$باکووری کوردستان$
- تەرمی عەگید جڤیان (وەحییەدین کارا) ئەندامی ئەنجوومەنی بڕیارەگەی هێزەکانی پاراستنی گەل (#هەپەگە#) و فەرماندەی ناوچەی بۆتان، کە لە وان شەهید بوو بوو، لە گەڤەر و لە ژێر گەمارۆی سەربازانی تورک دا بەخاکسپێردرا.[1]
- لە شاری ئەنتالیا دوو لە بەڕێوەبەرانی #هەدەپە# بە ناوەکانی دەگەر یورگون و عوسمان مەتیندر دەستگیر کران.[1]
- نزیکەی 6 ساڵ سزای بەندیخانە بەسەر ڕۆژنامەنووس ئارافات دایاندا سەپێنرا. دایان بەڕێوەبەری نووسینی ڕۆژنامەی دیمۆکراتیک ئولوس بوو.[1]
- لە دێرسم، بەهۆی کێشەی کۆمەڵایەتییەوە کوڕێک تەقەی لە باوکی کرد و کوشتی، دواتریش خۆی کوشت.[2]
$رۆژهەڵاتی کوردستان$
- خاتوو زوبێدە نەژادیان هاوسەری هونەرمەند حەسەنی ماملێ، کە یەکێک بوو لە تێکۆشەرانی کۆمەڵەی ژێ کاف لە تەمەنی 90 ساڵیدا لە نەخۆشخانەی #ورمێ# کۆچی دوایی کرد.[3]
$باشووری کوردستان$
- وەزارەتی تەندروستی هەرێمی کوردستان لەڕاگەیەندراوێکدا ڕایگەیاند: لە 24 سەعاتی ڕابردوودا 900 کەس لە هەرێمی کوردستان تووشی #کۆرۆنا# بوون و 22 کەس گیانیان لەدەستداوە و 429 تووشبووش چاک بوونەتەوە.[3]
- ڕێکخراوی ڕۆشنبیری کورد لە بەریتانیا بەهاوبەشی لەگەل ڕێکخراوی گەشەپێدانی مەدەنیەت CDO کۆرێکی شیعری بۆ شاعیران #شنۆ#محەمەد - #نەوزاد مستەفا# - #بەندی عەلی# سازکرد و هەر لە کۆڕەکەشدا خەڵاتی ڕێزلێنان بەخشرایە بەشێک لەدکتۆر و هێزەئەمنییەکان و شاعیران و فۆتۆگرافەرانی سەردەمی کۆرۆنا.[3]
- بەهۆی کێشەیەکی کۆمەڵایەتیی شێخ پاشا مەحمود، چالاکڤانی دیاری کوردی ئێزدی لە شارۆچکەی سێمێل سەر بە پارێزگای #دهۆک# کوژرا.[2]
- ئەو مامۆستا ئایینییەی لە #سلێمانی# یەکەم کەس بوو بە ڤایرۆسی کۆرۆنا کۆچی دوایی بکات، تەرمەکەی دەرهێنرا و بۆ گۆڕستانی گردی سەیوان گوازرایەوە.[2]
$رۆژئاوای کوردستان$
- سوپای داگیرکەری تورک بەردەوامە لەسەر ئەنجامدانی تاوان لەدژی خەڵکی مەدەنی #عەفرین#. لە ناوچەی جندرێش سەربازانی تورک کەسێکیان کردە ژێر ئۆتۆمبێڵەکەیانەوە و بە سەختی برینداریان کرد.[1]
$دەرەوەی کوردستان$
- لیژنەی هەماهەنگی سەربازی و کاری ئەمنی هاوبەشی نێوان حکومەتی عیراقی فیدڕاڵ و حکومەتی هەرێمی کوردستان لە بەغدا کۆبوەوە بۆ گفتوگۆکردن لەبارەی چەند پرسێکی جێ بایەخی ئەمنی هاوبەش بەدرێژایی هێڵی نێوان هێزەکانی حکومەتی فیدڕاڵ و هێزەکانی پێشمەرگە لەبەرامبەر هەڕەشە ئەمنییەکان و گرووپەکانی ڕێکخراوی تیرۆریستی #داعش#.[3]
- پێگەی ئێکۆنومیست لە نوێترین ڕاپۆرتەکانیدا، هۆکارەکانی داکەوتنی بەهای تومەن و ناجێگری بازاڕی دراوی ئێرانی بڵاوکردەوە و ئاماژەی بە کورتهێنانی بودجەی ئه و وڵاتەدا، کە لە ماوەی شەش مانگی یەکەمی ئەم ساڵدا گەیشتوەتە 3 ملیار و 200 ملیۆن دۆلار بووە.[4]
- وەزارەتی دەرەوەی ئەمەریکا بەداخەوەیە بۆ بڕیاری تورکیا سەبارەت بەدەستبەکاربوونەوەی لە گەڕان بەدوای نەوتدا لە نزیک یۆنان، جەختیشیکردەوە، چالاکی سەربازی و کاری ترساندن و هەڕەشە گرژی لە ڕۆژهەڵاتی دەریای ناوەڕاست کەم ناکاتەوە.[4]
- دوای دووبارە ناردنەوەی کەشتی گەڕانی غازی ئەنقەرە بۆ ڕۆژهەڵاتی دەریای ناوەڕاست، وەزیری دەرەوەی ئەڵمانیا داوای لە تورکیا کرد، واز لە ورژاندنی ناکۆکییەکان بهێنێت لەسەر غاز، دووپاتیشیکردەوە، کە وڵاتەکەی هاوسۆزە لەگەڵ قوبرس و یۆنان وەک هاوبەشی یەکێتی ئەوروپا.[5]

ئەنجامی کۆبوونەوەی لیژنەی باڵای ئۆپەراسیۆنەکانی سلێمانی:
1-پێویستە حکومەتی هەرێمی کوردستان پابەندی دابینکردنی موچه و بودجه و شایستە داراییەکانی دامەزراوە دەوڵەتیەکان بێت بەتایبەتی کەرتی تەندروستی و پەروەرده و هێزەکانی ناوخۆو فەرمانگا خزمەتگوزارییەکان، بۆئەوەی بتوانن خزمەت بە هاووڵاتیان پێشکەش بکەن و بەرەنگاری کۆرۆنا ببنەوە.
2-پێویستە لەسەر هەر هاووڵاتییەک خۆی خۆی بپارێزێت و پابەندی تەواوی ڕێنمایی و ڕێکارە خۆپارێزیی و تەندروستیەکان بێت.
3-هەموو سەرۆکی یەکە کارگێڕییەکان و بەرپرس و بەڕێوەبەری فەرمانگاکانی دەوڵەت و کەرتی تایبەت ڕاسپێردراون بە چاودێریکردن و بەدواداچوونی وردی پابەندبوونی تەواوی فەرمانبەرو کارمەندانی فەرمانگه و دامەزراوەکانیان بە ڕێنمایی و ڕێکارە خۆپارێزیی و تەندروستیەکانەوە.
4-لە هیچ فەرمانگاو دامەزراوەیەکی دەوڵەتیی و کەرتی تایبەت ڕێگا بە چوونە ژوورەوەی هیچ موراجیع و هاووڵاتیی و داواکارێک نادرێت ئەگەر پابەندی ڕێنمایی و ڕێکارە خۆپارێزیی و تەندروستیەکان نەبێت.
5-لیژنە هاوبەشەکانی یەکە کارگێڕییەکان و فەرمانگا پەیوەندیدارەکان بەدواداچوون و چاودێری ورد بۆ جێبەجێکردنی ڕێنمایی و ڕێکارە تەندروستیەکان دەکەن لە شوێنە گشتیەکانداو هەر شوێنێک پابەند نەبێت دادەخرێت و سزای دارایی دەدرێت.
