04-12-2016
📅 رێکەوت و رووداو (کڕۆنۆلۆژیا)
- گردبوونەوەی مامۆستا و فەرمانبەرانی زانکۆ و بەبەشداری ژمارەیەکی زۆر لەمامۆستایانی بنەڕەتییەکان و خوێندکارانی زانکۆ لەبەردەم کامپی نوێی زانکۆی سلێمانی دەستیپێکرد.
- ئاسایش لەگوندی پونگەڵەی سەر بەقەزای دەربەندیخان پەلاماری ئه و دوو چەکدارەی داعش دەدەن، شەڕە تەقە لەنێوان ئاسایش و ئه و دوو چەکداری داعش روویداوه و دواتر هەردوکیان خۆیان تەقاندەوە و هیچ زیانێکی لێنەکەوتەوە.
- بەمەبەستی ڕەتکردنەوەی داواکاری وەزیری پەروەردە بۆ دەستپێکردنەوەی خوێندن وگەڕانەوەی مامۆستایان بۆ هۆڵەکانی خوێندن، پێشنیوەڕۆی ئەمڕۆ مامۆستایانی شارۆچکەی سەیدسادق لەبەردەم بەڕێوەبەرێتی پەروەردەی شارۆچکەکە دەستیان بە گردبونەوەی ناڕەزایەتی کرد.
- رێکخراوی داعش خۆتەقاندنەوەی چەکدارێکی کوردی ناو ریزەکانی راگەیاند بە سوپای عێراق و حەشدی شەعبیدا لە رۆژئاوای مەخمور.
- قایمقامی دەربەندیخان رایگەیاند، هاوڵاتییەک شەهیدبوو، لە رووبەرووبونەوەی هێزەکانی ئاسایش و چەند چەکدارێکی نەناسراو، لە ناوچەی تونی بابا.
- پەرلەمانی عێراق دەنگی لەسەر ئەو بڕگەیەی پرۆژەیاسای بودجەی 2017ی عێراقدا کە تایبەتە بە موچەی فەرمانبەرانی هەرێمی کوردستانەوە و بەپێێ مادەیەکی تری پەسەند کراویش هەرێم ناچار دەکرێت کە رێژەی 3.8%ی موچەی فەرمانبەرانی هەرێم ببرێت.
- بەهۆی کەوتنەوەی ئاگرێکەوە لە کەمپی دووەمی دیبەگە نۆ هاوڵاتی بەڕەگەز عەرەب بوونە قوربانی.
📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان