$رۆژهەڵاتی کوردستان$
- #کۆڵبەر#ێکی کورد بە ناوی کەماڵ میرزایی خەڵکی شاری سەلاسی باوەجانی، بەهۆی تەقەی هێزە نیزامییەکانی حکوومەتەوە لە سنووری نەوسوود پێکرا.[6]
$باشووری کوردستان$
- نووسەر و شاعیر، چالاکوانی پرسی مافەکانی ژنان، #مەهاباد قەرەداغی# بەهۆی ڤایرۆسی #کۆڕۆنا# لە هەولێر کۆچی دوایی کرد.[1]
- لە (24) کاتژمێری ڕابردوودا تەنیا لە #دهۆک#، (8) کەس و لە سلێمانی (3) کەس و لە هەولێر (1) کەسی دیکە بە کۆرۆنا گیانیان لە دەستدا و لە کۆی (5313) پشکنین دەرکەوتووە، کە (838) کەسی دیکە تووشی کۆرۆنا بوون.[5]
- دوای کۆبوونەوەی شاندی هەرێمی کوردستان لەگەڵ سەرۆکوەزیرانی عێراقدا لەباری ڕەوشی #شنگال#ەوە، وەزیری ناوخۆی هەرێمی کوردستان قسەی بۆ ڕۆژنامەڤانان کرد و گوتی، ئامانجی ڕێککەوتنەکە ئەوەیە خەڵکی شنگال لە ئاسایش و ئارامیدا بژین. نووسینگەی کازمیش دەڵێت، کاروباری ئەمنیی شنگال لە دەست حکومەتی فیدراڵی دەبێت و بواری خزمەتگوزاری هاوبەش دەبێت.[3]
- لە ڕێورەسمێکدا تەرمی #شێخ سالار حەفید# کەسایەتی ئاینی و کۆمەڵایەتی شاری #سلێمانی#، لە #مزگەوتی گەورە#ی سلێمانی بەخاکسپێردرا.[4]
$رۆژئاوای کوردستان$
- ساڵێک بەسەر هێرشی تورکیا بۆسەر ڕۆژئاوای کوردستان تێدەپەڕێت، #مەزڵوم کۆبانێ#، فەرماندەی گشتیی هێزەکانی سووریای دیموکرات - #هەسەدە#ش لە ساڵڕۆژی ئەو هێرشەدا سوپاسی دۆناڵد ترەمپ، سەرۆکی ئەمریکا دەکات بەوەی بە فەرمانێک ڕێگەی لە داگیرکارییەکی دیکەی تورکیا گرتووە.[3]
$دەرەوەی کوردستان$
- مەرسەدی سوری بۆ مافەکانی مرۆڤ ڕایگەیاند، لە قەرەباخ زیاتر لە 107 چەتەی دەوڵەتی داگیرکەری تورک کوژران.[2]
- واشنتۆن پێشوازی لەرێکەوتنەکەی نێوان #هەولێر# و بەغدا دەکات لەڕووی چۆنیەتی ئیدارەدانی کارگێڕی و ئەمنی شارۆچکەی شنگال.[4]
- نوێنەرایەتی نەتەوە یەکگرتووەکانی بۆ هاریکاری عێراق ناسراو بە #یۆنامی# پێشوازی لە ڕێکەوتنەکەی نێوان هەولێر و بەغدا لەبارەی دۆخی شنگال دەکات.[5]

مامۆستایانی سەربەرز دایکان و باوکانی بەڕێز
لەگەڵ بەناو دەستپێکی ساڵی نوێی خوێندن ی قۆناغی بنەڕەتی وەک مامۆستایانی ناڕازی پێمان باشە هەڵوێستی خۆمان لە چەند خاڵێکدا بخەینە ڕوو
1 #وەزارەتی پەروەردە# گوێی بۆ بۆچونی پسپۆران و خەمخۆران نەگرت و سوورە لەسەر بە ئەلکترۆنی کردنی خوێندن، کە پێمان وایە ئەم بڕیارە بە زیانی پرۆسەی پەروەردە تەواو دەبێت و تەنها بۆ خۆدزینەوەیە لە داواڕەواکانی مامۆستایان، هاوکات ئەم بڕیارە خزمەتکردنە بە خوێندنگە ئەهلییەکان و بەشێکە لە پرۆسەی بە پارەکردنی خۆێندن و دەبێتە هۆی زیاتر پەراوێزخستنی خوێندنی حکومی.
2 بەداخەوە وەزارەتی پەروەردە و وەزیرەکەی بیر لە بینا و دار و بەرد و قەڵەم و دەفتەر دەکاتەوە، بەڵام مامۆستایان وەکو پێکهێنەری سەرەکی پەروەردە پشت گوێ دەخەن و گوێ بۆ داواڕەواکانیان ناگرن.
3 وەزارەتی پەروەردە نایەوێ پرۆسەی پەروەردە بەشێوەیەکی تەندروست بەڕێوە بچێ، تەنها دەیەوێ لە ڕووی دەزگا ڕاگەیاندنەکان بڵێ دەرگای خوێندنگاکان کراونەتەوە و پرۆسەی خوێندنی ئەلکترۆیمان هەیە، ئەگەر نا لە شارەکانی #هەولێر# و #دهۆک#یش بایکۆتێکی ڕانەگەیەنراو هەیە و زۆربەی قووتابیان و مامۆستایان پابەندی خوێندنی ئەلکترۆنی نابن و پەیڕەوی ناکەن.
4 ئەگەر بەهۆکاری نەخۆشی کۆرۆناوە دەرگای خوێندنگاکان داخراون پێویستە خولەکانی پەیمانگاکان و خوێندنگە ئەهلییەکانیش دابخرێن.
5 پشتیوانی هەڵوێستی ئەولقانەی یەکێتی مامۆستایان و ئەو بەڕێوەبەرانە دەکەین کە بڕیاری بایکۆتیان داوە، هیوادارین تا وەڵامدانەوەی داوا ڕەواکانی مامۆستایان لە لایەن دەسەڵاتەوە بەردەوام بن
لە کۆتاییدا داواکارین لە سەرجەم مامۆستایان پابەندی هیچ جۆرە خوێندنێک نەبن و بایکۆتی خوێندنی ئەلکترۆنی و ناو خوێندنگە بکەن، تا ئەوساتەی دەسەڵاتدارانی هەرێم وەڵامی داواکاری مامۆستایان دەدەنەوە.
ئەنجومەنی سەرتاسەری مامۆستایانی ناڕازی
9 10 2020[1]