$باکووری کوردستان$
- تورکیا بە فەرمی #سەڵاحەدین دەمیرتاش#ی وەک کاندیدی سەرۆکایەتی پەسەندکرد.[3]
$باشووری کوردستان$
- سەرۆک وەزیرانی عێراق داوای لە هێزە ئەمنییەکانی هەرێم دەکات بێلایەنانە مامەڵە لەگەڵ دۆسێی هەڵبژاردن بکەن.[1]
- سێ لیژنە لە بەغداوە سەردانی هەرێم دەکات، بەمەبەستی لێکۆڵینەوە لەو سکاڵایانەی لەسەر هەڵبژاردنەکان هەیە.[1][2]
- بەرەبەیانی ئەمرۆ لە شارۆچکەی #خانەقین# بەهۆی تەقینەوەی بۆمبێکەوە کارمەندێکی هێزەکانی پۆلیسی پاسەوانی گیانی لەدەستدا.[1]
- ئەنجامی بەراییی هەڵبژاردنەکان بڵاوکرایەوە و پارتی و یەکێتی لە زۆربەی شار و شارۆچکەکان یەکەم یان دووەمن.[3]
- پارێزگاری سلێمانی داوا لە کۆمسیۆنی باڵای سەربەخۆی هەڵبژاردنەکانی عێراق دەکات، کە بەخێرایی گومانەکان لەسەر ئەنجامی هەڵبژاردنەکان بڕەوێنێتەوە.[4]
- هەریەکە لە یەکگرتووی ئیسلامیی، کۆمەڵی ئیسلامیی،بزوتنەوەی گۆران، هاوپەیمانی بۆ دیموکراسیی و دادپەروەریی، بزوتنەوەی ئیسلامیی و حزبی شیوعی لە بارەگای هاوپەیمانی لە شاری سلێمانی کۆبوونەوە. کۆبوونەوەکە بۆ تاوتوێ کردنی دەرەنجامی هەڵبژاردنەکانی دوێنێی ئەنجومەنی نوێنەرانی عێراقە و سەرجەم ئەو لایەنانە دەرەنجامی دەنگدان ڕەت دەکەنەوە.[4]
- وتەبێژی لیستی یەکێتی لە #هەولێر# بۆ هەڵبژاردنی پەرلەمانی عێراق ڕایدەگەیەنێت، دەستکاری دەنگەکانی یەکێتی لە هەولێر کراوە، بۆیە سکاڵایان تۆمارکردووە و ئەنجامە بەراییەکانی هەڵبژاردن لە سنووری پارێزگاکه ڕەتدەکەنەوە.[1]
- لەلایەن ژمارەیەک چەکداری نەناسراوەوە هێرشکرایە سەر بارەگایەکی یەکێتی لە #کەرکوک#، پۆلیسیش دەڵێت زیانی گیانی نەبووە.[1]
$رۆژئاوای کوردستان$
- ئەمڕۆ، شەڕڤانانی قەسەدە لە 13-یەمین ڕۆژی قۆناغی کۆتایی هەڵمەتی گەردەلولی جزیرە-دا، چوونە گوندە باخۆز-ی ڕۆژهەڵاتی چەمی فورات و نزیکبوونەتەوە لە شارۆچکەی حەجین.[4]
$دەرەوەی کوردستان$
- ئیئتلافی وەتەنیە بەسەرۆکایەتی ئەیاد عەلاوی داوا دەکات هەڵبژاردنی 12ی ئایاری پەرلەمانی عێراق هەڵوەشێدرێتەوه و دوبارە ئەنجامبدرێتەوە.[3]

لە ئەنجامی چالاکییەکانی گەریلاکانی #هەپەگە# لە #جولەمێرگ#، سێرت، گابار، #شرناخ# و لێلکان، 18 سەربازی سوپای تورک کوژران.
ئەمڕۆ ناوەندی ڕاگەیاندنی هێزەکانی پاراستنی گەل- هەپەگە، بە بڵاوکردنەوەی ڕاگەیەندراوێک، ئەنجامەکانی چالاکییەکانی گەریلاکانی ئاشکراکرد
لە ڕاگەیەندراوی هەپەگەدا هاتووە: لە هەنگاوی شۆڕشگێڕانەی شەهید ئاگری و شەهید پیرۆزدا ڕۆژی 11ی ئایار کاتژمێر 07:10 خولەکی ئێوارە، گەریلاکانمان لە گردی عەلیشێری سەربە گەڤەری جولەمێرگ چالاکییەکیان لەدژی سوپای تورک ئەنجامدا، لەو چالاکییەدا چوار پێگەی سوپای تورک تێکشکێندران و 11 سەربازیش کوژران، لە گردی لێلکانی هەرێمی کوردستانیش لەئەنجامی چالاکییەکی بەقەناسی گەریلاکاندا سەربازێکی سوپای تورک کوژرا.
هەپەگە هەروەها ڕایگەیاند: دوێنێ لە ناوچەی بەستای سەربە شرناخ گەریلاکانمان چالاکییەکیان لەدژی سوپای تورک ئەنجامدا، لەو چالاکییەشدا سەربازێک کوژرا، هەر دوێنێ لە سنووری دیلوجوی سەربە شارۆچکەی باشانی ئیدیر لەدژی ئۆتۆمبێلێکی سەربازی سوپای تورک چالاکییەک ئەنجامدرا، لەو چالاکییەدا سێ سەربازی سوپای تورک کوژران.
لە بەردەوامیدا هەپەگە ڕایگەیاندوە: دوێنێ کاتژمێر 05:00ی ئێوارە گەریلاکانمان لەدژی چەند کۆنتراگەریلایەک کە لە ئامادەکاریدابوون بۆ دروستکردنی ڕێگایەک بەرەو چیای گابار چالاکییان ئەنجامدا، لەو چالاکییەدا گەریلاکانمان بلدۆزەرێکیان تێکشکاند و کۆنتراگەریلایەکیش کە لە بلدۆزەرەکەدا بوو کوژرا، هەر دوێنێ کاتژمێر 05:00 لە دەوروبەری سێرت چالاکییەک ئەنجامدرا، لەو چالاکییەشدا سەربازێکی دیکە کوژرا.[1]
#13-05-2018#