەر وا نەترسابن و ئەم حاڵه به مردن و سووکایەتی بزانن.
له و لایەشەوه حەسۆ میرخان له بەر ئەوه نەکا ئه و ژن و منداڵه به شه و ڕا بکەن، ئاڵتون و جل و بەرگی وەک بارمته لێ بگێڕێتەوه و چوار دەوری له جاسوس و خەبەرچین بتەنێ. ئاخر نابێ بزانین ئێمه چێمان کردوه؟ ئەگەر گۆیا ئێمەش تاوانبارین ئه و ژن و منداڵه غەریب و بێکەسه چیان کردوه؟ من ئەگەر سوچ و خەیانەتێکم له خۆدا شک بردبا، ئه و ژن و مندالەم نەدەهێنا و یان ئەگه هێناومن دەرفەتی ئەوەم هەبو بۆ هەر شوێنێکی ئارەزووم هەبا ڕام گوێستبان. ئەوەش هەر دەلیلی ڕاستی و کوردپەروەری ئێمەیه.
برا گیان ئەوەی گوێ بیس بوی، له شوێنی باوەرپێکراوی خۆمان بۆمان هاتوه له سابڵاغ، قاوه گۆیا سازمانی ئەمنیەت هەوڵ دەدات که ئه و ژنه له دەستی ئێوه وەربگرێ و به فێڵ بیباتەوه و تۆڵەی ڕابوردووی منیش له و ژنه خاکساره بکاتەوه. ئەوه من له هەموو لایەکەوه ژیانی خێزانم له مەترسی دایه و هەڕەشه له وێژدانم ئەکا و پیلانی دوژمن چاوەڕوانیم دەکا. هەر چەنده له پێناوی ئەڤین به ڕێگا و خەباتم دا ئەویش هەر شانازییه بۆ من به دەستی دوژمن نەک کورد!!!
جا من سەر دەر ناهێنم له و کارەی که بۆ ژنێک و دوو مناڵ له گۆڕێ دایه. هەر ئەوەندەم تکا هەیه هەر وەکی له دوو لاوه وەعدەتان داوه که ڕزگاری بکەن ئەوه به قەولی خۆتان وەفا بکەن، نامەیەک بنوسن وڵامم بدەنەوه تا کەسێکی به دوا دا بنێرم به بێ دەنگی له شوێنێکی بێ سەر و سەدا و له دەستێکی ئەمین دا بێ. حەسۆش ئاگادار بکە‌ن چی تر سیاسەتم لە‌گەڵ نەکا، کوردانه و مەردانه بێته پێش. چونکه من حەز ناکەم دڵی کوردپەروەران له ئێران و عێڕاق لەوه زیاتر موتەئەسێر بێتو چیرۆکی لێ دروست بکەن و دوژمن و نەیار و ناحەز پێی شاد بن. وەک نمونه به ناوی ئاکارێک بیخەنه ڕو، خۆی پێ گیڤ بدەن و له و لایەشەوه ویژدانم قبوڵ ناکا بۆ ژنێک چی تر کوردی هەژار بخەمه مەترسی لێدان و تەحویل دانەوه. پاش ناهومێد بوون له و محاوەلەیه و نووسینی ئه و نامەیه ئەگەر وڵامێکی ڕاستم دەست کەوت ئەوا بۆی ئەنێرم، ئەگەر بێ‌وڵام مامەوه پەیمان ئەدەم واز له و ژنه بێنم، ئیتر لێی نەپرسمەوه بۆ ئەبەد و چی تر پیوه ماندو نەبم. هەر ڕوداوێک له ناردنەوه بۆ ئێران و تەسلیم به دوژمن بەڵایەک بەرپرسیاریەتیەکەی ئەخرێته سەر شانی ئێوه. جا خۆتان و شەڕەفی کوردایەتیتان بەرامبەر به ژن و دوو منداڵی ئێخسیر و بێ تاوان.
له ئاخریدا ئەبێ ببوری که هیچ کەسمان شک نەبرد دۆستیکی موتمەئین و دڵسۆز بێ بەرانبەرتان که ئه و نامه به نەهێنی بدا به ئێوه، ئه و برادەرانه نەبێ که حەولمان دا و وەسیلەمان پێکەوەنا. چاوەڕوانی وڵامتان ئەکەم به حورمەتەوه.
فایق ئەمین
15-04-1968