$رۆژهەڵاتی کوردستان$
- شەوی ڕابردوو، ژمارەیەک لە کۆڵبەرانی کورد دەکەونە بۆسەی هێزە نیزامییەکان و لە ئاکامدا، کۆڵبەرێکی کورد، خەڵکی یەکێک لە گوندەکانی #پیرانشار# بە تەقەی هێزە نیزامییەکان پێکرا. ناسنامەی ئەو کۆڵبەرە کوردە عەبدوڵڵا خەڵکی گوندی قەڵاتە ڕەشی شاری پیرانشار ڕاگەیەندراوە.[1]
$باشووری کوردستان$=KTML_Photo_Begin=https://www.kurdipedia.org/files/relatedfiles/2018/150074/0002.JPG=KTML_Photo_Alt=لە چالاکییەکانی ئەمڕۆ: 01-06-2018=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/150074/0002.JPG=KTML_Photo_End=
- فرسەت سۆفی، ئەندامێکی لیژنەی دەستپاکی پەرلەمانی کوردستان داوا لە حکومەتی هەرێمی کوردستان دەکات مووچەی پێشمەرگە پێش جەژن دابەشبکرێت و دەڵێت: ناکرێت پێشمەرگە لە ڕیزبەندی یەکەمی مووچە بچێتە ڕیزبەندی کۆتایی و دوای جەژن.[3]
- لە لایەن هێزەکانی ئاسایشەوە و بە هاوکاری هاوڵاتیانی ناوچەکە، لەگوندێکی سنوری #خانەقین# سێ چەکداری #داعش# دەستگیرکران کە پێشتر دەستیان لە ئەنجامدانی کردەوەی تیرۆریستیدا هەبووە.[4]
- حکومەتی عێراق ڕەزامەندی دەربڕی بازاڕێکی تایبەت بە گەنم بۆ #هەڵەبجە# بکاتەوە و فۆڕمی خۆراکی ئەو پارێزگایەش بکاتە سەربەخۆ.[4]
- لە سنووری #ئاکرێ# ئاگر لە کەمپێکی ئاوارەکان کەوتەوە و چوار خێوەت سووتان، کەسێکیش برینداربوو. ئەو کەمپەی ئاگرەکەی لێکەوتووەتەوە ناوی چەمشکۆ-یە و دەکەوێتە ڕۆژهەڵاتی قەزای زاخۆی سەر بە پارێزگای دهۆک، کەمپەکە تایبەتە بە ئاوارەکانی #شنگال# و زیاتر لە 25 هەزار ئاوارەی لێ نیشتەجێکراون.[3]
- وتەبێژی #یەکێتیی نیشتمانیی کوردستان# ئاشکرای دەکات، حزبەکەی کۆمەڵێک گۆڕانکاری لە پۆستی بەرپرسی مەڵبەندەکان و ڕێکخراوەکان کردووە و بڕیاری بۆ دەرکردوون. گۆڕانکارییەکان بەمشێوەیەیە (#سامان گەرمیانی#) کراوە بە بەرپرسی مەڵبەندی گەرمیان و (#سیروان کوێخا نەجم#) کراوە بە بەرپرسی مەڵبەندی چەمچەماڵ و (#عوسمان بانیمارانی#) کراوە بە بەرپرسی مەڵبەندی کۆیە و (#بەرزان ئەحمەد کوردە#) کراوە بە بەرپرسی بۆردی ڕێکخراوە دیموکراتیەکان.[4]
- هێزێکی سوپای ئەمریکا چووەتە سنووری چیای شنگال و لە ناوچەی چل مێرای چیای شنگال جێگیر کراون، چوونیشیان بۆ ئەو ناوچەیە بەمەبەستی سەقامگیری سیاسییە لەو ناوچە سنوورییە.[3]
$رۆژئاوای کوردستان$
- سوپای داگیرکەری تورکیا و چەتەکانی سەر بە تورکیا، کاتژمێر 2ی دوێنێ شەو لە #عەفرین#، 5 هاووڵاتی مەدەنی سەر بە عەشیرەتی بوبان-یان کوشت. بەگوێرەی ئەو زانیارییەکان، لەنێو ئەو قوربانیانەدا ژنێک و منداڵێکیش هەن.[2]
- بەگوێرەی سەرچاوە خۆجێییەکان لە عەفرینەوە، هێزە داگیرکەرەکانی عەفرین لە ماوەی دوو ڕۆژدا، 40 بنەماڵەی چەتەکانی غوتەی ڕۆژهەڵاتیان لە گوندی کاخور-ی سەر بە ماباتا جێگرکردووە.[2]
