$باکووری کوردستان$
- پۆلیسی تورکیا لە ناوچەی نسێبین هێرشی کردە سەر پەرلەمانتارانی #هەدەپە# کاتێک بۆ پشتگیریی لە بەرخۆدانی #لەیلا گیوڤەن# کۆبووبوونەوە. بەهۆی هێرشەکە پەرلەمانتار پەرۆ دوندار-یش بەسوکی بریندار بووە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/182384/0019.JPG=KTML_ImageCaption_Title=لە نسێبین پۆلیس هێرشی کردە سەر پەرلەمانتارانی هەدەپە=KTML_ImageCaption_CaptionStyle=000000=KTML_ImageCaption_Caption=لە نسێبین پۆلیس هێرشی کردە سەر پەرلەمانتارانی هەدەپە=KTML_ImageCaption_End=
- پۆلیس ئەمڕۆ دەوری ماڵی لەیلا گیوڤەنی گرت کە دەکەوێتە سەر شەقامی ئارام تگران. بە گوێرەی زانیارییەکان پۆلیس هەموو ڕێگەکانی دەوروبەری ماڵی لەیلا گیوڤەنی داخستووە.[1]
- ئیبراهیم بیلمەز، جەنگیز یورەکلی، فائیک ئۆزگور ئەرۆل و نەورۆز ئوویسال پارێزەرانی عەبدوڵڵا ئۆجەلان، ئەمڕۆ بۆ جاری 790هەم داواکارییەکیان پێشکەشی سەرۆکایەتیی داواکاری گشتیی شاری بوورسا کرد بەمەبەستی دیدار لەگەڵ ئۆجالان، بەڵام ئەم جارەش داواکارییەکەیان ڕەتکرایەوە.[1]
$رۆژهەڵاتی کوردستان$
- ئەمڕۆ کاتژمێر 10:00 بە کاتی ڕۆژهەڵاتی کوردستان لە چوارچێوەی ناڕەزایەتی دەربڕێنەکانی خەڵک لە بەرامبەر سیاسەتەکانی دەوڵەتی ئێران ماموستیان لە پارێزگاکانی #کرماشان#، #سنە# و #ورمێ# ڕژاونەتە سەر شەقامەکان و بە هەڵگرتنی پانکارد و وتنەوەی دروشم، دەستیان بە خۆپێشاندان و ناڕەزایەتی دەربڕین کردووە.[3]
- ئەمڕۆ کیومەرس، فەرماندەی هێزی پاسەوانی سنووری پارێزگای سنە، لە کۆنگرەیەکی ڕۆژنامەنووسیدا کە لە سنە بەڕیوەچوو، ڕەوایەتی بە بەردەوامی کوشتاری #کۆڵبەر#ان دەدات و دەڵێت: ئەو کەسانەی بیانەوێت خاڵە سنوورییەکان و ئەو هەرێمە ئەمنی سنووریانە دیاری کراون ببەزێنن، چیتر بە کۆڵبەر هەژمار ناکرێن و دەبنە هاتووچۆکەریی نایاسایی و دەستدرێژی کەری بیانی و تاوانکار لەقەڵەم دەدرێن.[3]
- کۆمەڵێک لە چالاکانی مافی ژنان لە شاری سنه، لە پێوەندی لەگەڵ توندوتیژی دژی ژنان لە بەهەشتی محەممەدی ئەو شارە، لە سەر مەزاری لەیلا حوسێن پەناهی ڕێوڕەسمێکیان بەڕێوە برد. ئەم ڕێوڕەسمە بە ڕاگرتنی خولەکێک بێدەنگی بۆ یادی هەموو ژنانی قوربانیی توندوتیژی دەستی پێکرد و دواتر پارچە شێعرێک لە لایەن یەکێک لە بەشداربووانەوە خوێندرایەوە.[5]
- هاووڵاتییەکی کورد بە ناوی ڕزگار محەممەدی بە بارمتەی 70 میلیۆنی تا کاتی بەڕێوەچوونی دادگا بە شێوەی کاتی ئازاد کرا. هاوکات لەگەڵ ئازادی کاتیی ئەم هاووڵاتییە، هاووڵاتییەکی دیکەی کورد بە ناوی عادڵ قادری تەمەن 27 ساڵ کوڕی ڕەسووڵ خەڵکی پەسوێ سەر بە شاری #پیرانشار# بە شێوەی کاتیی ئازاد کراوە.[6]
$باشووری کوردستان$
