[1]

=KTML_Bold=بافڵ جەلال تاڵەبانی سەرۆکی یەکێتیی نیشتمانیی کوردستان لەرۆژی 8ی مارسدا پەیامێک ئاڕاستەی ژنانی جیهان و کوردستان دەکات و رایدەگەیەنێت:=KTML_End=
مێژووی ژنانی کوردستان لە خەبات و شۆڕشە جیاوازەکانی گەلی کورددا هێندە زێڕین و درەوشاوەیە، کە بۆ هەمیشە بە پێزانین و قەرزاربارییەوە لەئاست گەورەیی و خۆڕاگرییاندا سەری رێزمان دادەنەوێنین و بەشانازییەوە یادیان دەکەینەوە.

=KTML_Bold=دەقی پەیامەکە:=KTML_End=
ڕۆژی جیهانیی ژنان لە سەرجەم ژنانی کورد پیرۆزبێت و بەتایبەتی لە قووڵایی دڵمانەوە سڵاوی خۆشەویستی و وەفاداری بۆ دایکانی شەهیدان دەنێرین و سوپاسی لەخۆبوردوویی و خۆڕاگرییان دەکەین.
مێژووی ژنانی کوردستان لە خەبات و شۆڕشە جیاوازەکانی گەلی کورددا هێندە زێڕین و درەوشاوەیە، کە بۆ هەمیشە بە پێزانین و قەرزاربارییەوە لەئاست گەورەیی و خۆڕاگرییاندا سەری رێزمان دادەنەوێنین و بەشانازییەوە یادیان دەکەینەوە.
ژنانی کورد ئازا و رەچەشکێن بوون لە خەبات بۆ بەدیهێنانی ماف و ئازادی، قوربانیی زۆریان بەخشیووە لەپێناو یەکسانیی کۆمەڵایەتی و وەستانەوە دژی جیاکاریی رەگەزی، ئێستاش بە خۆشحاڵییەوە رۆڵێکی کاریگەر لە بوارە جیاوازەکانی کۆمەڵگەدا دەگێڕن و بەشداریی فراوانیان هەیە لە ناوەندەکانی بڕیاردا.
یەکێتیی نیشتمانیی کوردستان هەمیشە پاڵپشت و پشتیوانی ژنان بووە و شانازیشی پێوەدەکات، لە رابردوودا چۆن پارێزەر و بەدیهێنەری مافەکانیان بووە، لەداهاتووشدا زیاتر جەختیلێدەکەینەوە و دەرگای حزب و ئۆرگانەکانمان بەڕوویاندا دەکەینەوە تاوەکو رۆڵی خۆیان بگێڕن و بەشداریی چالاکانەیان لە بوارە جیاوازەکانی کۆمەڵگەدا هەبێت.
بەڵێنمان داوە و جارێکیتر دووپاتی دەکەینەوە، دەستبردن بۆ ماف و ئازادییەکانی ژنان هێڵی سوورە و رێگەنادەین بە هیچ بیانوویەک و لەژێر هیچ ناوێکدا مافەکانیان زەوت بکرێت. [1]

#بافڵ تاڵەبانی#
سەرۆکی #یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

سەرۆکی هەرێمی کوردستان پیرۆزبایی 8ی مارس لە ئافرەتانی کوردستان، عێراق و جیهان دەکات و پاڵپشتیی خۆی بۆ بەدەستهێنانى یەکسانى و تەواوى مافەکانى ژنان دووپات دەکاتەوە. داواش لە لایەنە سیاسییەکان دەکات لە هەڵبژاردنی داهاتوودا گرنگیی زیاتر بە بەربژێرکردنی ژنان بدەن.

=KTML_Bold=دەقی پەیامەکەی سەرۆکی هەرێمی کوردستان:=KTML_End=
یادى هەشتى مارس، ڕۆژى جیهانیى ئافرەتان، بە گەرمى لە هەموو ئافرەتانى کوردستان، عێراق و جیهان پیرۆز دەکەم، لە هەوڵ و کار و خەباتیاندا بۆ بەدەستهێنانى یەکسانى و تەواوى مافەکانى ژنان، وەک هەمیشە بەوپەڕى بڕوا و تواناوە هاوکار و پشتیوانیانم، هیواى بەرەوپێشچوونى بەردەوام و سەرکەوتنیان بۆ دەخوازم.
لەم یادەدا بە ڕێز و پێزانینەوە هەموو ئه و ئافرەتە بوێرانە بەبیردەهێنینەوە کە لە کاروانى خەباتیاندا بۆ پاراستن و بەرگرى لە مافەکانیان سەریان نایەوە، یان بە ناهەق بوونە قوربانیى توندوتیژى و بیرى توندڕەوى و دواکەوتوویى. دووپاتى دەکەینەوە بە هەموو توانایەک بەڕووى هەر بیر و وتە و ستەم و دەستدرێژى و هەراسانکردن و ناهەقییەکدا دەوەستینەوە کە بەرامبەر بە ژنان بکرێت.

