باکووری کوردستان
- پۆلیسی تورک سەرلەبەیانی ئەمڕۆ هەڵیانکوتایە سەر ماڵی عەدنان ئۆرهان بەرێوەبەری لقی ئامەدئامەدی کۆمەڵەی مافی مرۆڤ و کۆمسیۆنی ونبووەکان و دەستگیریان کرد. ئۆرهان بۆ بەڕێوەبەرایەتی پۆلیسی ئامەد گواسترایەوە.[1]
- لە ناوچەی باغلار و یەنیشەهیری ئامەد سەرلەبەیانی ئەمڕۆ پۆلیسی تورک هەڵیکوتایە سەر ماڵان. لە ئەنجامدا ڕۆژنامەنووس حەقی بۆڵتان و عەبدوڵڕەحمان عەلیچیچەک دەستگیرکران. بۆڵتان و عەلیچیچەک بۆ بەڕێوەبەرایەتی پۆلیسی ئامەد گواسترانەوە.[1]
- تەرمی ئەرهان ئولچەن گەریلای هەپەگەهەپەگە کە لە لیجە شەهید بوو، دوای 108 ڕۆژ، لە ژێر گەماڕۆی پۆلیسی تورک بەخاکسپێردرا.[1]
- شەوی ڕابردوو لە شارۆچکەی وێرانشار سەربە پارێزگای ڕووها شەڕ لەنێوان دوو گرووپ ڕوویدا و بەهۆیەوە کەسێک کوژرا و 13ی دیکەش برینداربوون. شەڕەکە لە گەڕەکی گۆلباشی-ی وێرانشار بووە، سەرچاوە ئەمنییەکان دەڵێن، بەهۆکارێکی نادیار دەمەقاڵێ لەنێوان دوو گرووپدا ڕوویدا و دواتر دەمەقاڵێکە گەورە بووە و بوو بە شەڕەتەقە.[4]
رۆژهەڵاتی کوردستان
- ئەرسەلان شوکری بەڕێوەبەری گشتی ڕێگەوبانی پارێزگای ورمێورمێ ڕایگەیاند کە ڕێگەی 265 گوندی ئەو پارێزگایە بەهۆی بەفرەوە داخراون و هەوڵی کردنەوەیان دەدرێت. شوکری ڕایگەیاند: 85 گوند لە پیرانشارپیرانشار، 61 گوند سەربە شاری ئورمیە، 25 گوند لە چاڵدران، 25 گوند لە سەردەشتسەردەشت، 20 گوند لە مەهابادمەهاباد، 15 گوند لە خۆی، 15 گوند لە شنۆشنۆ، 14 گوند لە سەڵماسسەڵماس، سێ گوند لە ساین قەڵا و لە هەریەکە لە شارەکانی تێکاب و چایپارەش یەک گوند، ڕێگاکانیان داخراوە.[6]
باشووری کوردستان
- شەوی ڕابردوو لە گوندی چەخماخە، داعشداعش 4 گەنجی کوردی بەناوەکانی (عەلی ئەحمەد دەروێش، لە دایکبووی 1998، مەحمود ئیبراهیم خورشید، لە دایکبووی 1995، ئەحمەد جاسم خزر، لە دایکبووی 1999 و مەریوانمەریوان سیروان، لە دایکبووی 1995) شەهیدکردن و دوو کەسی دیکەش برینداربوون.[2]
- لە مەراسیمێکدا بە بۆنەی 31 ساڵەی شەهیدانی ئەشکەوتی داری خلە خەڵاتی ساڵانەی ئه و یادە بەخشرایە خانەوانەدەی شەهید مامە ڕیشەمامە ڕیشە.[3]
- گۆڕێکی بە کۆمەڵ لەنێو یەکێک لە بیرەکانی شارۆچکەی تەلەعفەردا دەدۆزرێتەوە، جیا لەو ڕوفاتانەی لەنێو ئەو بیرەدان، تەرمی نزیکەی 30 کوردی ئێزدیی تێدایە و بە گوتەی شایەتحاڵەکانیش سەرجەمیان گەنج بوون.[4]
- لە هۆلی لوبنان لە شاری کەرکوککەرکوک لەلایەن کۆمیتەی خانەوادەی شەهیدان مەڕاسیمێکی شکۆدار سازکرا بۆ بەرزڕاگرتنی یادی ئەو چوار شەهیدەی کە لە بەرخۆدانی سەرێکانیسەرێکانی لە ڕۆژئاوای کوردستان شەهیدبوون. هەریەک لە شەهیدان(شەهید زەریان جودی، مەزلوم کۆبانی، ئارام کەرکوکی، ناڤدار کەرکوکی) لە بەرخۆدانی سەرێکانی دژی دەوڵەتی فاشستی تورک شەهید بوون.[1]
- مەسعود بارزانیمەسعود بارزانی پێشوازی لە عوسمان بایدەمیرعوسمان بایدەمیر، کەسایەتی و سیاسەتمەداری کورد کرد و گفتوگۆیان لەبارەی ڕەوشی گشتیی ناوچەکە و دوایین گۆڕانکارییە سیاسییەکان کرد.[4]
دەرەوەی کوردستان
- ئەمرۆ مەسرور بارزانیمەسرور بارزانی، لەگەڵ پاپای ڤاتیکان کۆدەبێتەوە و باسی پابەندبوونی هەرێمی کوردستان بە پێکەوەژیانی ئایینی و هاندانی گفتوگۆی نێوان ئایینەکان دەکات.[5]
- سوپای سووریا ناوچەیەکی سەربازی لەسەر سنووری پارێزگای ئیدلبی سووریا ڕادەگەیەنێت و ئه و ناوچەیە لە ڕۆژنامەنووسان و خەڵکی سڤیل قەدەغە دەکات.[5]
- تیپی تۆپی بالەی یانەی وەرزشی پێشمەرگەی سلێمانیسلێمانی لە 38ەمین پاڵەوانێتی بالەی یانەکانی عەرەبی کە لە ئێستادا یارییەکانی لە وڵاتی میسر و لە شاری قاهیرە بەڕێوە دەچێت، توانیان لە یەکەم تاقیکردنەوەی خۆیاندا سەرکەوتنێکی گرنگ بەدەست بهێنن پاش ئەوەی بە ئەنجامی 3 گێمی بێوەڵام لە تیپی بالەی یانەی سنجلی فەڵەستینی یان بردەوە.[5]