$باشووری کوردستان$
- کۆچی دوایی پێشمەرگەی دێرین و ئەکتەری بەناوبانگ #بەرزانی قالەی خەڵوز# لە #سلێمانی#.[1]

سەرۆکی یەکێتیی نیشتمانیی کوردستان بۆکۆچی دوایی هونەرمەند و پێشمەرگە #بەرزانی قالەی خەڵوز# هاوخەمی دەردەبڕێت و رایدەگەیەنێت: کاک بەرزان لە هەموو قۆناغەکانی ژیانیدا لەپێناو کوردستان و پاراستنی فەرهەنگ و هونەرە دەوڵەمەندەکەیدا دەژیا.

=KTML_Bold=دەقی پرسەنامەکە...=KTML_End=
کۆچی دوایی کاک بەرزانی قادر خەڵوز و ماڵئاواییە هەمیشەییەکەی، خەمێکی گەورەیە لەسەر دڵی ئێمە و هەموو ئەوانەی رۆژانێک بینەری هونەرە باڵا و نەمرەکەی بوون. ئەو رۆژانێک لەشاخ خزمەتی شۆڕشی دەکرد، پاش ئەوەش بە هونەرەکەی خزمەتی کوردستان و خەڵکەکەی دەکرد و تەنزی کردبووە چەکێک بۆ رەخنەگرتن لە نادادییەکان.
‎کاک بەرزان لە هەموو قۆناغەکانی ژیانیدا لەپێناو کوردستان و پاراستنی فەرهەنگ و هونەرە دەوڵەمەندەکەیدا دەژیا، هەموومان لە ماوەی رابردوودا بینیمان سەرباری نەخۆشی و تەندروستییە ناجێگیرەکەی، هەوڵی دڵخۆشکردنی بینەرەکانی دەدا و دەیویست میوانێکی خۆشەویستی ناو خێزانەکان بێت، کە بێگومان وابوو.
‎لە قووڵایی دڵمانەوە بۆ لەدەستدانی کاک بەرزان نیگەرانین و لەم کۆستە گەورەیەدا هاوبەشی خەمی خێزان، بنەماڵە، هاوڕێیان و هونەردۆستانین. نزا دەکەین خوای گەورە بە بەهەشتی بەرینی شاد بکات و ئارامیی بەهەموولایەک ببەخشێت. [1]

‎#بافڵ تاڵەبانی#
‎سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

کەسوکار و خانەوادەی پێشمەرگەی دێرین وهونەرمەند و میدیاکار کاک بەرزان قادر ناسراو بە #بەرزانی قالەی خەڵوز#، بەداخ وپەژارەیەکی زۆرەوە هەواڵی کۆچی دوایی کاک بەرزانمان پێگەیشت بۆ ئەم خەمە خۆمان بەهاوبەشی پرسە و ماتەمتان دەزانین .
کاک بەرزان لە هەڕەتی لاوییەوە بەشدارێکی کۆڕی خەبات وتێکۆشانی بزوتنەوەی ڕزگاریخوازی گەلەکەمان بوەو لە شۆڕشی نوێی گەلەکەماندا لەسەرەتای هەشتاکانەوە پەیوەندی بەڕیزەکانی هێزی پێشمەرگەی کوردستانەوە کردوەو لەسنوری تیپی 47 ی پیرەمەگرون و دەستەی مەکتەبی سیاسی ڕۆڵی بەرچاوی بینیوە. لەدوای ڕاپەڕینیشەوە وێڕای کاری پێشمەرگانە ی لەبواری ڕاگەیاندن و لەبەرنامەی کەشکۆڵی تەلەفزیۆنی گەلی کوردستان و دواتر لە کەناڵی خاک وکوردسات لەبەرنامەی بەرنامەدا وەک ئەکتەرێکی سەرەکی بەشداری و ئەفراندنی چۆنایەتی کردوە، بەڕێوەبەری ڕادیۆی خاک بوە و لە بواری پاراستنی کەلەپوری مێژوویی و شوێنەواردا بە ڕێنمایی سەرۆک مام #جەلال تاڵەبانی# و خاتوو #هێرۆ ئیبراهیم ئەحمەد# هاوکارێکی سەرەکی ئەوبوارە بوە و لەدۆزینەوە وگەڕاندنەوەی چەندین پارچەشوێنەواردا جێ دەستی دیار بوە.
لەیەزدانی مەزن داواکارین بەهەشتی بەرین جێکەی بێت و سەبوری بە کەسوکار و هەڤاڵەکانی بدات. [1]

