ناوی محەمەد کوڕی سەعید کوڕی عەلییە، لە #02-06-1925# لە شاری #مەهاباد# (سابڵاخ) لەدایکبووە، بنەماڵەی ماملێ یەکێکە لە بنەماڵە هەرە کۆنەکانی دانیشتووی شاری مەهابادی سەربە ڕۆژهەڵاتی کوردستانە کە زۆربەی دانیشتووانەکەی بەدەنگ خۆشی و هونەرمەندی ناسراون. محەمەدی ماملێیش کەلەو ژینگەیەدا پەروەردە کراوە هەر زوو بەهرەی خۆشخوانی تێدا دەرکەوتووە، لە تەمەنی سیانزەساڵیدا یەکەمین #گۆران#ی لەبۆنەیەکدا پێشکەش دەکات و لێهاتوویی خۆی ئەسەلمێنێ.{img onmouseover="hideHashTagModal();" class="ArticlePhoto pointer" src="https://www.kurdipedia.org/files/relatedfiles/2008/223/0018.JPG" alt="" title="محەمەدی ماملێ " style="width:20%;height:20%;float:right;" onclick="Galarry(0,[['https://www.kurdipedia.org/files/relatedfiles/2008/223/0018.JPG', this.title]]);"}
ئەم هونەرمەندە بلیمەتە لە ماوەی 56 ساڵی ژیانی هونەرییدا نزیکەی 328 گۆرانی تۆمار کردووە.
محەمەدی ماملێ، ئەوەی بەئەستێرەیەکی گەشی ئاسمانی هونەر و مۆسیقای کوردی دادەنرێت، تەنیا بەیتە فۆلکلۆرییەکانی نەکردووە بەگۆرانی، بەڵکوو هەڵبەستی گەلێ شاعیری گەورەشی بەدەنگە خۆشەکەی خۆی کردووەبەگۆرانی، لەوانە هەڵبەستەکانی #وەفایی#، #هێمن موکریانی#، #ئەحمەد هەردی#، گۆران....هتد.
محەمەدی ماملێ هانی دەنگ خۆشانی بنەماڵەکەشی داوەهەمان ڕێباز بگرن و وەک مامۆستایەکی بەئەزموون ڕێنمایی کردوون.
بنەماڵەی ماملێ لە چالاکییە کۆمەڵایەتی و ڕامیارییەکانیشدا ڕۆڵی دیاریان هەبووە، هونەرمەندی گەورە محەمەدی ماملێ جگە لەوەی کە لە بەرهەمەکانیدا باسی ئازادی و پێشخستنی کۆمەڵ دەکات، باوکی شەهیدێکی کوردستانیشە، ماملێ لە ساڵی 1994دا دوا گۆرانی تۆمار کرد، لەو ساڵەوە تووشی نەخۆشییەکی سەخت بوو و دوای پێنج ساڵ بەو نەخۆشییە کۆچی دواییکرد و لەپاش خۆی ناوبانگێکی گەورە و بنەماڵەیەکی هونەر پەروەر و خەرمانێ لەئاواز و گۆرانی ڕەسەنی کوردی بۆ نەوەکەی جێدەهێڵێت.
ماملێ ڕۆژی #23-01-1999# لە مەهاباد کۆچی دوایی کرد و لە ڕێوڕەسمێکی زۆر شایستەدا هەر لە مەهاباد نێژرا.