لە کاتێکدا بە گەشبینى و بە چاوى ئومێدەوە لە کارایى و بەشدارى و هاوبەشیى ئافرەتان لە هەموو بوارەکانى ژیاندا لە کوردستان دەڕوانین، دووپاتى دەکەینەوە کە خوازیارى زیاترین و وەک هەمیشە لە کار و هەوڵ و کۆششمان بەردەوام دەبین بۆ فەراهەمکردن و مسۆگەریى زیاترى ڕۆڵ و ئامادەیى و دەرفەت و پێگەى ئافرەت لە هەموو کایە و بوارەکانى ژیاندا. هەر لێرەدا داواکارین لایەنە سیاسییەکان لە هەڵبژاردنى داهاتوودا گرنگیى زیاتر بە کاندیدکردنى ژنان بدەن.
کۆمەڵگەیەکى ئازاد و شارستانیى پێشکەوتوو کە ئارام و ئاسوودە بێت، کە نەوەیەکى دروست و بە توانا پێبگەیەنێت و داهاتوویەکى باشتر بنیات بنێت، بەبێ ئازادى و یەکسانى و مافەکانى ئافرەتان نایەتە دى. بۆیە ئەرکى هەموومانە لەسەر هەموو ئاستەکانى کۆمەڵگە بەم بڕوا و تێگەیشتنەوە، پشتیوانى لە خەباتى ژنان بکەین و تا سەرکەوتن لەگەڵیاندا بین. [1]

هەشتى مارس لە هەمووان پیرۆز بێت.
#نێچیرڤان بارزانی#
سەرۆکى هەرێمى کوردستان
#08-03-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

قوباد تاڵەبانی جێگری سەرۆکی ئەنجومەنی وەزیران لەپەیامێکدا پیرۆزبایی لە سەرۆک و ڕاهێنەر و یاریزانانی #یانەی وەرزشی ڕزگاری# دەکات، بەبۆنەى سەرکەوتنتان بۆ خولى یانە پلە نایابەکانی کوردستان و ڕایدەگەیەنێت: وەک ناحیەى ڕزگاری توانای وەرزشی خۆتان سەلماند.

=KTML_Bold=دەقی پەیامەکە:=KTML_End=
بەڕێزان سەرۆک و ڕاهێنەر و یاریزانانی یانەى وەرزشی ڕزگارى
گەرمترین پیرۆزباییتان ئاراستە دەکەم بەبۆنەى سەرکەوتنتان بۆ خولى یانە پلە نایابەکانی کوردستان.
دڵنیاین بەدەستهێنانی ئەم سەرکەوتنەی یانەکە بۆ یەکەمین جار لەمێژووى خۆیدا گرنگە بەتایبەت کە توانیتان ببنە نوێنەرى تاکە ناحیە لەخولى نایابی کوردستاندا و وەک ناحیەى ڕزگاری توانای وەرزشی خۆتان سەلماند.
ئەم دەستکەوتە وەرزشییە دەرەنجامی پەرۆشی و دڵسۆزی ستافى یانەکە و خۆئامادەکردنێکی تەواوی یاریزانەکان بوو بۆ مسۆگەرکردنی ئەو سەرکەوتنانە و بوو بەشانازییەکی تر بۆ گەرمیان و مایەى دڵخۆشی و سەربەرزی بوو بۆ هاندەران و جەماوەرە خەمخۆرەکەتان. [1]

#قوباد تاڵەبانی#
جێگری سەرۆکی ئەنجومەنی وەزیران
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ئەمڕۆ هەینی 08-03-2024، سەرۆکوەزیران مەسروور بارزانی پەیامێکی بە بۆنەی رۆژی جیهانیی ئافرەتان بڵاوکردەوە، لە بەشێکیدا هاتووە: لەپێناو کۆمەڵگەیەکی ئازاد و تەندروست هەمیشە پشتیوانی لە داخوازییە رەواکانی ئافرەتان دەکەم.
=KTML_Bold=دەقی پەیامەکەی سەرۆکوەزیران مەسروور بارزانی:=KTML_End=

