باکووری کوردستان
- ئایشە ئاجار باشارانئایشە ئاجار باشاران وەکو وتەبێژی نوێی ئەنجومەنی ژنانی پارتیە گەلانی دیمۆکراتیک-هەدەپەهەدەپە هەڵبژێردرا.[1]
رۆژهەڵاتی کوردستان
- سیامەند رەحمانسیامەند رەحمان، پاڵەوانی کوردی پارائۆڵیمپی لە تەمەنی 32 ساڵیدا بە جەڵتەی دڵ کۆچی دوایی کرد.[4]
- سەر لە بەیانی ئەمڕۆ، زیندانییەکی کورد بە تۆمەتی کوشتنی بە ئەنقەست بە ناوی ئەمیر محەمەدپوور خەڵکی شاری بۆکانبۆکان لە بەندی لاوانی زیندانی ورمێورمێ لە سێدارە درا. ئەو زیندانییە کوردە، پێشتر بە تۆمەتی کوشتنی بە ئەنقەست دەسبەسەر و دواتر لەلایەن دەزگای قەزایی حکوومەتی ئێران، بە ئێعدام مەحکووم کرابوو.[7]
- هێزە ئیتلاعاتییەکان بە هێرش کردنە سەر ماڵی هاووڵاتییەک بە ناوی سەید مستەفا سەبری و کوڕەکەی بە ناوی سەید ئەحمەد سەبری لە شاری دێی پەسوێ سەر بە پیرانشارپیرانشار، بەبێ بەڵگەی یاسایی ئەوانیان دەسبەسەر کردووە. بە وتەی سەرچاوەیەکی ئاگادار، هێزە ئیتلاعاتییەکان پشکنینی ماڵی ئەو دوو هاووڵاتییە کوردەیان کردووە و هەندێک کەرەستەی کەسیی ئەوانیان لەگەڵ خۆیان بردووە.[7]
باشووری کوردستان
- وەزارەتی تەندرووستی بڵاویکردەوە، 4 هاوڵاتی لە سلێمانیسلێمانی تووشبووی کۆرۆنان و تەندرووستیان جێگیرە.[2]
- ئەمڕۆ، لەناو بەشێکی زۆری هاوڵاتیانی سنوری پارێزگای هەڵەبجەهەڵەبجە و تۆڕە کۆمەڵاتییەکاندا دەنگۆی توشبوونی هاوڵاتییەکی سنوری پارێزگای هەڵەبجە بە ڤایرۆسی کۆرۆنا بڵاوبووەتەوە، بەڵام بەڕێوەبەرایەتی گشتی تەندروستی هەڵەبجە لە روونکردنەوەیەکدا ئەو دەنگۆیانەی رەتکردەوە و هۆشداریش دەداتە هاوڵاتیان.[3]
- تەندروستیی چۆمانچۆمان: 844 کەس لە دەروازەی حاجی ئۆمەرانەوە گەڕاونەتەوە و کەرەنتینە کراون.[4]
- نیاز عەبدوڵڵانیاز عەبدوڵڵا، رۆژنامەنوس و چالاکوانی مافەکانی مرۆڤ لەلایەن دادگای هەولێرهەولێرەوە داوای لێکرا ئامادەی دادگاییکردنی بێت لەسەر سکاڵایەکی مەتین دلۆڤان ئیدریس بارزانی، برازای نێچیرڤان بارزانینێچیرڤان بارزانی، داداگای هەولێر بێتاوانیی نیازی سەلماند و دۆسیەکەش داخرا.[2]
- سەرۆکایەتی شارەوانی و ئەنجومەنی شارەوانی سلێمانی وەک هێمایەک بۆ رۆڵی مێژوویی میرنشینی بابان، پێشنیازێکیان کرد کە شەقامی (100)مەتری شاری سلێمانی، ناوبنرێت شاڕێی بابان.[5]
- پێشەوا هەورامانی، گوتەبێژی فراکسیۆنی پارتی لە پەرلەمانی کوردستان لە راگەیێنراوێکدا ئەوەی خستەڕوو، دووگی ئاژەڵ، خورمای قاچاخ، جگەر و جگەرە دەهێنرێنە هەرێمی کوردستانەوە و کەس ناتوانێت بیانپشکنێت. گوتەبێژی فراکسیۆنی پارتی لە پەرلەمانی کوردستان باسی لەوەش کردووە، هەندێک بارهەڵگر بۆ بارێک 11 هەزار دۆلار دەدەنە قاچاخچی و ملیۆنان دۆلار دەچێتە گیرفانی یەک-دوو کەس و نە ژیان و نە تەندروستیی خەڵکیان بۆ گرنگە.[4]
رۆژئاوای کوردستان
- بەرێوەبەرایەتی خۆسەری باکور و رۆژهەڵاتی سوریا جارێکی دیکە بانگەوازییەکی بڵاو کردەوە و رایگەیاند، ئەوان دەتوانن پێشوازی لە هاوڵاتییە مەدەنییەکانی ئیدلب بکەن کە بە هۆی شەڕ و پێکدادانەکانەوە کۆچبەر بوون.[1]
- لە بەردەوامی هێرشە داگیرکارییەکان، سوپای تورک و چەتەکانی، گوندی هربەل لە کانتۆنی شەهبا تۆپباران دەکەن.[6]
دەرەوەی کوردستان
- کورد ئاکاد بە هاوکاری ئینیستیتوی کوردی دۆسەڵدورف، یەکێتی مامۆستایانی کورد و زانکی دۆرتمووند، لەسەر ناوی زمانی دایک، فرەزمانی و فڕەڕەنگی کۆنفڕانسێکی ئەنجامدا.[1]
- بڕیار بوو، کاتژمێر 6:00ی ئێوارەی ئەمڕۆ، کۆبوونەوەی ئەنجومەنی نوێنەرانی عێراق بۆ متمانەدان بە کابینەی حکومەتەکەی محەمەد تۆفیق عەلاوی ئەنجامبدرێت، بەڵام بەهۆی ئامادەنەبووی ریژەی یاسایی پەرلەمانتاران کۆبوونەوەکە دواخرا. بەپێی زانیارییەکان، هیچ ئەندامێکی کورد و سونە ئامادەی کۆبوونەوەی ئەنجومەنی نوێنەرانی عێراق نەبوون، هەروەها فراکسیۆنی دەوڵەتی یاسا-ش رایانگەیاندبوو، کە ئەوان دەنگ بە کابینەی حکومەتەکەی عەلاوی نادەن.[6]
- میدیاکانی سوریا و رووسیا رایانگیاند، فڕۆکەیەکی تورک خرایە خوارەوە.[2]
- ئاژانسی سانای سوریا رایگەیاند، دوو فڕۆکە جەنگییەکەی سوپای سوریا لە لایەن دەوڵەتی تورکیا و چەتەکانیەوە خراونەتە خوارەوە و ئاماژەی بەوەش کرد، فڕۆکەوانەکان بە پەڕەشووت خۆیان هەڵداوەتە خوارەوە و باری تەندروستیان باشە. وەزارەتی بەرگری تورکیاش لەم بارەیەوە رایگەیاند، دوو فڕۆکەی جۆری SU-24-ی رژێمی سوریا لە ئیدلب خراونەتە خوارەوە.[1]

