دەقی پەیامەکەی #بافڵ تاڵەبانی#:
دەزگای میدیایی کوردسات، دامەزراوەیەکی سەنگین کە هەمیشە پابەند بە بنەماکانی پیشەیی کاری ڕاگەیاندن پەیامی میدیایی خۆی ئاڕاستەکردووە و لە چوارچێوەیەکی بەرپرسیاردا لە ئاست ڕووداو و پێشهاتەکاندا بووە.
ئەمڕۆ کە پێدەنێتە ساڵێکی نوێی تەمەنی، وێڕای پیرۆزبایی گەرممان لە سەرپەرشتیار و ڕۆژنامەنووسان و کارمەندانی دەزگای میدیایی کوردسات، هیوادارم کاروانەکەتان بەردەوام بێت وەک هەمیشە لە خزمەت گەیاندنی ڕاستی ڕووداوەکانی کوردستان بن و لەپاڵ گەیاندنی ڕوانینە جیاجیاکان ببنە سەکۆی بەیەک گەیشتنی خەڵک و حکومەت، ئەرکی خۆتان وەک دەسەڵاتی چوارەم بەجێبگەیەنن و چاودێری ڕاستەقینە بن لە پێناو کوردستانێکی ئاوەدانتر.
دڵسۆزتان
بافڵ جەلال تاڵەبانی
1ی 1ی 2022[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکەی زیاد جەبار، سەرۆکی فراکسیۆنی #یەکێتیی نیشتمانیی کوردستان# لە پەرلەمانی کوردستان:
بۆ یادی کەناڵە تاقانەکە
بەڕێزان: بەرێوبەر و کارمەندانی کەناڵی کوردسات
بە بۆنی ساڵرۆژی دامەزراندنی کەناڵی کوردسات، لە ناخی دڵمەوە پیرۆزبایی و ماندوو نەبون ئاراستەی تەواوی کارمەند و میدیاکارانی کەناڵە ئازیزەکەتان دەکەم.
کەناڵی کوردسات لە ماوەی تەمەنیدا، تاکە کەناڵە کە لە ڕێچکەی خزمەت کردن بە کۆمەڵ لای نەداوە، لە یەکەم ڕۆژی کارکردنی تا ئەمرۆ، هیچ کەناڵێک نەیتوانیوە ڕکابەری بکات لە خزمەت کردن بە بواری ڕۆشنبیری و کەلتوری و ڕۆشنگەری و بەوەش کوردسات بۆتە کەناڵی خێزان بەجیاوازی تەمەن و ڕۆشنبیریەوە.
هیوادارم لە ساڵی نوێی تەمەنیدا، کوردسات بەردەوام بێ لەسەر ڕێچکەکەی خۆی و بەرەو قۆناغێکی باڵاتر هەنگاو بنێت لە خزمەت کردن بە کۆمەڵگەی کوردی، بە تایبەت کە لەم قۆناغە هەستیارەدا بە هۆی بونی دەیان کەناڵ کە هەموو ئیتیک و بنەمایەکی کاری میدیاییان فەرامۆش کردوە، کوردسات ئەرکی سەخت و قورسی لەسەرشانە.
دوبارە پیرۆزە و بەئومێدی بەردەوامی
زیاد جەبار
سەرۆکی فراکسیۆنی یەکێتی نیشتمانی کوردستان لە پارلەمانی کوردستان[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامی پیرۆزباییەکەی مەکتەبی ڕێکخستنی #یەکێتیی نیشتمانیی کوردستان#:
بە بۆنەی یادی (22) هەمین ساڵەی دامەزراندنی دەزگای میدیایی کوردساتی ئازیزەوە، بەناوی لێپرسراو و هەڤاڵانی مەکتەبی ڕێکخستنی (ی.ن.ک)ەوە جوانترین و گەرمترین پیرۆزبایی لە بەڕێوەبەرو کادرو کارمەندە ماندونەناسەکانی کوردسات و بینەرە ئازیزەکانی دەکەین.ئومێدی سەرکەوتن و بەردەوامی وداهێنانی زیاترتان بۆ دەخوازین.
کوردسات لە سەرەتای دامەزراندنیەوە بە شێوازێکی نوێ، بووە میوانی ماڵەکانمان و وەک لە دروشمەکەشیدا هاتووە (کوردسات ماڵی هەمووانە)، توانی جێگەی تایبەتی خۆی لەدڵی هەموو بینەرێکی کورد دا بکاتەوە. بەمەش توانی وەرچەرخانێکی گەورە لەمیدیای کوردیدا دەستەبەر بکات و مەڵۆیەکی گەورە بخاتە سەر خەرمانی میدیای کوردی.هەمیشەش بەبێ جیاوازی ماڵی هونەرمەندان وڕۆشنبیران ونوسەران وئەدیبان بوە
ئومێدەوارین لە ئایندەشدا هەر وەک ڕابردوو ڕەچەشکێن وبوێربێت بتوانی ڕۆڵی کاریگەرتر ببینێت و وەک هەمیشە داهێنانی هەبێت و بەردەوام بێت لە ئەفراندن و هاوسەنگی و بێلایەنی و بەرگریکردن لە مافی ڕەوای گەلەکەمان هەمیشەش دەنگ و ڕەنگی هەموو کۆمەڵانی خەڵکی کوردستان بێت
جارێکیتر پیرۆزبێت یادی (22)هەمین ساڵەی دامەزراندنی دەزگای میدیایی کوردسات.
مەکتەبی ڕێکخستن
ی.ن.ک[1]

