بینالی یڵدرم درەنگانی شەوی رابردوو دوای سەردانی بەغدا گەیشتە هەولێر
- سوپای تورکیا لە بەیاننامەیەکدا رایگەیاند، بۆ لەناوبردنی بارەگاکانی ئەندامانی پەکەکە هێزەکانی سوپا لە چیای گەبار (کووپەلی) لە شرناخ لە نێوان 4 – 7 ئەم مانگە ئۆپەراسیۆنی سەربازییان بە بەشداری هەزار و 567 سەرباز و بە پشتیوانی ئاسمانی فرۆکە و هەلیکۆپتەری جەنگی و سکورسکی ئەنجامداوە. بە پێی بەیاننامەکە، لە ئەنجامی تەقینەوەی بۆمبێکی چێنراودا لەکاتی ئۆپەراسیۆنەکەدا دوو سەرباز کوژراون و پێنجی دیکەش بریندار بوون.
- بینالی یڵدرم کە درەنگانی شەوی رابردوو دوای سەردانی بەغدا گەیشتە هەولێر، ئەمڕۆ لەگەڵ بەرپرسانی کورد کۆبووەوە و رایگەیاند کە لە بوارەکانی ئابووری و تەندروستی و بازرگانی هاوکاری هەرێم دەکەن و لیژنەیەکی هاوبەشیش بۆ رێککەوتنی ئابووری لەنێوان هەرێم و تورکیا پێکدێنن، لەبارەی بوونی پەکەکەش دەڵێت "چالاکییەکانی پەکەکە لە شەنگاڵ جێگای قبوڵکردن نییە".
- وتەبێژی پەیوەندییەکانی دەرەوەی پارتی کرێکارانی کوردستان (پەکەکە) رایدەگەیەنێت کە تورکیا ناتوانێت ڕێگە لە چالاکیەکانی گەریلاکان بگرێت لە شەنگال و دەشڵێت"مانەوەو نەمانەوەی ئێمەش لە شەنگال پەیوەندی بە تورکیاوە نیە".
- پۆلیسی تورکیا مۆنۆمێنتی قوربانیەکانی ڕۆبۆسکی لابرد لە ناوچەی کایاپنار-ی پارێزگای ئامەد و هەروەها ئەندامی بەڕێوەبەری دەبەپەی لە ناوچەی بسمیل ی ئه و شارە دەستگیرکرد.
📌
کوردیپێدیا، رۆژانە (بێلایەنانە) مێژووی کوردستان تۆماردەکات... 📅 کڕۆنۆلۆژیای رووداوەکان