$باکووری کوردستان$
- پارێزگەی #جۆلەمێرگ# ڕایگەیاند، لە 31 شوێنی ناوەندی شاری جۆلەمێرگ و ناوچەکانی بۆ ماوەی 15 ڕۆژ بە بیانووی (ئاسایشی) هاتووچۆ قەدەغە کراوە.[5]
$رۆژهەڵاتی کوردستان$
- #کۆڵبەر#ێکی کورد بە ناوی #ئامانج شوکری# کوڕی تۆفیق خەڵکی نەوسوود بە هۆی تەقەی هێزە نیزامییەکان لە سنووری ئەو شارە بریندار کرا.[4]
- کۆڵبەرێکی کورد بە ناوی سابیر مۆحسێنی تەمەن 21 ساڵ کوڕی عومەر بە هۆی تەقەی ڕاستەوخۆی هێزە نیزامییەکانی حکوومەتی ئێران لە سنووری شاری #بانە# بریندار بوو.[4]
- فەرهاد محەممەدی، پارێزەری پلە یەکی دادگوستەری پاش بانگهێشت بۆ ستادی خەبەری ئیدارەی ئیتلاعاتی #سنە# دەسبەسەر و بۆ گرتنگەی ئەو ئیدارەیە ڕاگوێزرا. بە وتەی سەرچاوەیەکی ئاگادار، لە ماوەی ڕابردوودا ئەو پارێزەرە کوردە چەندین جار بۆ ئیدارەی ئیتلاعاتی سنە بانگهێشت و لەبارەی چالاکییەکانی لێپێچینەوە لێکرابوو.[4]
- یەکێک لە دەسبەسەرکراوانی گوندی نێی #مەریوان# بە ناوی موحسێن فەرهمەند تەمەن 24 ساڵ کوڕی خوسرەو بە دانانی بارمتە بە شێوەی کاتی ئازاد کرا.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/165052/0005.JPG=KTML_ImageCaption_Title=سوهراب ڕەخشا=KTML_ImageCaption_CaptionStyle=000000=KTML_ImageCaption_Caption=سوهراب ڕەخشا=KTML_ImageCaption_End=
- هاووڵاتییەکی کورد، بە ناوی سوهراب ڕەخشا دانیشتووی شاری #ورمێ#، لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا. ئەو هاووڵاتییە کوردە، یەکێک لە ناسراوترین خێرخوازەکانی شاری #شنۆ# بووە و لە دروستکردنی قوتابخانەکانی شنۆدا ڕۆڵێکی بەرچاوی هەبووه.[4]
$باشووری کوردستان$
- ڕێڤینگ هروری، سەرۆکی کاتی پەرلەمان ڕایدەگەیەنێت: ناکرێت لایەنەکان بەهۆی ڕێکنەکەوتن لەسەر پۆستە حکومییەکان دەستەی سەرۆکایەتی پەرلەمان وەلابنێن، بۆیە داوا لەلایەنە سیاسییەکان دەکەم دەستەی سەرۆکایەتی پەرلەمانی کوردستان هەڵبژێرن، دواتر لایەنە سیاسییەکان گفتوگۆ لەسەر پێکهێنانی حکومەت بکەن.[1]
- بەفر ڕێگەی 100 گوندی پارێزگای #دهۆک#ی داخستووە، تیمەکانی شارەوانیش ڕێگەی زیاتر لە 80 گوندیان کردووەتەوە. لە شارۆچکەی کانی ماسێی سنووری پارێزگای دهۆک 110 سانتیمەتر بەفرباریووە، ئەمەش دەبێتە زۆرترین ڕێژەی بەفربارین لەو پارێزگایە.[2]
- لە کاتژمێر 12:50 خولەکەوە فڕۆکە جەنگییەکانی دەوڵەتی تورک دەستیان کردووە بە بۆردوومانکردنی گوندی گوهەرز-ی سەر بە شارۆچکەی #ئامێدی#ی لە پارێزگای دهۆک.[3]
- ماوەی چەند ڕۆژێکە جۆرێک کرم لەناو زەوی چێنراو بە دانەوێڵەی گەنمدا پەیدابووە کە ئه و گەنمانەی شینبوون دەیانخوات، بەرپرسێکی وەزارەتی کشتوکاڵیش دەڵێت: بەهۆی بەردەوامی بارانبارین ناتوانین دەرمانی قڕکەر بەکاربهێنین.[1]
- لە کۆنگرەیەکی ڕۆژنامەڤانیی فراکسیۆنی #پارتی دیموکراتی کوردستان# لە پەرلەمان، پارتی داوای کرد پەلە بکرێت لە هەڵبژاردنی کابینەی نۆیەم و دۆسیەی #کەرکووک# و ناوچە دابڕێنراوەکان تێکەڵ بە گفتوگۆکانی پێکهێنانی حکومەت نەکرێت.[2]
- خەرجکردنی مووچەی ئەندامان و فەرمانبەرانی ئەنجومەنی شارۆچکەی #داقوق# پێویستی بە واژۆی #ڕێبوار تاڵەبانی#یە، بەڵام بەهۆی ئەوەی فەرمانی گرتن و زیندانیکردنی بۆدەرچووە لە لایەن دادگاوە، کار بە واژۆکەی ناکرێت و بەو هۆیەشەوە مووچەی ئەندامان و فەرمانبەرانی ئەنجومەنی شارۆچکەی داقوق ڕاگیراوە.[3]
$رۆژئاوای کوردستان$
