$باکووری کوردستان$
- بڕیاردرا، کە #سەلاحەدین دەمیرتاش#، هاوسەرۆکی گشتیی پارتی دیموکراتی گەلان- #هەدەپە#، بۆ یەکەم جار لە دانیشتنی دادگاکەیدا لە لە دادگای سزای ئەسڵیی باکرکۆ ئامادەبێت.[1]
$رۆژهەڵاتی کوردستان$
- بومەلەرزەیەک بە گوری4.7 ڕێختەر لە کاتژمێر 7:26 لە ناوچەی کوزرانی سەر بە پارێزگای #کرماشان#ی ڕوویداو و پارێزگاکانی دەوروبەری و بەتایبەت لە شاری #سنە# هەستی پێکرا. بەپێی ڕاپۆرتە هەواڵییەکانی ئێران، بومەلەرزەکە هیچ زیانێکی گیانی و مادی لێنەکەوتووەتەوە. هاوکات هەر ئەمڕۆ، سێ بومەلەرزەی دیکە شارەکانی ڕوانسەرو #سەرپێل زەهاو#ی هەژاند.[3]
- لاوێکی کوردی تەمەن 22 ساڵ بە ناوی پووریا ئەمجەدیان خەڵکی شاری کرماشان، لە ماڵەکەی خۆیاندا لە لایەن هێزەکانی ئیتلاعاتەوە دەسبەسەر کرا.[4]
$باشووری کوردستان$
- هاوپەیمانی بۆ دیموکراسی و دادپەروەری بەئامادەبوونی زیاتر لە 500 هاودیدی کۆنگرەی دامەزراندنی لە شاری #سلێمانی# بەست و #بەرهەم ساڵح# بە سەرۆکی هاوپەیمانێتییەکە هەڵبژیردرا.[1]
- لە شارۆچکەی #کۆیە# سەربە پارێزگای هەولێر بە سیمینارێک یادی شەهید #ساکینە جانسز# و هەڤاڵانی کرایەوە.[2]
$رۆژئاوای کوردستان$
- #سیپان حەمۆ#، فەرماندەی گشتی یەکینەکانیی پاراستنی گەل (#یەپەگە#)فەرماندەی یەپەگە، ئاشکرای دەکات کە ژمارەی شەڕڤانانیان 50 هەزاری تێپەڕاندووە.[2]

#10-01-2018#

ئێمە وەک دەستەی مامۆستایانی ناڕازی #گەرمیان# بە هەموو لایەکی ڕادەگەیەنین کە هۆکاری گەڕاندنەوە بۆ هۆڵەکانی تاقیکردنەوە و هەڵپەساردنی بایکۆت لە ئێستادا تەنها و تەنها بەهۆی دەستپێشخەری ناردنی موچەی مامۆستایان و فەرمانبەران بووە لەلایەن حکومەتی عێراقیەوە.
بەو هۆیەوەشەوە ڕای خۆمان لە دووخاڵدا دەخەینەڕوو.
1 لێرەوە هۆشداری توند دەدەینە حکومەتی هەرێم و هەرلایەنێک لە ژێر هەرناونیشانێک بیانەوێ ڕێگری و بەربەست بۆ ناردنی موچە دروست بکەن، ئەمە بە ڕاگەیاندنی شەڕی بێ پێچ و پەنای دژ بە خەڵکی کوردستان ئەزانین و بەهیچ جۆرێک لێی بێدەنگ نابین، وە دەسەڵات لە هەستیاری دوخەکە و مەترسی هەرسهێنانی یەکجاری ئاگادار دەکەینەوە.
2 داوا لەحکومەتی عێراقی دەکەین وێڕای پەلەکردن لە ڕێوشوێنەکانی ناردنی موچەی مامۆستایان و فەرامانبەران، خۆیان بەشێوەیەکی ڕاستەوخۆ و میکانیزمێکی گونجاو چاودێری و سەرپەرشتی پرۆسەکە بکەن.
دەستەی مامۆستایانی ناڕازی گەرمیان
#10-01-2018#