6-کردنەوەی خوێندنگاو ناوەندە زانکۆییەکان لە هۆڵەکانی خوێندندا، بە مەرجی پابەندبوون بە ڕێنمایی و ڕێکارە تەندروستیەکانەوە بە پەسەند دەزانین و سەرپەرشتیارانی کارگێڕی و پەروەردەیی ڕادەسپێررێن بۆ چاودێریکردنی پابەندبوونی ناوەندەکانی خوێندن بەم ڕێنمایی و ڕێکارانەوە.
7-دانانی پرسه و چوونە سەرقەبران و مەولودو بۆنە ئایینیەکان بە هەموو شێوەیەک قەدەغەن و بەڕێوەبەری گشتی ئەوقافی سلێمانی بە هەماهەنگیی لایەنە پەیوەندیدارەکانی تر چاودێری ئەم ڕێکارە دەکات.
8-بەڕێوەبەرایەتی بەرگری شارستانی سلێمانی بە هەماهەنگیی سەرۆکایەتی شارەوانی سلێمانی، ڕاسپێردراون بۆ دەرمانپژکردنی مزگەوتەکانی ناوبازاڕو ئه و فەرمانگاو شوێنە گشتیانەی پەتاکەی تێدا بڵاوبۆتەوە، یان مەترسیی بڵاوبوونەوەی لێدەکرێت.
9-کەناڵەکانی ڕاگەیاندن ئەرکی مرۆیی و تەندروستی و نیشتمانیانەی خۆیان لە هۆشیارکردنەوەی هاووڵاتیان بۆ ماسکبەستن ببینن و بەشداربن لە هەڵمەتی خۆپارێزییدا.
د. هەڤاڵ ئەبوبەکر
پارێزگاری سلێمانی
سەرۆکی لیژنەی باڵای ئۆپراسیۆنەکانی پارێزگای سلێمانی بۆ بەرەنگاربوونەوەی کۆرۆنا
13 / 10 / 2020[1]

لە ڕاگەیاندراوەکەی یەپەسە ژن دا هاتووە:
لە 9ی تشرینی یەکەم لە گەڕەکی خاچۆرت لە وان لە دژی ئۆتۆمبێلێکی زرێپۆشی پۆلیسی تورک چالاکییەکیان بە بۆمب ئەنجامدا. لەو چالاکییەدا ژمارەی کوژراوان و بریندارانی دوژمن ڕوون نەبووەیەوە و دوای چالاکییەکە دوژمن ناوچەکەی گەمارۆدا.
لە 10ی تشرنی یەکەمدا لە گەڕەکی کۆناجک لە بۆدرومی موغڵا کارگەیەکی فاشیستییەکان ئاگری تێبەردرا. لەو چالاکییەدا عەمباری جلوبەرگی بەرهەمهاتووی کارگەکە بووە خۆڵەمێش.
لە 11ی تشرینی یەکەمدا لە گەڕەکی گیوڤەنلەر لە ناوچەی یەنیشەهیری مێرسین لە کاتژمێر 16:30 دا بۆمبێک کە پێشتر دانرابوو تەقێنرایەوە. دەنگی تەقینەوەکە لە سەرتاسەری شاردا بیسترا و بەهۆی ترسی دوژمنەوە بۆ ماوەیەکی دوور و درێژ نەیانوێرا ڕوو لە شوێنی چالاکییەکە بکەن.
لەم قۆناغەدا فاشیزم لە بەرزترین ئاستی خۆیدایەتی و ئێمەش بۆ چەسپاندن و هێنانەدیی ئازادی لەبەرزترین ئاستی تێکۆشانداین. ئێمە گۆشەگیریی سەر ڕێبەرایەتی قبوڵ ناکەین و لە دژی تواندنەوە و پاکتاوکردن بێدەنگ نابین. دەبێت کۆمەڵگەکەشمان لە دژی پاکتاوکردن خۆی لەگەڵ هەڵمەتی ئازادیدا بکات بە یەک.[1]