- #ڕێڤینگ هروری# سەرۆکی کاتیی #پەرلەمانی کوردستان# لەگەڵ سەرۆکی فراکسیۆنەکانی پەرلەمان کۆبووەوە و دوای کۆبوونەوەکەش کۆنگرەیەکی ڕۆژنامەنووسیی ئەنجامدا. لە کۆنگرەکەدا، هروری، داوایکرد، پەرلەمانتاران ڕۆژی دووشەممە 18ی شوبات ئامادەبن بۆ تەواوکاریی یەکەم کۆبوونەوەی پەرلەمان کە بە کراوەی ماوتەوە، بۆ هەڵبژاردنی دەستەی سەرۆکایەتیی پەرلەمانی هەرێم.[3]=KTML_Photo_Begin=https://www.kurdipedia.org/files/relatedfiles/2019/182384/0009.JPG=KTML_Photo_Alt=لە چالاکییەکانی ئەمڕۆ: 14-02-2019=KTML_Style=width:25%;height:20%;float:left;=KTML_Photo_Target_Link=https://www.kurdipedia.org/files/relatedfiles/2019/182384/0009.JPG=KTML_Photo_End=
- #وەزارەتی دارایی# و ئابوری حکومەتی هەرێم فەرمانی کردنەوەی بەڕێوەبەرایەتی گومرگی #هەڵەبجە#ی دەرکرد و بەپێی فەرمانەکەش چەند بنکەیەکی گومرگی ناوچەکە دەبەسترێنەوە به و بەڕێوەبەرایەتییەوە.[4]
- تورکیا لە شاری #کەرکووک# ناوەندێک دەکاتەوە بۆ پێدانی فیزا بە هاوڵاتیان پارێزگاری بەوەکالەتی کەرکووکیش ڕایدەگەیەنێت: تورکیا داوای مۆڵەتی کردووە بۆ کردنەوەی کۆنسوڵخانە لە شارەکە.[3]
- دوای بڵابوونەوەی دەنگۆی ئەوەی ئەمساڵ بەهۆی زۆری بارانبارینەوە بەرهەمی دانەوێڵەی جوتیاران زیانی بەرکەوتووە، کشتوکاڵی #گەرمیان# دەڵنیایی دەداتە جوتیاران کە مەترسی لەسەر بەرهەمەکانیان نییە و حاڵەتی زەردبوونی دانەوێڵەش ئاساییە.[4]
- لە شارۆچکەی #چەمچەماڵ# و بە ئامادەبوونی قایمقامی قەزاکە و ژمارەیەک لە بەرپرسانی پێشانگایەکی فۆتۆگرافی شەهیدانی حزبی شیوعی کوردستان کرایەوە.[4]
- لە ناوەندی دەستەی کوردستانی بۆ لێکۆڵینەوەی ستراتیژی و توێژینەوەی زانستی، لە گەڕەکی قڕگە-ی شاری #سلێمانی#، سیمینارێک، لە ژێر ناونیشانی 'بەهاکان لە ناوسیستمی #وەزارەتی پەروەردە#ی هەرێمی کوردستان' ڕێکخرا، بۆ هەریەک لە بەهمەن تاهیر، پسپۆڕ لە بواری پەروەردە و زمان و ئومێد قەرەداغی، نووسەر و مامۆستای زانکۆ.[3]
- مەراسیمی بەخشینی یەکەمین خەڵاتی ئاڵتونی شاعیر شیخ ئەحمەد شاکەلی بەڕێوەچوو. لە کۆتایی مەراسیمەکەشدا خەڵاتی ئاڵتونی بنەماڵەی شاعیر، بەخشرایە، پێشمەرگە و نووسەر و کەسایەتی دیاری گەرمیان مامۆستا عەلی عەبدوڵا ناسراو بە عەلی پەرلەمان.[4]
- لە شارەدێی بێتواتەی شارۆچکەی #ڕانیە# زیاتر لە 14 هەزار پەنجە ماسی لە جۆری ماسی کارب خرایە ناو ئاوی بەنداوی سەروچاوەوە.[4]
$دەرەوەی کوردستان$
- 20 ژنە پەرلەمانتاری ئەڵمانیا لە ویلایەتە جۆراجۆرەکانی ئەڵمانیا داوایانکرد، داواکەی #لەیلا گیوڤەن# بۆ کۆتایهێنان بە گۆشەگیریی سەر #عەبدوڵڵا ئۆجەلان# بە خێرایی جێبەجێ بکرێت.[1]
- #سوپای پاسداران# ئاماری قوربانییانی دوێنێی تەقینەوەی پاسێکی لە سیستان و بەلوچستان ڕاگەیاند و ئاشکرای کرد، لەو تەقینەوەدا 27 پاسدار کوژراون و 13ی دیکەش برینداربوون.[2]
- لەئۆپراسیۆنێکی هاوپەیمانی نێودەوڵەتیدا لەگوندی باغوز لەسەر سنووری عیراق- سوریا لە تونێلێکدا کە لە لایەن تیرۆرستانی #داعش#ەوە لێدرابوو، 40 تۆن ئاڵتون و ملیۆنان دۆلاری ئەمریکی دۆزرایەوە.[5]