دەقی پەیامەکەی #شاڵاو کۆسرەت ڕەسوڵ#:
هەڤاڵان و هاوڕێیانم لە کەناڵی کوردساتی ئازیز
ساڵیادی دامەزراندنی کەناڵی کوردسات لە بەڕێوەبەرو کارمەندان و سەرجەم ستافی کەناڵە ئازیزەکەتان پیرۆز دەکەم و هیوای پێشکەوتن و سەرکەوتنی بەردەوامتان بۆ دەخوازم.
لە ماوەی (22) ساڵ تەمەنی خۆیدا کەناڵی کوردسات وەک کەناڵێکی گرنگ و سەکۆیەکی ئازادانەی خەڵک توانیویەتی خزمەتی بەرچاوی گەلەکەمان بکات، بەرنامەکانی لەبواری کلتوورو فەرهەنگ و سیاسیدا ڕۆڵی گرنگی بینیوه و توانیویەتی خزمەتێکی بەرچاو پێشکەش بکات و وێستگەیەکی جیاواز بێت لە ڕاگەیاندنی کوردی.
(22)هەمین ساڵیادی دامەزراندنی کەناڵی کوردساتی ئازیز پیرۆز دەکەم و ئاواتەخوازم سەرجەم کەناڵە جیاوازەکانی دەزگای میدیایی کوردسات پێشکەوتنی زیاتر بەخۆوە ببینن.
شاڵاو کۆسرەت ڕەسول[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکەی مەکتەبی ڕاگەیاندنی #یەکێتیی نیشتمانیی کوردستان#:
بەڕێزان، هاورێیان و ئازیزانی دەزگای میدیایی کوردسات
بەناوی هاورێ و هەڤاڵانتانەوە لە مەکتەبی ڕاگەیاندنی یەکێتیی نیشتمانیی کوردستان پیرۆزبایی ساڵی نوێی تەمەنی پڕ بەخشش و پڕ بەرەکەتی کوردساتتان لێ دەکەین بە هەموو پەنجەرەکانی ئەم دامەزراوە ئاوەدانەی ڕاگەیاندنی نیشتمانییەوە.
زیاتر لە دوو دەیەیە کوردسات دینگەیەکی پتەوی ڕاگەیاندێکی بەرپرسی وڵاتەکەمانە لە ڕوماڵکردنی ڕووداو و پێشهاتە سیاسیی و گشتی و فەرهەنگییەکاندا. کە هەمیشە سەرچاوەیەکی جێی متمانەی بینەران بووە لە پێدانی زانیاری و هەواڵ و دابینکردنی سەکۆیەکی دیموکرات بۆ بیروڕا جیاوازەکانی کۆمەڵی کوردستان. لە هەموو کایەکاندا ستایلێکی جوان و سەنگینی میدیای پێشکەشکردووە کە بۆتە ناسنامەی خۆی و بۆتە خوێندنگەیەکی تازە کە پێی دەناسرێتەوە.
هیوادارین ساڵی نوێش ساڵی گەشانەوەی زیاتر و زیاتری کوردسات بێت بە بەرنامەی نوێ و ئەرکی نوێشەوە.
دووبارە پیرۆز بێت
ستران عەبدوڵڵا
لێپرسراوی مەکتەبی ڕاگەیاندنی
یەکێتیی نیشتمانیی کوردستان[1]

⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!