$دەرەوەی کوردستان$
- پێنتاگۆن داوا لە حکومەتی سووریا دەکات چاو بە پلانی خۆی بۆ هێرشکردنەسەر هێزەکانی سووریای دیموکرات هەسەدەدا بخشێنێتەوە. هۆشدارییش دەدات لە ئەگەری هەر هێرشێک و ڕایدەگەیێنێت، هێرشکردنەسەر هێزەکانی ئەمریکا یان هاوبەشەکانی لە سووریا سیاسەتێکی هەڵە دەبێت.[3]
- لەکۆنگرەی 11 ی زەردەشتیەکانی جیهان کەلەشاری Perth ی باشوری ڕۆژئاوای کیشوەری ئوسترالیا، ناو و ئاڵای کوردستان وەک دەوڵەتێکی سەربەخۆ لەناو 27 دەوڵەتی جیهان هاتبو و لەپاڵ سرودی نیشتمانی ئەو دەوڵەتە گەورانەش سرودی #ئەی ڕەقیب# لەکاتی ناساندنی شاندی کوردستان لێدرا کە 300 کەسایەتی لەم دەوڵەتانەوە داوەت کرابون بۆ ئەم کۆنگرە نێودەوڵەتیە گرنگە کە هەر چوار ساڵ جارێک لەیەکێ لەوڵاتانی دنیا دەکرێت،کۆنگرەکە لە 1 هەتا 4 ی ئەم مانگە بەردەوام دەبێت و سەرۆکی ئوسترالیا و چەندین پەرلەمانتار و کەسایەتی دبلۆماسی و ئاینی و لێکۆڵەر و میدیاکار تێیدا بەشدارن.[5]

ناوەندی ڕاگەیاندنی هێزەکانی پاراستنی گەل - #هەپەگە# دەربارەی چالاکییەکانی دوێنێی گەریلا لە سنووری باشووری کوردستان و باکووری کوردستان ڕاگەیەندراوێکی بڵاوکردەوە. هەپەگە ڕایگەیاند: لە هەرێمی برادۆستی باشووری کوردستان و جۆلەمێرگ-ی باکووری کوردستان گورزی توند لە سوپای تورکیای داگیرکەر دراوە و لایەنی کەم 9 سەرباز کوژراون.
دەقی ڕاگەیەندراوی هەپەگە:
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا، ڕۆژی 31ی ئایار\10ی جۆزەردان لە جۆلەمێرگ و باشووری کوردستان لە دژی سوپای کۆماری تورکیای داگیرکەر چالاکییان ئەنجامدان. زانیاری ورد دەربارەی چالاکییەکان:
لە دەوروبەری دۆڵی عەلی درێژ-ی هەرێمی برادۆست لە دەڤەری سیدەکانی باشووری کوردستان، هێزەکانمان چاودێری یەکینه ‌نهێنییەکانی دوژمنیان کرد کە لەسەر چەند گردێک دەگەڕان. لە دوای ماوەیەکی درێژ چاودێریکردن، هێزەکانمان کاتژمێر 8:30 لە گردێکی نزیک دۆڵی عەلی درێژ هێرشیان کردنەسەر. لە 2 قۆڵەوە و لەنزیکەوە لە یەکینەکەی دوژمن درا، لە ئەنجامدا 5 سەربازی دوژمن کوژران.
هێزەکانمان لەوێ چوونە سەر تەرمی سەربازەکان و 2 چەکی جۆری HK-33، چەکێکی جۆری BKC (بی کەی سی)، دووربینێک، جیهازێکی دیاریکردنی ئامانج و زۆر کەلوپەلی دیکەی سەربازییان لەسەر سەربازە کوژراوەکان هەڵگرتەوە. هەروەها هێزەکانمان دەستڕێژیی گولەیان لە سەربازانی دۆڵی عەلی درێژ کرد. ژمارەی ئه و سەربازانەی لەم چالاکییەدا کوژران و بریندار بوون، ڕوون نەبوویەوە. سوپای کۆماری تورکیای داگیرکەر لە دوای چالاکییەکە بە پشتیوانی کۆپتەری جەنگیی جۆری کۆبرا، بە کۆپتەری سکۆرسکی تەرمی سەربازەکان و سەربازە بریندارەکانی لە هەرێمەکە هەڵگرتەوە.