انا للە وانا الیە راجعون
مەکتەبی سیاسی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=هاوخەمی قوباد تاڵەبانی...
ماڵئاوا هونەرمەند و پێشمەرگە، کاکە #بەرزانی قالەی خەڵوز#=KTML_End=
دوای زیاتر لە 10 ساڵ دوورکەوتنەوەی لە شاشە، تازە چاومان بە نواندنە باڵاکەی روون ببووەوە، کەچی بە داخەوە مەرگ مەودای نەدا و دەستی ئەجەل بە یەکجاری لێی ستاندین. لەم ساتەوەختە ناخۆشەدا، رەنگە تەنها شتێک تۆزێک سوکناییمان پێ بدات ئەوەیە کە دڵنیاین کوردستان و بەتایبەتیش زێدەکەی #سلێمانی#، هەرگیز هونەرە باڵاکەی و نوکتە و قسە خۆشەکانی و ماندووبوون و شەونخونییەکانی سەردەمی پێشمەرگایەتی کاکە بارزان لە بیر ناکەن.
کاکە بارزان جگە لەوەی خزمەتێکی زۆری هونەری نواندنی کوردی کرد، لە شۆڕش و پێشمەرگایەتیشدا هەر خزمەتکاری نەتەوەکەی بوو. لە تەمەنی 18 ساڵیدا و لە رۆژگارە سەختەکاندا چەکی شەرەفی پێشمەرگایەتی دەکاتەشان و تا دواساتی تەمەنی لەسەر رێبازەکەی مایەوە.
هەر بەهۆی هونەرە باڵاکەی و راستگۆیی و دڵسۆزییەکەی لە شۆڕش و پێشمەرگایەتیدا، دەبێتە هاوڕێی جێی متمانە و خۆشەویستی سەرۆک مام #جەلال تاڵەبانی# و #هێرۆ ئیبراهیم ئەحمەد# و سەرکردایەتی #یەکێتیی نیشتمانیی کوردستان# و تا دواساتیش هەر خۆشەویستی هەمووان مایەوە.
بەم بۆنە دڵتەزێنەوە، لە دڵەوە هاوخەمی خۆم لەگەڵ خانەوادە و کەسوکارە خۆشەویستەکەی و هەموو هەڤاڵە هونەرمەندەکانی دەردەبڕم. خوای گەورە روحی کاکە بەرزان بە بەهەشت شاد بکات و سەبوری و ئارامیش بە هەموولایەک ببەخشێت. [1]

#قوباد تاڵەبانی#
لێپرسراویی مەکتەبی سکرتارییەتی سەرۆک مام جەلال
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەڕێزان هاوسەر و خێزان و کەسوکاری هونەرمەندی بەتوانا کاکە بەرزان قادر، هەواڵی کۆچی دوایی #بەرزانی قالەی خەڵوز# لەناخی دڵەوە خەمباری کردم، کاکە بەرزان هونەرمەندێکی دیاری سەر شانۆ و شاشەکان بوو، بە تایبەت شاشە ڕەنگینەکانی #خاک تی ڤی# و #کوردسات#.
کاکە بەرزان لەهەڕەتی لاویدا چووە ڕیزی پێشمەرگەکانی یەکێتییەوە و هەرزوویش بووە خۆشەویستی هاوڕێ پێشمەرگەکانی و بووە کەسێکی متمانەپێکراوی مام و هێرۆ و هەمیشە بە قسە خۆشەکانی خەمی هەموانی دەڕەواندەوە.
شانۆگەرییەکان و بەرنامەکانی کەشکۆڵ و بەرنامەی بەرنامە و دەیان کاری دیکەی هونەریی بەرزان و هاوڕێکانی هەمیشە جێی سەرنجی جەماوەرە زۆرەکەیان بووە، بۆیە یادی کاکە بەرزان هەر بە بەرزیی لەناو بیر و هۆشی خەڵکی کوردستاندا دەمێنێتەوە.
لەم کۆستە گەورەیەدا پرسە و سەرەخۆشیی خۆم ئاراستەی هاوسەر و کەسوکارەکەی و هەموو هونەرمەندانی کوردستان و هاوڵاتیان دەکەم و لەخوای گەورە داواکارم گیانی کاکە بەرزان بە بەهەشتی بەرینی خۆی شاد بکات و سەبوریی بەدڵی هەموانیش ببەخشێت. [1]

گەلاوێژ خانگەلاوێژ خان
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

=KTML_Bold=کۆسرەت ڕەسوڵ عەلی هاوخەمی بۆ کۆچی دوایی هونەرمەند و پێشمەرگە بەرزانی قالەی خەڵووز دەردەبڕێت=KTML_End=

بەڕێزان کەسوکارو خانەوادەی هونەرمەندو پێشمەرگە #بەرزانی قالەی خەڵوز#
بەداخێکی زۆرەوە هەواڵی کۆچی دوایی پێشمەرگەو میدیاکارو هونەرمەندی دیارو ناسراوی کورد (بەرزانی قالە خەڵوز)م بیست، دڵگران و خەمباری کردم، هاوبەشی خەمتانم.
هونەرمەندو پێشمەرگە بەرزانی قالە خەڵووز هەموو تەمەنی خۆی بۆ خزمەتکردنی گەلەکەی تەرخان کرد، وەک پێشمەرگە لە کۆڕی خەبات و وەک هونەرمەند لە بواری هونەری هەمیشە لە بەرەی گەلەکەی بووەو بە هونەرەکەی خزمەتی گەلەکەی کردووە، بەداخەوە کۆچی دوایی ئەم هونەرمەندە کەلێنێکی گەورە دروست دەکات، بۆ ئەم کۆستەو خەمە قووڵە پرسەو سەرەخۆشی و هاوخەمی خۆم ئاراستەی کەسوکارو هاوڕێیانی هونەرمەند دەکەم، هیواخوازم ئەمە دواکۆست و ناخۆشی هەموو لایەک بێت، خوای گەورە سەبووریمان بدات و کۆچکردوو جێگای بەهەشتی بەرین بێت. [1]

براتان
#کۆسرەت ڕەسوڵ عەلی#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=