قەندیل ئاگر بانە
محەمەد حەسەن هاوسەرۆکی شارەوانی بناری قەندیل سەرجەم زەر و زیانەکانی بۆردومانی فرۆکەجەنگییەکانی تورک بۆ سەر گوندەکانی بناری قەندیل بۆ ڕۆژنیوز دەخاتەروو و ڕایدەگەیەنێت کە ئێمە وەک شاروانی بناری قەندیل هەوڵمان داوە لە ڕێگەی ڕێکخراوەکانی مافی مرۆڤ،راگەیاندنەکان، پەرلەمانتاران و لایانە سیاسیانەی کە هاتوون بە چاوی خۆیان ئەم تاوانە چەپەڵەی دەوڵەتی تورک یان دیوە، ڕووی ڕاستی ئەم کردوە دژە ئینسانیە بە جیهان بناسێنین. تا لەم ڕێگەیەوە گوشاری زیاتر بخرێتە سەر دەولەتی تورک بۆ ڕاوەستاندنی هێرشە درندانەکانی. بە هۆی ئەو بۆردمانەی تورکیا کەلە 25ی مانگی 7 دا دەستی پێکرد چەندین گوند بوونە ئامانجی هێرشەکانی فرۆکەجەنگییەکانی دەوڵەتی تورک و لەئەنجامدا زیانی گیانی و مادی لێکەوتەوە ناوی ئەو گوندانەش بەم شێوەیەن: گوندی زارگەڵی :8 هاوڵاتی شەهید و 11هاوڵاتی بریندار و کەم ئەندام بوون،8 ماڵ بە تەواوەتی خاپور بوون، 10ئۆتۆمبیل،خوێندنگەیەک،پرۆژەی ئاو وکارەبا بە تەواوەتی خراب بووە،خوێندنگە و مزگەوت و نەخۆشخانە زەرە و زیانی گەورەیان پێکەوتوە،باخ و ڕەز و پوش و پاونی هاولاتیان سوتاوە. گوندی بۆکریسکان:4لەو هاوڵاتیانەی کە لە زارگەلێ شەهید بوون خەڵکی بۆکریسکا بوون،بەشێکی زۆر لە پوش و پاوانی گوندەکە سوتاوە. گوندی لێوژێ:باخ و پوش و پاوانێکی زۆر سوتاوە. گوندی ئێنزێ: لە 25ی مانکی مانگی حەوت بۆردمانکرا گۆرستانی گوندەکە کرایە ئامانج کە زیانێکی گەوەرەی پێکەوت،باخ و ڕەز و پوش و پاوانی گوندەکە سوتا،زەرەری زۆر بەر قوتابخانە، مزگەوت و نەخۆشخانە کەوت. گوندی خۆبیان: لەوەرگە و باخ و دارستانەکان سوتاون. گوندی سڵێ: پرۆژەیی ئاوی گوند بە تەواوی خراب بووە. ڕەز،باخ و دارستانەکان سوتاون. گوندی بایەوان:زەرەر و زیانی گەورە بەر باخ و ڕەزی هاوڵاتیان کەوتوە و سوتاوە. گوندی بۆڵێ:بەشێکی زۆر لە ڕەز و باخەکان سوتاون و هاوڵاتیەکیش بریندار بووە و پرۆژەی ئاو و کارەبایی نیشتمانی، مزگەوت،خوێندنگە و چەندین ماڵی هاوڵاتیان زیانی گەوەریان بەرکەوتووە. گوندی شیانوەێی مارادۆ :چەندین جار کراوتە ئامانج ڕەز و باخی هاوڵاتیان سوتاوە. لە ڕاپۆرتێکدا کە دەستەی پاراستنی ژینگەی هەرێمی کوردستان ئامادەیان کردوە، 4350دۆنم لە دارستان،رەز وباخی هاوڵاتیان سوتاوە کە لە 22دۆنم باخچەی هاوڵاتیانە. هەروەها سەرنجی ڕاکێشراوەتە سەر ئامانجی هێرشەکانی دەوڵەتی تورک بۆ سەر بناری قەندیل و هێرشەکانی داعشیش بۆ سەر باشووری کوردستان و ئەو قەیرانە ئابووریەیی کەباشوری کوردستانی گرتۆتەوە.ئاماژە بۆ ئەوەکراوە : بە هۆی قەیرانی ئابووری و پەیدا کردنی بژێوی ژیانیان خەلکی ڕوویان کردوتە گوندەکانی بناری قەندیل بەڵام دەوڵەتی تورک هاوڵاتیانی مەدەنی و پرۆژە خزمەتگوزاریەکان دەکاتە ئامانجی سەرەکی تا گەلی بناری قەندیل گوندکانیان چۆل بکەن. ووتراوە: خەڵکی بە هیچ شێوەیەک ئامادەنیین گوندەکانی خۆیان چۆڵ بکەن.ئەمە جاری چەندەمینە کە دەوڵەتی تورک تاوانی لەم شێوەیەی دوبارە کردوە. هاوشێوەی کومەڵکوژکوژیەکەی گوندی زارگەڵێ لە ساڵی 21-08-2011لە کورتەک 7 هاوڵاتی گوندی بۆڵێ کە ئەندامی یەک بنەماڵە بوون، کۆمەڵکوژکران خەڵکی بناری قەندیل لە ترس و دڵراوکێدان لە ئەگەری دووبارە بوونەوەی کۆمەڵکوژیتر و دیسان بە ئامانج کردنی خەڵکی مەدەنی. محەمەد حەسەن هاوسەرۆکی شارەوانی بناری قەندیل تیشکی خستەسەر هەڵوێستی حکومەتی هەرێمی کوردستان و دەوڵەتی ئێراق لە بەرامبەر دەستدرێژیەکانی دەوڵەتی تورک بۆ سەر خەڵکی بناری قەندیل وتی: بەرای من تا ڕادەیەک لەجێی خۆدا نەبوو، چونکە دەیانتوانی گوشارێکی زیاتر بخەنەسەر دەوڵەتی تورک بۆ ڕاوەستاندنی دەست بە جێی ئەم هێرشانە. ئاماژەی بە هەوڵەکانیان بۆ ڕاوەستاندنی ئەم هێرشانەدا و ووتی: ئێمە وەک شاروانی بناری قەندیل هەوڵمان داوە لە ڕێگەی ڕێکخراوەکانی مافی مرۆڤ،راگەیاندنەکان، پەرلەمانتاران و لایانە سیاسیانەی کە هاتوون بە چاوی خۆیان ئەم تاوانە چەپەڵەی دەوڵەتی تورک یان دیوە، ڕووی ڕاستی ئەم کردوە دژە ئینسانیە بە جیهان بناسێنین. تا لەم ڕێگەیەوە گوشاری زیاتر بخرێتە سەر دەولەتی تورک بۆ ڕاوەستاندنی هێرشە درندانەکانی. محەمەد حەسەن هاوسەرۆکی شارەوانی بناری قەندیل داواشی لە حکومەتی هەرێم،حکومەتی ئێراق، کۆمەلگای نێودەوڵەتی و ولاتانی ئەندام لە ناتۆ کرد کە سنورێک بۆ ئەم دەستدرێژیانەی دەوڵەتی تورک دابنێن.تا جارێکی تر بە هیچ بیانوێک خەڵکی بناری قەندیل کۆمەڵکوژ نەکرێت.