دەقی پرسەنامەکەی مستەفا هیجری:
بەڕێزو تێکۆشەر
کۆسرەت ڕەسوڵ عەلی، سەرۆکی ئەنجومەنی باڵای سیاسی و بەرژەوەندییەکانی یەکێتیی نیشتمانیی کوردستان
وێڕای سڵاو
بۆ کۆچی دوایی دایکی بەڕێزتان سەرەخۆشی و هاودەردیی خۆمان لەگەڵ بەڕێزتان و باقیی ئەندامانی بنەماڵەکەتان ڕادەگەیەنین.
هیوادارین خۆتان و باقیی ئەندامانی بنەماڵەکەتان لەشساخ و تەمەندرێژ بن.
حزبی دیموکراتی کوردستانی ئێران
لێپرسراوی گشتی
مستەفا هیجری
9ی ڕەشەمەی 1400ی هەتاوی[1]



⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

#03-04-2018#

هاونیشتمانیانی هێژا!
کوردستانیانی خۆڕاگر!
خۆرهەڵاتی کوردستان بە کات و ساتێکی هەستیاردا تێپەڕ دەبێ. لە لایەکەوە لەگەڵ پاوانخوازی و داگیرکاریی کۆماری ئیسلامیدا ڕووبەروویە و لەلایەکیترەوە لەگەڵ مەترسیی دووبارە بنیاتنانەوەی پاوانخوازی و داگیرکاری دواڕۆژ لە ئێراندا لە ململانێ‌دایە. بۆیە ئەوەی دەتوانێ لەم دۆخەدا ئارامی و سەرکەوتنمان لە دواڕۆژدا مسۆگەر بکات، شتێک نییە بێجگە لە یەکگرتوویی، پێکگەیشتن و لەیەکگەیشتنی خەڵکی کوردستان و هێزە سیاسییەکانی.
ئەوەی تاکوو ئەمڕۆ لە پاش شەهیدبوونی ژیناوە بۆتە هۆکارێک کە کۆمەڵگە و نیشتمانەکەمان باڵای بەرزە، یەکگرتوویی کوردستانیان و هێزە خەباتکارەکانی بووە. بەڵام ئەم یەکگرتووییە بێ کۆسپ نەبووە. کۆماری ئیسلامی لەلایەک و لایەنگرانی پاوانخوازی لە دەرەوە بەردەوام لە هەوڵی ئەوەدا بوون کە ڕێز و هەیمەنەی ئەم یەکانگیرییەی کوردستان بخەنە ژێر پرسیار و لە هەوڵی ئەوەدا بوون کە سەنگەری کوردستان لەرزۆک بکەن و بێهیوایی ببەخشنە کوردستانیان.
جیاوازیی بیروڕا لە کوردستان بابەتێکی ئاساییە و نیشانەیەکی جدییە لە کۆمەڵگەیەکی زیندوودا. بەڵام خاڵی جیاکەرەوەی جیاوازیی بیروڕا و پرسە نیشتمانییەکان ئەوەیە کە هەمووان دەبێ پێبەندی بنیاتە سەرەکییەکانی هێڵە نیشتمانییەکان بین. ئەو هێڵانەی کە خۆی لە مسۆگەرکردنی ئاسایشی ناسنامەیی و چوارچێوەی سیاسی، کولتووری و کۆمەڵایەتیی کوردستانیان لە #ئیلام# و #کرماشان#ەوە تاکوو سەرووی خۆرهەڵاتدا دەبینێتەوە.
ئێمە گومانمان نە لە بزاڤی ڕزگاریخوازیی کوردستان و نە لە قەوارەی جوگرافیایی-سیاسیی خۆرهەڵات و نە لە خاڵە بنچینییەکانی مافی کوردستانیان نییە؛ بۆیە پێویست ناکات خۆمان و کۆمەڵگاکەمان تووشی دڵەڕاوکێ بکەین. چونکە ئێمە هەردەم ئامادەیی ئەوەمان تێدا بووە بەرەو قۆناغێک هەنگاو بنێین کە تێیدا یەکیەتیی ئارەزوومەندانە بنیاتێک بێت بۆ دواڕۆژی ئێران کە تێیدا کوردستان خاوەنی مافەکانی خۆی بێ. پێناچێ هیچ کوردستانییەک دژی ئەم مافە بێ، بەڵام ئەوە شوێنکەوتووانی پاوانخوازین دەیانهەوێ وا پێشان بدەن کە دەتوانن درز بخنە نێو ڕیزی یەکگرتوانەی کوردستانیان.
لە دواییدا وەک بەرپرسیاریەتییەک دەمهەوێ ڕاوەستە لە سەر ئەوە بکەم تا ئەوکاتەی پشت و پەنامان کوردستانیانی خۆڕاگرە و یەکگرتوییمان سەنگەری یەکەم و دواڕۆژی خەباتەکەمانە، کوردستان تووشی سەرلێشێواوی نابێ. چونکە حیزبە سیاسییەکانی ئامرازی سیاسین بۆ ویست و مافە نیشتمانییەکان، نەک نیشتمان کەرەسەیەک بێ بۆ حیزبەکان. بۆیە پێویست دەکات هەموو هەوڵمان بۆ ئەوە بێ لە ئاست خواست و ویستی هاووڵاتیانی کوردستاندا بین. ئەزموونی باشوور، ڕۆژئاوا و باکووری کوردستان وانەگەلێکی گرانباییان فێر کردووین کە ئەگەر یەکگرتوو بین، کوردستان دەبێتە خاوەن پێگەو سەروەری و ئەگەر پارچە پارچە بین داگیرکاری و لەدەستدانی نیشتمان چاوەڕێمان دەکات.
بۆیە داوا دەکەم:
با هەموومان بەتایبەت ئەندامان و لایەنگرانی حیزب و لایەنە سیاسییەکان قەڵەم، زمان و کردەوەمان لەڕاستای بەهێز کردنی ئەو یەکگرتوویی یە بخەینەگەڕ، یەکگرتوویی هەم لە نێوخۆی کوردستان و هەم یەکگرتوویی کوردستان لەگەڵ بەشەکانی دیکەی ئێران. لە ئێستادا زیاتر لە هەموو کاتێک پێویستیمان بەو یەکگرتووییە هەیە. داوایەکی دیکەم لە کوردستانیانی خۆشەویست لە نێوخۆ و دەرەوە ئەوەیە با خۆمان بۆ نەورۆزی ئەمساڵ ئامادە بکەین. بۆیە ڕووم لە لە کوردستانیانی جامانەپۆش، ڕۆڵە خاکیپۆشەکان، ئەویندارانی زەماوەندی ئاڵا، خەباتکارانی حەماسەی کرماشان و لە دواییدا کورسانەکەی باوان ئەوەیە، نەورۆزی ئەمساڵ بکەن بە نەورۆزی بەرخۆدان و بەرەنگاری بۆ پتەوکردنی سەنگەری یەکگرتوویی نیشتمان.
پەنا و دوا وێستگەی ئارامی ئێمە لە کوردستانەوەیە و هەر کوردستان دەبێ تاکوو بە هەمووان بڵێین: کەس نەڵێ کورد مردوە، کورد زیندووە.[1]

