[1]

سەرۆکی حکومەتی هەرێمی کوردستان پیرۆزبایی لە هەردوو یانەکانی دهۆک و زاخۆ دەکات بۆ بەدەستهێنانی پلەی یەکەم لەلایەن دهۆک و پلەی دووەم لەلایەن زاخۆوە لە جامی عێراق.
#یانەی وەرزشی دهۆک# توانیی بە لێدانی یەکلاکەرەوە بە ئەنجامی 5 - 3 لە #یانەی وەرزشی زاخۆ# بباتەوە و ببێتە پاڵەوانی جامی عێراق، یانەی زاخۆش پلەی دووەمی بەدەستهێنا.
#مەسرور بارزانی# ، سەرۆکی حکومەتی هەرێمی کوردستان دەڵێت، پیرۆزبایی لە هەردوو یانەی دهۆک و زاخۆ دەکەم بۆ بەدەستهێنانی پلەی یەکەم و پلەی دووەمی جامی عێراق، هیوای سەرکەوتنی بەردەوام بۆ هەردوو یانە دەخوازم.
سەرۆکی حکومەتی هەرێمی کوردستان لە پەیامەکەیدا کە لە هەژماری فەرمیی خۆی لە فەیسبووک بڵاویکردووەتەوە، نووسیویشیەتی، گرنگ ئەوەیە کوردستان سەرکەوت. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هەرێمی کوردستان پیرۆزبایی لە یانەکانی دهۆک و زاخۆ دەکات بەبۆنەی بەدەستهێنانی پلەی یەکەم و دووەمی جامی عێراق و دەڵێت، هەر هەبن و هەر سەرکەوتوو بن.
بەبۆنەی بەدەستهێنانی پلەی یەکەم لەلایەن #یانەی وەرزشی دهۆک# و پلەی دووەم لەلایەن #یانەی وەرزشی زاخۆ# لە جامی عێراق، #نێچیرڤان بارزانی#، سەرۆکی هەرێمی کوردستان پەیامێکی لە لاپەڕەی فەرمیی خۆی لە فەیسبووک بڵاوکردەوە و دەڵێت، لە دڵەوە و بە گەرمی پیرۆزبایی لە یانەی دهۆک دەکەم کە بووە یەکەم و جامی عێراقی بەدەستهێنا، هەروەها پیرۆزبایی لە یانەی زاخۆ دەکەم کە پلەی دووەمیان بەدەستهێنا، دەستخۆشییان لێدەکەم و هیوای سەرکەوتنی بەردەوامیان بۆ دەخوازم.
سەرۆکی هەرێمی کوردستان دەشڵێت، گەیشتنی هەردوو یانەکانی دهۆک و زاخۆ بەم ئاستە، جێی دڵخۆشی و شانازیی هەموو کوردستانییانە. هیوادارم ئەم ئاست و سەرکەوتنە گیانی وەرزشی لە کوردستان و عێراق بەگشتی بەهێز بکات.
لە کۆتایی پەیامەکەشیدا، ڕووی قسەکانی لە هەردوو یانە دەکات و دەڵێت، هەر هەبن و هەر سەرکەوتوو بن. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=