رۆژهەڵاتی کوردستان
- جێگری بەڕێوەبەری ئابوری ناوچەی ئازادی ماکۆماکۆ، لە پارێزگای ورمێورمێی رۆژهەڵاتی کوردستان ئاشکرایکرد کارگەیەکی تواندنەوەی ئاسن لە شاری ماکۆ لە ناوچەی ئازادی ئه و شارە دەکرێتەوە.[2]
- شەوی ڕابردوو لەسەر بەرزاییەکانی ئاویەری سنەسنە، ژمارەیەک چالاکوان گردبوونەوە و یادی زانیار مورادیزانیار مورادی، لوقمان مورادیلوقمان مورادی و ڕامین حسێن پەناهیڕامین حسێن پەناهییان کردەوە.[1]
باشووری کوردستان
- قوباد تاڵەبانیقوباد تاڵەبانی سەردانی پارێزگای هەڵەبجەهەڵەبجەی کرد، هاوکات هەر ئەمڕۆ لەگەڵ بازرگانان و وەبەرهێنەرانی هەڵەبجە کۆدەبێتەوە و بەبڕی 11 ملیار دیناریش پڕۆژەی ڕاگیراوی هەڵەبجە وەگەر دەخاتەوە.[2]
- کونسڵخانەی ئەمەریکا لە هەولێرهەولێر رایدەگەیەنێت، پرۆگرامێکی ئابوری جێبەجێ دەکەن کە هەلی کار بۆ ژمارەیەکی زۆر لە ئاوارە و دانیشتوانی هەرێمی کوردستان دەڕەخسێنێت.[2]
- سەرۆکی کۆمەڵەی قوربانیانی کیمیابارانی هەڵەبجە ئاشکرایکرد، ئه و سکاڵایانەی لەسەر کۆمپانیاکانی فرۆشتنی چەکی کیمیایی بە ڕژێمی بەعس تۆمارکراون، رادەستی نوێنەری حکومەتی هەرێم لە ئەڵمانیا کراون، لەم هەفتەیەشدا رادەستی کۆمپانیا کان دەکرێت و دادگاش بڕیار لەسەر بڕی قەرەبووەکان دەدات.[2]
- هەرمان وەتمان، ڕۆژنامەنووسی کورد، خەڵکی شاری مەهابادمەهاباد و بەرپرسی ئاژانسی هەواڵدەریی هاژە بە تۆمەتی تێکدانی بیری گشتی و پشتیوانی لە مانگرتنی گشتیی کوردستان بانگهێشتی ئیدارەی پولیسی فەتای شاری مەهاباد کرا و دوای چەند سەعات لێکۆڵینەوە و هەڕەشە بە دانانی بارمتە بە شێوەیەکی کاتی ئازاد کرا.[5]
رۆژئاوای کوردستان
- دوای بڵاوبوونەوەی هەواڵی بەدیلگیرانی نۆ شەڕڤانشەڕڤان لە عەفرینعەفرین لەلایەن چەتەکانەوە، بەرپرسانی یەکینەکانی پاراستنی گەل-یەپەگەیەپەگە ئەو هەواڵەیان بەدرۆخستەوە. بەرپرسانی یەپەگە ڕایانگەیاند، کە هەواڵی لەو بابەتە درۆن و بە هەندێک مەبەستی تایبەت لەلایەن میدیای تورکەوە بڵاودەکرێنەوە.[1]
دەرەوەی کوردستان
- دانیشتنی پەڕڵەمانی ئێڕاق بەڕێوەچوو، بەزۆرینەی دەنگی پەرلەمانتاران کە بە پرۆسەیەکی نهێنیدا تێپەڕ بوو، محەمەد حەلبوسی بووە سەرۆکی نوێی پەرلەمانی عێراق.[3]
- ئاژانسە هەواڵییەکانی ئێران، ڕایانگەیاندووە، کە چەند کەسێکی سەربە کۆمەڵە ئەمڕۆ هێرشیان کردووەتە سەر باڵیۆزخانەی ئێران لە پاریس. ئەو ئاژانسانە ڕاشیانگەیاندووە، کە پۆلیسی فەرەنسا لە بەرامبەر هێرشەکەدا بەرگرییان لە باڵیۆزخانەکە نەکردووە.[1]
- جەواد زرەریف وەزیری دەرەوەی ئێران ڕایدەگەنێت: ئەگەر بێت و ئەوروپا لە بەرامبەر ڕێککەوتنی ئەتۆمی بێ هەڵوێست بێت و کردەوەکانی ئەمریکا ڕێککەوتنی ئەتۆمی بخاتە مەترسییەوە، تاران پیتاندنی یۆرانیۆم زیاد دەکات.[2]
- جیۆ رۆبنسن، سەربازێکی پێشووی بەریتانیا، کە بە تۆمەتی شەڕکردن لە ریزەکانی یەپەگە لە تورکیا دەستبەسەربوو، لەلایەن دادگای تورکیاوە سزای زیندانیکردنی بۆ ماوەی 7 ساڵ و نیو بەسەرداسەپێندرا.[4]

#ماکۆ | #ورمێ | #سنە | #زانیار مورادی | #لوقمان مورادی | #ڕامین حسێن پەناهی | #قوباد تاڵەبانی | #هەڵەبجە | #هەولێر | #مەهاباد | #شەڕڤان | #عەفرین | #یەپەگە |

بەپێی راگەیاندراوەکەی ناوەندی راگەیاندن و چاپەمەنیی هێزەکانی پاراستنی گەل (هەپەگەهەپەگە)، هێزی گەریلا رۆژی 13ی ئەیلولی 2018 و لە کاتژمێر 11:30 دا لە دۆڵی دەشتانێ لە ناوچەی چەلێی جۆلەمێرگ چالاکییەکیان لە دژی سوپای تورکیای داگیرکەر ئەنجامداوە.
ئاماژە بەوەشکراوە، هێزی گەریلا گورزی قورسیان لە سەنگەرەکانی سوپای تورکیا وەشاندووە و لە ئەنجامدا 3 سەرباز کوژراون و 3 سەربازی تریش برینداربوون.
ئەوەش خراوەتەڕوو، فڕۆکە جەنگییەکانی سوپای تورکیا رۆژی 14ی ئەیلولی 2018 و لە کاتژمێر 9دا دەورووبەری رووباری باسا-یان لە ناوچەی شەمزینانشەمزینانی جۆلەمێرگ بۆردومانکردووە.[1]
15-09-201815-09-2018

#هەپەگە | #شەمزینان | #15-09-2018 |