هێزەکانمان کاتژمێر 8:30 لە دژی داگیرکەرانی سەر گردی لێلیکان-ی هەرێمی برادۆست چالاکییەکیان ئەنجامدا. گورزی توندیان لە سەنگەرەکانی دوژمن دا و سەربازێک کوژرا.
کاتژمێر 12:30، هێزەکانمان لە دژی سەربازانی داگیرکەر لەسەر گردی بایراک-ی هەرێمی بارزان-ی باشووری کوردستان چالاکییەکیان ئەنجامدا. لە چالاکییەکەدا سەربازێک کوژرا.
هێزەکانمان کاتژمێر 5 له گردێکی نزیک گوندی بێزەنۆ-ی ناوچەی شەمزینانی جۆلەمێرگ، چالاکییەکیان لە دژی سەربازانی دوژمن ئەنجامدا. لە 3 قۆڵەوە گورزیان لە سەنگەر و شوێنی حەوانەوەی دوژمن دا و لە ئەنجامدا سەنگەرێک و 2 چادر تێکدران. ئەوەندەی ڕوون بووەتەوە 2 سەربازی دوژمن کوژراون.[1]
#01-06-2018#

ناوەندی ڕاگەیاندنی یەکینەکانی پاراستنی گەل - #یەپەگە# دەربارەی چالاکییەکانی شەڕڤانانی یەپەگە\#یەپەژە# و هێزەکانی سووریای دیموکراتی - قەسەدە لە #عەفرین#، ڕاگەیەندراوێکی بڵاوکردەوە:
(لە چوارچێوەی هەڵمەتی دووەمی بەرخۆدانی سەردەمدا، شەڕڤانانی ئێمە ڕۆژانی 30-31ی ئایار\9-10ی جۆزەردان لە دوو قۆڵەوە هێرشیان کردە سەر بارەگەکانی چەتە و سەربازانی دەوڵەتی داگیرکەر. لە چالاکییەکەدا زۆر سەرباز و چەتە کوژران، بەڵام دەربارەی ژمارەیان، زانیاری ڕوون بەدەست نەخرا.
زۆر سەرباز کوژران، تەرمی 2 چەتە بینرا
لە گوندی قورتقولاقێی سەر بە ناوچەی شەرا، یەکینەکانی ئێمە شەوی 30ی ئایار\9ی جۆزەردان لە دژی بارەگەیەکی سەربازیی تورکیا چالاکییەکیان ئەنجامدا. لەم چالاکییەدا زۆر سەرباز کوژران، تەرمی 2 چەتە بە چاو بینرا.
هێزەکانمان ڕۆژی 31ی ئایار\10ی جۆزەردان کاتژمێر 3 لە دژی بارەگەیەکی چەتەکان لە دەوروبەری گوندی مەریەمینێ کە 7 کم دوورە لە ڕۆژهەڵاتی ناوەندی شاری عەفرین، چالاکییەکیان ئەنجامدا. لەم چالاکییەدا کە بوو بە شەرێکی سەخت و نزیکەی 45 دەقە بەردەوام بوو، ژمارەیەکی زۆری سەرباز و چەتەکانی دەوڵەتی تورکیای داگیرکەر کوژران و بریندار بوون. دەربارەی ژمارەی کوژراو و بریندارەکانی دوژمن زانیاری ڕوون بەدەستنەخرا.
3 شەڕڤان شەهید بوون
له و چالاکییانەی کە لە گوندی قورتقولاقێ و مەریەمینێ ئەنجامدران، 3 شەڕڤانی ئێمە قارەمانانە تا دوایین گولە شەڕیان کرد و شەهید بوون. ناسنامەی هەر سێ شەهیدەکە لە داهاتوویەکی نزیکدا بڵاودەکەینەوە.)[1]
#01-06-2018#