- ئاژانسی هەواڵی هاوار بڵاویکردووەتەوە، شەوی ڕابردوو چەتەکانی سەر بە دەوڵەتی تورک هێرشیان کردووەتە سەر هەردوو گوندی بوغاز و بوهیج سەر بە شارەدێی عەریمە لە ڕۆژهەڵاتی شاری باب، #شەڕڤان#انی ئەنجومەنی سەربازی بابی-یش بەرپەرچی هێرشەکانیان داوەتەوە، شەڕ و پێکدادانیش تا درەنگانی شەو بەردەوام بووە.[3]
- شیمار حیمۆ چالاکوانی سیاسی لەرۆژئاوای کوردستان ڕایگەیاند: هێزەکانی هاوپەیمانان هێشتا لەناو #منبج# ماونەتەوە و کارەکانی خۆیان بەشێوەیەکی تۆکمە ئەنجام دەدەن.[6]
$دەرەوەی کوردستان$
- دۆناڵد ترمپ سەرۆکی ئەمریکا ڕایگەیاند لە پاش کشانەوەی هێزە سەربازییەکانیان لەسوریا کار بۆ پارێزگاریکردن لە کورد دەکەن له و بەشەی کوردستان.[1] هەروەها وتیشی کورد تۆزێک نەوتیان هەیه، دەیفرۆشن بە ئێران، ئێمەش ئەو بابەتەمان پێخۆش نییە.[2]

ناوەندی ڕاگەیاندنی هێزەکانی پاراستنی گەل (#هەپەگە#) دەربارەی چالاکییەکانی گەریلا لە شەوی سەری ساڵدا ڕاگەیەنراوێکی بڵاوکردەوە. بە گوێرەی ڕاگەیەنراوەکە، گەریلاکانی ئازادیی کوردستان 1ی کانوونی دووەم\11ی بەفرانبار دژی سوپای تورکی داگیرکەر لە شرناخ، جۆلەمێرگ و ئیدر چالاکییان کردووە.
دەربارەی وردەکاریی چالاکییەکانی گەریلا هەپەگە ڕایگەیاندووە:
(کاتژمێر 12ی شەوی سەری ساڵ هێزەکانمان لە شارۆچکەکانی جزیر و سلۆپی سەر بە شرناخ دژی بنکەکانی سوپای تورک بە تاکتیک و تەکنیکی نوێی گەریلاکانی ئازادیی کوردستان چالاکییان کردووە. له و چوارچێوەیەدا لە ڕێی 5 ئامێری سیخووڕیی ئاسمانییەوە‌، 2 بۆمب بەسەر بینای ئاسایشی جزیر، بۆمبێک بەسەر بینای جە‌ندەرمەی جزیر و 2 بۆمب بەسەر لیوای هاجیلار-ی سلۆپی-دا خراونەتە خوارەوە. ئامێرە ئاسمانییەکانی گەریلا توانیویانە ئامانجەکانیان بپێکن و سەرکەوتوو بن. زانیاریمان بەدەستگەیشتووە کە هەرسێ چالاکییەکە کوژراو و برینداری دوژمنی لێکەوتووەتەوە، بەڵام دەربارەی وردەکاری زیانەکان زانیارییەکان ڕوون نەبوونەتەوە.
هەروەها کاتژمێر 12ی هەمان شه و هێزەکانمان لە دژی سوپای تورکی داگیرکەر لە گردی کۆردینە-ی ناوچەی چەلێی سەر بە جۆلەمێرگ چالاکییان کردووە. لە ئەنجامدا ڕەبایە و پەناگەکانی دوژمن کراونەتە ئامانج. هەژماری کوژراو و بریندارەکانی دوژمن ڕوون نەبووەتەوە.
بە ڕۆژ کاتژمێر 12 هێزەکانمان لە ئیدر دژی سوپای تورک لە سەربازگەی کۆرخان چالاکییەکیان کردووە. لە ئەنجامدا سەرکەوتوانە گورز لە ڕەبایە و قولەکانی دوژمن دراوە و قولەیەک بەتەواوی خراوەتە خوارەوە و 2 سەرباز کوژراون. دوای چالاکییەکە ئۆتۆمبێلەزرێپۆشەکان هاتنە ناوچەی چالاکییەکە، بەڵام سەربازانی دوژمن کرانەوە ئامانج. هێزەکانمان دەستڕێژی گولەیان لێ کردن و 2 سەرباز لە یەکینەکانی دوژمن کوژران. هێزەکانی داگیرکەر دوای ئەوەی گورزی کوشندەیان لێ درا، بە پشتیوانی کۆپتەرەکانی جۆری سکۆرسکی کوژراو و بریندارەکانیان لە مەیدانەکە هەڵگرتەوە.
بەڕێوەبەرایەتیی شەڕی تایبەتی تورک هەواڵی درۆی داوەتە ڕاگەیاندنەکان و هەوڵی داوە چالاکییەکانی جزیر و سلۆپی و ئەنجامی چالاکییەکەی ئیدر لە ڕای گشتی بشارێتەوە. وەک ئەوەی ڕاگەیاندنی شەڕی تایبەت ڕایگەیاندووە لە جزیر و سلۆپی ئامێرە ئاسمانییەکان نەخراونەتە خوارەوە، بەتەواوی ئامانجەکانیان پێکاوە. هەروەها لە ئیدر-یش لە چالاکییەکدا کە گەریلا بە تاکتیکی ئافرێنەر ئەنجامی دا، سەرەڕای ئەوەی سەربازانی تورک کوژراون، بەڵام مێدیای ئاکەپە هەوڵ دەدات کە ئەنجامەکانی چالاکی پێچەوانە بکاتەوە. گەلەکەمان پێویستە گوێ نەداتە هەواڵە درۆیەکانی دوژمن.)[1]
#02-01-2019#