ناو: ئەردەڵان
ناوی باوک: بەکر
شوێنی لەدایکبوون: گەڕەکی #خانەقا#ی شاری #هەولێر#
ڕێکەوتی لەدایکبوون: #25-09-1967#
شوێنی کۆچی دوایی: وڵاتی سوید
ڕێکەوتی کۆچی دوایی: #10-10-2009#
$ژیاننامە$
لە ڕێکەوتی 25-09-1967 لە گەڕەکی خانەقای شاری هەولێر لە دایکبووە، تا پۆلی (3)ی ناوەندی خۆیندووە، لە منداڵیدا لە قوناغی سەرەتایی زۆر زیرەک بووە، هەموو ساڵێک بە یەکەم دەرچووە، ئەو وزەیەکی باشی هەبوو، وەرزشکارێکی باش بووە.
ئەردەڵان لە خێزانێکی کوردپەروەر گەورە بووە، هەر لە تەمەنی هەرزەکاری حەز و خولیای هونەری هە بووە، هەر زوو لە تەمەنێکی زۆر بچووک هەوڵدەدات پەیوەندی بەڕیزەکانی پیشمەرگەی کوردستانەوە بکات بەڵام لەبەر بچووکی تەمەنی وەرناگیرێت.
$خەباتی$
دوای تەمەنی 18 ساڵی ئەردەڵان دەبێتە #پێشمەرگە#ی #یەکێتیی نیشتمانیی کوردستان# لە تیپی 86ی بەرانەیەتی.{img onmouseover="hideHashTagModal ();" class="ArticlePhoto pointer" src="https://www.kurdipedia.org/files/relatedfiles/2009/2082/0003.JPG" alt="" title="ئەردەڵان بەکر" style="width:30%;height:20%;float:right;" onclick="Galarry (0,[['https://www.kurdipedia.org/files/relatedfiles/2009/2082/0003.JPG', this.title]]);"}
لە دوای شاڵاوی بەدناوی #ئەنفال#یش لە ساڵی 1988 لەناو ڕێکخستنەکانی یەکێتی، دەست بە خەباتی نهێنی دەکات، لەناو شاری هەولێر، لە ڕاپەڕینیشدا سەرپەرشتی هێزیک دەکات بۆ چەند گەرەکێک لەوانە، گەڕەکی خانەقا تاکوو دەگاتە، شارع هەولێر.
لە #کۆڕەو#ی ساڵی 1991 کوردستان بە جێ دەهێڵێت و دەچێتە وڵاتی سوید، ماوەی 15ساڵ لە غوربەت ژیاوە.
دەمەوێت لێرەدا یەکێک لەوتەکانی بهێنمەوە یادی خوێنەری خۆشەویست کە بەردەوام لەگەڵ لەگەڵ هاوەڵەکانی دەیووت: (مرۆڤ هەستە، من هەرگیز هەست ناکەم کە لە هەندەرانم هەمیشە وا دەزانم لە کوردستانم) هێندە خۆشەویشتی بۆ خاک و نیشتمانی هەبوو.
$چالاکیی هونەری$
ئەردەڵان نموونەی هونەر و هونەر مەندانی کورد بوو، لە ساڵی 1986 یەکەم کاسیتی خۆی بڵاوکردووەتەوە.
لە ساڵی 1993یش لە وڵاتی سوید یەکەم ئەلبوومی بڵاوکردەوە.
ئەردەڵان خاوەنی 5 ئەلبوومی گۆرانییە...لەوانە:
شەم-şem
ئەلبوومی 2007-Elbumî 2007
وەفای عەشق-Wefay 'Eşq
هەڵبژاردە-Hellbjarde
ئەردەڵان بەکر - لە یەکێک لە گۆرانییە کیانیدا بە ناوی (کچی گاور) دەڵێت:
کچی گاور دڵی بردم ئەشقی بووم پیری کردم
تازە دونیایی من وایە من بریندارم ئەو تەبیبم
وا دەرۆی و جێم دەهێلی
برینی کۆنە بە ئێش دێنی
دەرۆی پێم بڵی بۆ چ لایەک
هیچ کەس وەک من خۆشتی ناوێ
ئیشقی جوانیت وای لێ کردم دونیا و خەیاڵی بردم
لە تەمەنی نێو گەنجیما ڕسوای هەردوو دونیات کردم

جوانەمەرگ نەخۆشی درێژخایەنی هەبوو، خۆی دەیزانی، چونکە پزیشکەکان پێیان گوتبوو، بەڵام ئەو زۆر بەئومێدێکی گەورەوە لە دڵ و خەیاڵی دانابوو چاک ببێتەوە، یاخود بەرەو باشی بڕوات و ئیتر دەست بکات بە وەرزش و ژیانێکی نوێ بۆ خۆی دابین بکات، بەڵام لە هەمان کاتدا نەیدەویست ئازیزانی خۆی دڵگران بکات بەم هەواڵە ناخۆشەی. بۆیە بڕیاری دابوو کە لای کەس باسی نەکات تەنیا لەلای براکانی و چەند کەسێکی تر.
ئیتر مەرگ ڕێگەی نەدا ئەردەڵان کاری باشتر و جوانتر پێشکەش بکات و لە ڕێکەوتی 10-10-2009، لە یەکێک لە نەخۆشخانەکانی وڵاتی سوید، بە نەخۆشی کۆچی دوایی کرد.
دوای چوار ڕۆژیش لە ئێوارەی#14-10-2009# ، تەرمەکەی گەییشتەوە هەولێر و ڕێکەوتی #15-10-2009# ، لە مەراسیمێکی شایستەدا لە گۆڕستانی (شێخ ئەحمەد) لە هەولێر بەخاک سپێردرا.
ڕێکەوتی #06-03-2014# بە ئامادەبوونی #قوباد تاڵەبانی# و نیاز نووری نەقیبی سەندیکای هونەرمەندان و ژمارەیەکی بەرچاو لە کەسایەتی و ڕۆشنبیران و بنەماڵەی هونەرمەندی کۆچکردوو ئەردەڵان بەکر، لە پارکی منارە لە هەولێر پەردە لەسەر پەیکەری ئەو هونەرمەندە لابرا.
پەیکەرەکە لەلایەن پەیکەرساز ڕێبین سەرکار-ەوە درووستکراوە و پۆرترێتە و قەبارەکەی دوو ئەوەندە و نیوی قەبارەی ئاساییە و لەمادەی فایبەر گڵاس درووستکراوە. [1]