$باکووری کوردستان$
- بە بڕیارێکی #وەزارەتی ناوخۆ#ی تورکیا سەما تەکین ئەندامی ئەنجومەنی شارەوانی #هەدەپە#ی شاری مەلەزگرت لە پۆستەکەی دوور خرایەوە.[7]
$رۆژهەڵاتی کوردستان$
- محەمەد یار ئەحمەدی، پەرەستارێکی لاو لە نەخۆشخانەی خومەینیی شاری #سەقز#، بەهۆی تووشبوون بە ڤایرۆسی کۆڤید 19 گیانی لەدەست دا.[3]=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/380807/0010.JPG=KTML_ImageCaption_Title=محەمەد یار ئەحمەدی، پەرستارێکی سەقزی بە کۆرۆنا گیانی لەدەستدا=KTML_ImageCaption_CaptionStyle=000000=KTML_ImageCaption_Caption=محەمەد یار ئەحمەدی، پەرستارێکی سەقزی بە کۆرۆنا گیانی لەدەستدا=KTML_ImageCaption_End=
- جێگری بەڕێوەبەری بەشدارییە مرۆییەکانی کۆمیتەی فریاکەوتنی پارێزگای #سنە# ڕایدەگەیەنێت دانیشتوانی پارێزگاکە بڕی 18 ملیار و 500 ملیۆن تمەن بۆ کاری خێرخوازی دابین دەکەن.[2]
- تاکو ئێستا لە ڕۆژهەڵاتی کوردستان نزیکەی 200 پەرستار و پزیشک و کارمەندی تەندروستی تووشی ڤایرۆسی کۆرۆنا بوون و دوو کەسیش بەو هۆیەوە گیانیان لەدەستداوە.[5]
- سابیر نادری، زیندانیی سیاسیی کوردی خەڵکی شاری قوروە، پاش 18 مانگ ڕاگرتن لە زیندانی ناوەندیی سنە، لە ئەنجامی لێخۆشبوونی نەورۆزیی دەزگای دادوەری، لە زیندان ئازاد کرا.[3]
- #کۆڵبەر#ێکی کورد بە ناوی بورهان جنکانلو تەمەن 28 ساڵ، خەڵکی شاری بازرگان سەر بە #ماکۆ#، لە بەرزاییەکانی سنووری ئەو شارە بە تەقەی هێزە نیزامییەکانی حکوومەتی ئێران گیانی لەدەست دا و دوو کۆڵبەری دیکە بریندار بوون.[3]
$باشووری کوردستان$
- لە بەردەوامی پشکنینەکان و گەڕان بەدوای گومانلێکراوان، چل و یەک تووشبووی ڤایرۆسی کۆڕۆنای نوێ COVID-19 لە شاری #هەولێر# دەستنیشانکران، کە 17 ئافرەت و 15 پیاو و 9 مناڵن کە بە هەموو تەمەنە جیاوازەکان، دوو لەوان لە شارۆچکەی #سۆران# و سێ لە شارەدێی #سیدەکان# و یەک لە گوندی هەڵەجەی بچووک وە ئەوانی تر لە ناو شاری هەولێرن لە گەڕەکەکانی (کانی گەلی، ئاڵتون سیتی، شێخ ئەحمەد، کارێزان، زانکۆ، چنار، مامۆستایان، 121ی گوڵان، ژیان، زیلان سیتی) کە زۆربەی زۆریان بەرکەوتەی تووشبووەکانی هەردوو پرسەی ماتەمینی گەرەکی کارێزانی شاری هەولێرن وە دووی دیکە پێشینەی گەشتیان هەبووە.[4]
- =KTML_Mark_Begin=وەزیری تەندروستی هەرێم هۆشداری دەدات و ڕایدەگەیەنێت: هەرێم لەبەردەم مەترسیەکی گەورەدایە=KTML_Mark_End=.[2]
- گوندی سنخەیلان سەر بە شارۆچکەی سیدەکان لە شارۆچکەی سۆران بەهۆی سەرهەڵدانی ڤایرۆسی کۆرۆنا کەرەنیتن کرا.[2]=KTML_ImageCaption_Begin==KTML_StyleDiv=width:25%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/380807/0004.JPG=KTML_ImageCaption_Title=گەڕەک و شوێنە گشتییەکانی شارۆچکەی دوکان دەرمانڕێژ دەکرێن=KTML_ImageCaption_CaptionStyle=000000=KTML_ImageCaption_Caption=گەڕەک و شوێنە گشتییەکانی شارۆچکەی دوکان دەرمانڕێژ دەکرێن=KTML_ImageCaption_End=