#مستەفا هیجری#
بەرپرسی ناوەندی بەڕێوەبەریی #حیزبی دێموکراتی کوردستانی ئێران#
16ی ڕەشەممەی 1401

[1]

ساڵی لە دایکبوون : 1945
شوێنی لە دایکبوون : نەغەدە
رادەی خوێندن : لیسانسی ئەدەبیاتی فارسی. زانکۆی تاران
زمانەکان: کوردی، ئینگلیزی، فارسی، توورکی ئازەری
ساڵی پەیوەست بوون بە حیزب : 1358 (1979)
ساڵی بوونە کۆمیتەی ناوەندی :1358(1979)
ساڵی بوونە دەفتەری سیاسی : 1359 (1980)
بەرپرسایەتییەکانی:
ئەندامی کۆمێتەی ناوەندی / بەرپرسی ڕادیو دەنگی کوردستانی ئێران (1359 هەتاوی)
ئەندامی دەفتەری سیاسی / بەرپرسی کۆمیسیونی ماڵی (1359 تا 1364)
ئەندامی کۆمێتەی ناوەندی / بەرپرسی ناوەندی ئاژوان (1364)
ئەندامی کۆمێتەی ناوەندی / بەرپرسی زانکۆ (1366)
ئەندامی دەفتەری سیاسی / بەرپرسی کۆمیسیونی سیاسی-نیزامی (1367 تا 1371)
جێگری سکرتێری گشتی / بەرپرسی کۆمیسیونی سیاسی-نیزامی (1368 تا 1371)
سکرتێری گشتی (1371 تا 1374)
جێگری سکرتێری گشتی / بەرپرسی کۆمیسیونی چاپەمەنی (1374 تا 1379)
ئەندامی دەفتەری سیاسی / بەرپرسی کۆمیسیونی سیاسی –نیزامی (1379 تا 1383)
سکرتێری گشتی (1383)