دەقی پەیامەکەی مەکتەبی ڕێکخراوە دیموکراتەکانی #یەکێتیی نیشتمانیی کوردستان#:
بەڕێز/ دەزگای میدیایی کوردسات
بابەت/ پیرۆزبایی
سڵاوێکی گەرم...
لە ساڵیادی دامەزراندنی کەناڵی ئاسمانی کوردساتدا، و بەبۆنەی داگیرساندنی (22) یەمین مۆمی درەوشاوەی تەمەنییەوە، بەناوی مەکتەبی ڕێکخراوە دیموکراتییەکانەوە، جوانترین پیرۆزبایی خۆمانتان ئاراستەدەکەین، دەستخۆشیی و ماندونەبوونی لە سەرپەرشتیار و بەڕێوەبەر و سەرجەم کارمەندە ماندوو نەناسەکانتان دەکەین، هیوای لەشساغی و سەرکەوتتنتان بۆ دەخوازین، کوردسات هەمیشە ئەوکەناڵە ڕاستگۆیەیە کەجێگەی متمانەی بینەرانییەتی، هەردەم ئەو ماڵە ڕەنگین و ئاوەدانەبووە، کەسەرجەم چین و توێژەکان خۆیان تێدا بینیوەتەوە، هەمیشە ساباتێکی ڕازاوە بووە بۆ هەر کوردێک لەهەر لایەکی ئەم دوونیایە بووبێت، خوازیارین ئەم یادە ببێتە مایەی پێشکەوتن و گەشەکردنی هەمەلایەنە و بە پرۆگرامی نوێ و هەمەچەشنتر، دڕیژە بەو کاروانی پڕ خزمەتەبدەن، ئێمەش مەکتەبی ڕێکخراوەدیموکراتییەکان لەگەڵ پیرۆزبایی و سوپاسماندا بۆ هاوکاری و پشتییوانییە هەمیشەییەکەتان، کەلەسەرجەم کارو چالاکیەکانماندا ڕۆڵی کاریگەرتان هەبووە، هیوادارین لەساڵی نوێی تەمەنتاندا لەسەر ئەو ڕێبازە پیرۆز و کوردانەیە بەردەوامبن، لەکۆتاییدا ئومێدی داهێنان و بەخششی زیاترتان بۆدەخوازین.
لەگەڵ ڕێزدا...
مەکتەبی ڕێکخراوە دیموکراتییەکانی
یەکێتیی نیشتمانیی کوردستان[1]

دەقی پەیامەکەی کۆسرەت ڕەسوڵ:
کۆسرەت ڕەسول عەلی پیرۆزبایی لە کەناڵی کوردسات دەکات
بەڕێزان: سەرپەرشتیارو ستافی کەناڵی کوردسات
(23)هەمین ساڵەی دامەزراندنی کەناڵی کوردسات لە ئێوەو سەرجەم ڕۆژنامەنووس و کارمەندانی کەناڵەکە پیرۆز دەکەم، ئومێدی سەرکەوتن و پێشکەوتنی زیاترتان بۆ دەخوازم.
کەناڵی کوردسات لەماوەی (23) ساڵ تەمەنی خۆیدا توانیویەتی ببێتە مینبەری دەنگ و ڕەنگە جیاوازەکان، خزمەتی هەمووان بکات و بە ڕەچاوکردنی کلتووری کوردەواری بایەخ بە سێکتەرە جیاوازەکان بدات، دەخوازم لە داهاتووشدا بە هەمان ڕۆحیەتەوە بەردەوام بن و دەرفەتی زیاتر بڕەخسێنن بۆ پیشاندانی تواناو بەهرەکانی تاکەکانی کۆمەڵگای کوردەواری.
دووبارە پیرۆزبایی خۆم ئاراستەی هەمووتان دەکەم و ئومێدی سەرکەوتن و بەرەوپێشچوونی زیاترتان بۆ دەخوازم.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

چاوپێکەوتنی کەناڵی ئاسمانی کوردسات لەگەڵ هەڤاڵ مام جەلال
کانونی یەکەم 2003
سلێمانی [1]

18-10-2017

سەبارەت بەو بەرنامە گاڵتەئامێزەی کە کەناڵی ئاسمانی (کوردسات)ی یەکێتی نیشتمانی کوردستان شەوی 03-10-2014 لەسەر (داعش) پێشکەشی کرد، تێیدا بەبەهانەی گاڵتەکردن بەو گروپە خۆیدا لەهێرش کردنە سەر چەندین دروشمی ئیسلامی کەبەهیچ بەهانەیەک ڕێگەپێدراو نیە دروشم و ڕەمزی ئیسلامی کەئایەتی قورئان و فەرموودەی لەسەر بێت ئیهانەو گەمەی پێ بکرێت، ئەم کارە لەکەناڵێکی فەرمی یەکێتی نیشتمانیەوە جێگەی نیگەرانیمانەو ئیدانەی دەکەین و چاوەڕوانی هەڵوێست و ڕونکردنەوەی ئەو لایەنەین، چونکە ئێمە هەڵوێستمان لەسەر داعش و فیکرو بۆچونیان و کردەوەکانیان ڕوون و ئاشکرابووەو ڕامانگەیاندووە بەهەر ناوو ناونیشان و ڕوخسارێکەوە کاری تاوانکاری ئەنجام بدرێت ئیدانەی دەکەین و ئەوانە تەعبیر لەئیسلام و ئیسلامیەکان ناکەن، بۆیە ناکرێت لەپەنای گاڵتەکردن بەو گروپە هێرش بکرێتە سەر ئیسلام.

فراکسیۆنی یەکگرتووی ئیسلامی
فراکسیۆنی کۆمەڵی ئیسلامی
لەپەرلەمانی کوردستان
04-10-2014