- بەڕێوەبەری تەندروستیی #دەربەندیخان# ڕایگەیاند، لە کۆی 30 تووشبووی #کۆرۆنا# لە دەربەندیخان 11 کەسیان چاکبوونەتەوە.[1]
- لە گوندی ساڵح ئاغای سەر بەشارەدێی قۆرەتووی سەر بەشارچکەی #خانەقین#ی سەربە پارێزگای دیاله، ژنێک بەناوی (ن- ب - ا) لەدایکبووی ساڵی 1986، بەهۆی بەرکەوتنی فیشەکەوە گیانیلەدەستدا.[6]
- سەرۆکی دەستەی سەربەخۆی مافی مرۆڤ لە هەرێمی کوردستان، هۆشداری لەبارەی ڕەوشی زیندانیان لە زیندانەکانی هەرێمی کوردستان دەدات و دەڵێت، ئەگەر بە زووترین کات دۆخی زیندانیان چارەسەر نەکرێت بەهۆی کۆڕۆناوە تووشی کارەسات دەبین.[1]
- چوار کەس لە گوندی #بێسەڵمێن#ی سەر بە شارۆچکەی #شارەزوور# دەستگیرکران کە تەقەیان بەسەر ئەمبووڵانسێکی نەخۆشخانەی شەهید ڕەئوف بەگدا کردبوو لەکاتی گەیاندنەوەی کەسێک کە لە کۆرۆنا چاکببووەوە بۆ گوندەکە.[1]
- بەهۆی توشبوونی کەسێک بە ڤایرۆسی کۆرۆنا و چەند گومانلێکراوێکی دیکە، گوندی کەشکۆڵ، لە سنووری شارۆچکەی خانەقین کەرەنتینەکرا، کە ژمارەی دانیشتوانەکەی هەزار و 200 کەس دەبێت.[6]
- ئەنجوومەنی دادوەریی هەرێمی کوردستان لە نووسراوێکدا لیستی ئاماری ئەو ڕاگیراوانەی کە ئازاد دەکرێن بە دەستەبەری و ئه و زیندانییانەی کە سزادراون و بە ئازادکردنی بەمەرج، ئازاد دەکرێن ئاراستەی سەرۆکایەتیی هەرێمی کوردستان دەکات.[1]
- وەزیری ناوخۆی هەرێم ڕایگەیاند بەغدا بۆ ڕوبەڕوونەوەی کۆرۆنا پارەی ڕەوانەی هەرێم کردوە و گەیشتوەتە #وەزارەتی دارایی#، بەڵام ئاماژە بەبڕەکەی نەکرد.[2]
- هۆبەی کەشناسی #گەرمیان#، لە ڕاگەیەندراوێکدا ئاشکرای کرد، کاتژمێر 10:56ی ئەمڕۆ بوومەلەرزەیەک بە گوڕی 4.1 پلە بەپێوەری ڕێختەر، بە قوڵایی 9 کیلۆمەتر ژێر زەوی و بە دووری 17 km لە سەنتەری #کەلار# ڕوویدا. ئاماژەی بەوەشکردووە، بوومەلەرزەکە لەنێوان کەلار - کوڵەجۆ ڕوویداوە و چەقی ئەو بوومەلەرزەیە گوندی شێخ لەنگەر بووە.[5]
$رۆژئاوای کوردستان$
- بەرێوەبەرایەتی خۆسەری دیموکراتیکی باکوور و ڕۆژهەڵاتی سوریا لە چوارچێوەی گرتنەبەری ڕێوشوێنەکان بۆ بەرەنگاربوونەوە ڤایرۆسی کۆرۆنا لە 23ی ئازارەوە بۆ ماوەی 15 ڕۆژ قەدەغەی ژاتوچۆی ڕاگەیاندبوو. بەڕێوەبەرایەتی خۆسەر ئەمڕۆ لە ڕاگەیەنراوێکدا ماوەی قەدەغەی هاتوچۆی بۆ 15 ڕۆژی تر درێژ کردەوە.[7]
- لە گوندی ئەلئەرسی (10 کم لە ڕۆژئاوای ناوچەی عەین عیسا) منداڵێک بە ناوی محەمەد ئیسماعیل کە خەریکی لەوەڕاندنی ئاژەڵەکانیدا، پێ بە مینێکی بەرماوەی #داعش# دەنێت و لە ئەنجامدا گیانی لەدەستدەدات. هەروەها ئامۆزاکەشی بە ناوی ئەحمەد ئەلفەهد (12 ساڵ) بریندار بوو و لە نەخۆشخانەی شەهید عومەر عەلوشی عەین عیسا لە ژیر چاودێری پزیشکەکاندایە.[7]
$دەرەوەی کوردستان$
