ساڵی 1352ی هەتاوی لە گوندی ترکاشە سەر بە شاری #بۆکان# چاوی بە دنیا هەڵێناوە. لیسانسی زمانی عەڕەبی هەیە و ئێستا لە شاری بۆکان مامۆستای قوتابخانەیە. لە ساڵی 1374ی هەتاوییەوە خەریکی کۆکردنەوەی پەندی پێشینانە لە شیعری کوردیدا و هەتا ئێستا ژمارەیەکی زۆری ئەم پەندانەی کۆ کردوونەتەوە و خۆی کوتەنی چاوەڕێی یارمەتیی شاعیران و دەزگاکانی بڵاوکردنەوەیە کە بە ناردنی فایلی ئەو کتێبانەی دەستی پێیان راناگا، کارەکەی پوختەتر و پاراوتر بکات. بێجگە لەوەش لە ساڵانی 1376ەوە خەریکی وەرگێڕانە لە زمانی عەڕەبی و فارسییەوە بۆ کوردی و کتێبێکی چیرۆکی ئامادە کردووە بە ناوی (بە درێژی زستان گەرمم کەوە) کە جارێ چاپ نەبووە.
لە ساڵی 1380 بەم لاوە هەوڵێکی زۆری بۆ پیتچنینی کوردی داوە و زۆر وردەکاریی لەم بوارەدا دیوەتەوە و زۆربەی کتێبەکانی نووسەرانی شاری بۆکان بەرهەمی حەول و دەست ڕەنگینی ئەون. حەولێکی زۆریشی بۆ دروست کردنی وێبلاگ بۆ چەندین نووسەری بۆکان داوە.
وێبلاگی خۆی: http://www.m-shasanam.blogfa.com