بە بۆنەی هەشتی مارس، ڕۆژی جیهانیی ئافرەتان، پیرۆزباییەکی گەرم ئاراستەی سەرجەم ئافرەتانی کوردستان و جیهان دەکەم، هیوای سەرکەوتن و ژیانێکی پڕ لە سەرفرازیان بۆ دەخوازم. هەمیشە پشتیوانی لە داخوازییە رەواکانیان و داکۆکی لە مافەکانیان دەکەم لەپێناو کۆمەڵگەیەکی ئازاد و تەندروست.
لەم بۆنەیەدا، حکوومەتی هەرێمی کوردستان، پابەندبوونی خۆی بە پاراستنی مافەکانی ئافرەتانی کوردستان و باشترکردنی بارودۆخی ژیانیان و بەهێزترکردنی پێگەیان لە کایەکانی دەسەڵات و حکوومڕانی و بەهێزکردنی بنەماکانی یەکسانیی رەگەزی دووپات دەکاتەوە.
ڕۆژی جیهانیی ئافرەتان، لە ئافرەتانی کوردستان و جیهان پیرۆز بێت و هیوادارم هەمیشە لە ئاشتی و شادیدا بژین. [1]

#مەسرور بارزانی#
سەرۆکی #حکومەتی هەرێمی کوردستان#
#08-03-2024#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ڕۆژی هەینی #08-03-2024# سەرۆک #مەسعود بارزانی# بەبۆنەی ڕۆژی جیهانی هەشتی مارس پەیامێکی لە تۆڕی کۆمەڵایەتیی ئێکس بڵاوکردەوە.
=KTML_Bold=دەقی پەیامی سەرۆک بارزانی:=KTML_End=
هەشتی مارس، رۆژی جیهانیی ئافرەتان، لە سەرجەم ئافرەتانی کوردستان و عێراق و جیهان پیرۆز بێت. لەم بۆنەیەدا پشتیوانیی خۆم بۆ مافەکانی ئافرەتانی کوردستان دووپات دەکەمەوە و ڕۆڵی ئافرەتانی کوردستان لە خەبات و ئازادیخوازیی گەلەکەمان بەرز دەنرخێنم. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بەبۆنەی 8ی مارس رۆژی جیهانی ژنانەوە، مەکتەبی سیاسیی یەکێتیی نیشتیمانی کوردستان پەیامێکی بڵاوکردەوەو تێیدا رایگەیاندووە: لەسەر رێبازی سەرۆک مام جەلال، پشتیوانی لە خەباتی ژنان و نەهێشتنی جیاکاری دەکەین.

=KTML_Bold=دەقی پەیامەکە:=KTML_End=
پەیامی مەکتەبی سیاسی یەکێتیی نیشتیمانی کوردستان لە رۆژی جیهانی ژناندا.
لە بیرەوەری هەشتی مارسدا، پیرۆزبایی لە ژنانی کوردستان و تەواوی عێراق و جیهان دەکەین، ئەم یادە دەکەینە دەرفەتی دووپاتکردنەوەی پشتیوانی هەمیشەیی یەکێتیی نیشتیمانیی کوردستان، لەسەر رێبازی سەرۆک مام جەلال، بۆ خەباتی ژنان و بزووتنەوەی یەکسانی و نەهێشتنی جیاکاری و فراوانکردنی بەشداری ژنانی کوردەواری لە ناوەندەکانی بریار و داڕشتنی سیاسەتدا.
لەم یادەدا سڵاو دەنێرین یۆ رۆحی ئەو ژنە تەوارانەی لەپێناو ئازادی و سەربەخۆیی و وەک یەکی کۆمەڵایەتیدا گیانیان بەخشی، رێز و ئەمەکیش بۆ ژنانی خەباتکاری ئەمرۆ لە رێی بەدیهێنانی ماف و یەکسانیخوازیدا، بەتایبەتیش هەڤاڵان لە ژنانی تێکۆشەری ریزەکانی یەکێتیی نیشتمانیی کوردستان. [1]

مەکتەبی سیاسیی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=