- ئەندامێکی لیژنەی باڵای تەندروستی و سەلامەتی نیشتمانیی عێراق دەڵێت، ڕۆژ بە ڕۆژ ژمارەی تووشبووان بە ڤایرۆسی کۆرۆنا بەرەو هەڵکشان دەچێت و عێراق لە دۆخێکی مەترسیداردایە.[1]
- وەزارەتی تەندروستی ئێران ئەمڕۆ بڵاویکردەوە، کە تا نیوەڕۆی ئەمڕۆ ژمارەی تووشبوانی کۆرۆنا لە ئێران بۆ گەیشتووەتە 60 هەزار و 500 کەس، لەو ڕێژەیەش تا ئێستا 3739 کەس گیانیان لەدەستداوە و 24 هەزار و 236 کەس چاکبوونەتەوە، 4080 کەسیش باری تەندروستیان ناجێگیرە و بە توندی تووشی ئەم ڤایرۆسە بوون. کیانووش جەهانپوور وتەبێژی وەزارەتی تەندروستی ئاماژەی بەوە کرد، بە تەنها دوێنێ 2274 کەس دووچاری ڤایرۆسەکە بووە و 136 کەسیش گیانیان لەدەستداوە.[6]

وتەبێژی پۆلیسی هاتووچۆی #هەولێر# ئاشکرایدەکات، لە سەرەتای قەدەغەی هاتووچۆ لە سنقوری پارێزگای هەولێر تا ئەمڕۆ 8727 سەرپێچی لەلایەن شوفێرانەوە تۆمارکراوە، ئەو سزایانە بە ملیارێک دینار دەخمڵێندرێت.
لە ڕۆژی 14-03-2020وە# وەزارەتی ناوخۆ#ی هەرێم بە مەبەستی بەرەنگاربوونەوەی ڤایرۆسی کۆرۆنا لە هەرێمی کوردستان قەدەغەی هاتووچۆی ڕاگەیاند، هاتووچۆی هەولێریش دەلێت، تا ئاستێکی باش هاوڵاتیان هاوکاریان بوون.=KTML_Quote_Begin==KTML_Style=width:35%;float:left;=KTML_Quote_Icon=📊=KTML_Quote_Content= 8727 سەرپێچی لەلایەن شوفێرانەوە؛ 267 ئۆتۆمبێل و 65 ماتۆرسکیل دەستیان بەسەرداگیراوە؛ داهات زیاتر لە 872 ملیۆن و 700 هەزار دینارە=KTML_Quote_End=
بە پێی بەیاننامەی ژمارە 19ی وەزارەتی ناوخۆ کە لە ڕێککەوتی 17-03-2020 بڵاوکراوەتەوە، هەر شوفێرێک سەرپێچی بکات و جاری یەکەمی بێت ئەوا بە بڕی 100 هەزار دینار سزادەدرێت، هەر شوفێرێکیش زیاد لە جارێک سەرپێچی ئەنجامدا واتە دووبارەی کردەوە، بە بڕی 300 هەزار دینار سزا دەرێت و ئۆتۆمبێلەکەشی بۆ ماوەی پێنج ڕۆژ دەستی بەسەردا دەگیرێت.
فازڵ حاجی حسێن، وتەبێژی پۆلیسی هاتووچۆی هەولێر لە لێدوانێکیدا ڕاگەیاند: لەسەرەتای قەدەغەی هاتووچۆ تا ئێستا، 8727 سەرپێچی لەلایەن شوفێرانەوە تۆماکراوە لەوە ژماریەش 267 ئۆتۆمبێل و 65 ماتۆرسکیل دەستیان بەسەرداگیراوە.
وتیشی: ئەگەر ئەو ژمارانە بەروارد بکەن بەو ژمارەی ئەو ئۆتۆمبێلانەی کە لە هەولێر تۆماکراون کە نزیک بە یەک میلۆن ئۆتۆمبێلە، ئەوا تا ئاستێکی باش شوفێران پابەندی ڕێنمایەکان بوون.
فازڵ حاجی حسێن باسی لەوەشکرد: لەسەرەتای قەدەغەی هاتووچۆدا شوفێران پابەندی ڕێنمایەکانیان نەدەکرد، بەڵام ئێستا هاوڵاتیان و شوفێران زیاتر هەست بە بەرپرسیارێتی دەکەن و لەماوەی 48 کاتژمێری ڕاِبراردووشدا ئاستی پابەندبوونی ڕەها تۆمار کراوە.
ئەوەشی وت، داهاتی بەڕێوەبەرایەتی هاتووچۆی هەولێر لە ماوەی قەدەغەی هاتووچۆ تا ئەمڕۆ، گەیشتووەتە زیاتر لە 872 ملیۆن و 700 هەزار دینار، بەڵام بەپێی خەمڵاندنەکان، ئەو داهاتە دەگاتە یەک ملیار دینار.[1]
#06-04-2020#