#ئایشە ئاجار باشاران | #هەدەپە | #سیامەند رەحمان | #بۆکان | #ورمێ | #پیرانشار | #سلێمانی | #هەڵەبجە | #چۆمان | #نیاز عەبدوڵڵا | #هەولێر | #نێچیرڤان بارزانی |

بانگەوازێکی بەپەلە بۆ هاوڵاتیانی هەرێمی کوردستان...
دوای بڵاوبوونەوەی لیستی ناوی ئەو گەشتیارانەی گەڕاونەتەوە هەرێمی کوردستان بەبێ ئەوەی کەڕەنتین بکرێن و جیابکرێنەوە وەیان بە قاچاغ و دوور لە تیمەکانی پزیشکی ئێستا لە هەرێمی کوردستانن یان هەر گەشتیارێکی تر کە لە ماوەی دوو هەفتەی ڕابردوو گەڕاونەتەوە جێگای مەترسین، ئاگاداریان دەکەینەوە کەوا بەزووترین کات دوورکەونەوە لە ماڵ و منداڵ و خێزانەکانیان و پەیوەندی بە تیمەکانی پزیشکی بکەن، داواش لە هاوڵاتیانی خۆشەویست دەکەین کەوا نزیک نەبنەوە لەم بەڕێزانە لەپێناو تەندروستی خۆتان و خانەوادەتان و پەیوەندی بکەن بە تیمەکانی تەندروستی لەپێناو ڕێگەگرتن لە بڵاوبوونەوەی نەخۆشی ڤایرۆسی کۆڕۆنای نوێ COVID-19. بەهیوای سەلامەتی بۆ هەمووان.
وەزارەتی تەندروستیوەزارەتی تەندروستی
حکومەتی هەرێمی کوردستان
01-03-202001-03-2020

#وەزارەتی تەندروستی | #01-03-2020 |