...#هەپەگە# ڕایگەیاند، لە ئەنجامی چالاکییەکانی گەریلا لە جۆلەمێرگ، شرنەخ و هەرێمەکانی پاراستنی مەدیا لایەنی کەم 4 سەربازی تورکیا کوژراون.
ناوەندی ڕاگەیاندنی هێزەکانی پاراستنی گەل (هەپەگە) دەربارەی دوایین چالاکییەکانی گەریلا و شەڕی سوپای تورکی داگیرکەر ڕاگەیەنراوێکی بڵاوکردەوە کە ئەمە دەقەکەیەتی:
هێزەکانمان ڕۆژی 26ی حوزەیران\5ی پووشپەڕ کاتژمێر 3:30 لە دژی سەربازانی سوپای دەوڵەتی تورک لە گردی سەرزەر-ی سەر بە ناوچەی چەلێی جۆلەمێرگ چالاکییەکیان کرد. لە چالاکییەکەدا سەربازێک کوژرا کە لە گردەکە کاری دەکرد.
هێزەکانمان ڕۆژی 28ی حوزەیران\7ی پووشپەڕ کاتژمێر 1:50 لە دژی سەنگەرەکانی دوژمن لە گردی سەرزەر چالاکییەکیان کرد. لە چالاکییەکەدا بەتووندی لە سەنگەرەکانی دوژمن درا و 2 سەرباز کوژران. سوپای تورک دوای چالاکییەکە بە بۆمب و گولە دەستڕێژی کردە سەر ناوچەکە. هەروەها بە کۆپتەری سکۆرسکی کوژراو و بریندارەکانی خۆی هەڵگرتووەتەوە. یەکینەکانمان کە چالاکییەکەیان کردووە، بە ساخ و سەلامەتی گەیشتوونەتەوە شوێنەکانی خۆیان.
هێزەکانی یەکینەکانی ژنی ئازاد (یەژا ستار) لە چێوەی هەڵمەتی شۆڕشگێڕیی شەهید باگەر و شەهید ڕۆنیادا کە لە هەرێمەکانی پاراستنی مەدیا بەردەوامە، ڕۆژی 1ی تەمووز\10ی پووشپەڕ کاتژمێر 14:30 لە دژی یەکینەکانی ئۆپەراسیۆنی سوپای تورک کە لە گردی شەهید ساریا-ی سەر بە خواکورک جێگیر بووبوون، چالاکییەکیان کرد. لە ئەنجامدا سەربازێک کوژرا.
هێزەکانمان لە چێوەی هەڵمەتی تۆڵەکردنەوەی شەهید مەدیا ماوا و شەهید ڕزگار گەڤەر کە لە هەرێمی بۆتان بەردەوامە، ڕۆژی 30ی حوزەیران\9ی پووشپەڕ لە دژی ئۆتۆمبێلێکی زرێپۆشی جۆری کۆبرا کە بەره و سەربازگەی کرۆن لەنێوان گوندی گوندکێ مەلێ و شاری شرنەخ دەچوو، چالاکییەکی سابوتاژیان کرد و گورز لە ئۆتۆمبێلەکە درا. ژمارەی کوژراو و بریندارانی هێزەکانی دوژمن ڕوون نەبووەتەوە.
ڕۆژی 29ی حوزەیران\8ی پووشپەڕ هێزەکانمان لە دژی ئه و سەربازانەی لە دۆڵی ئەیشەدکێی سەر بە ناوچەی بەستای شرنەخ جێگیر بووبوون، چالاکییەکی نیشانەشکێنییان کرد. ژمارەی کوژراو و بریندارەکانی دوژمن ڕوون نەبوویەوە.[1]

ناوەندی ڕاگەیاندن و چاپەمەنی هەپەگە لە بارەی چالاکی گەریلاکان و هێرشی داگیرکەرانی تورک ڕاگەیێنراوێکی بڵاو کردەوە کە تێیدا هاتووە:
3ی ئەیلول سوپای داگیرکەری تورک ناوچەکانی گوندک ڕەمۆ و گردی حرمۆی سەر بە شاری جودیی شڕنەخیان بە ئۆبوس و هاوەن توپباران کرد. 8ی ئەیلول هێزی داگیرکەران بە هەلیکۆپتەر ناوچەکانی ناوسارای جودیان بوردومان کرد، بە سکۆرسکی سەربازەکانی لە ناوچەکە جێگیر کرد و ئۆپڕاسیۆنیان دەستپێکرد. لە ئەنجامی بوردومانەکەدا ئەو ئاگرەی لە گوندک ڕەمۆ و گردی حرمۆ و ناسارای جودی کەوتووەتەوە، تا ئێستاش بەردەوامە.
لە چوارچێوەی هەنگاوی تۆڵەسەندنەوەی شەهید میدیا کاوا و شەهید ڕزگار گەڤەردا لە 8ی ئەیلولدا دەربەندی وارا لە گۆڕەپانی کاتۆ ژیرکای سەر بە ناوچەی ئەلکێی شرنەخ هێزەکانمان، سوپای دەوڵەتی داگیرکەری تورکیان بە ئامانج گرت. لەو چالاکیەدا هێندەی ئاشکرا بوو، سەربازێک سزادرا.
هێرشە ئاسمانیەکان
سوپای داگیرکەری دەوڵەتی تورک هێرشی کردە سەر هەرێمەکانی پاراستن میدیا. لەو چوارچێوەیەدا؛
9ی ئەیلول لە کاتژمێر 13:30 خولەک فڕۆکە جەنگیەکانی سوپای داگیرکەری تورک ناوچەی سیدای سەر بە هەرێمی زاپی سەر بە هەرێمەکانی پاراستنی میدیا و لە کاتژمێر 14:00 دەوروبەری گوندی فەڵەیان بوردومان کرد.
هەمان ڕۆژ لە کاتژمێر 08:00 سوپای داگیرکەری تورک ناوچەی ستونای سەر بە هەرێمی ئاڤاشینیان بە ئۆبوس تۆپباران کرد. لە ئەنجامی بوردومانەکەدا ناوچەکە ئاگری گرتووە و تا ئێستاش بەردەوامە.[1]

هەپەگە لە بارەی چالاکی گەریلاکان و ئۆپڕاسیۆنی سوپای دەوڵەتی تورک ڕایگەیاند:
لە ستوونا 2 داگیرکەر سزا دران و 4 سەربازیش بریندار بوون
26ی تەمموز لە کاتژمێرەکانی بەرەبەیاندا سوپای داگیرکەری دەوڵەتی تورک لە دەڤەری ستوونای سەر بە ناوچەی چەلێی جۆلەمێرگ بە پشتیوانی کۆنتراکان لەو ناوچەیە دەستی بە ئۆپڕاسیۆنێکی داگیرکاری کرد. لەو ئۆپڕاسیۆنەدا شەڕ و پێکدادان لە نێوان هێزەکانی ئێمە و سوپای دەوڵەتی تورکدا ڕوویدا. لەو شەڕەدا 2 سەرباز سزا دران و 4 سەربازیش بریندار بوون. دوو لە هەڤاڵانیشمان بە ناوەکانی دەلیل و شەڕڤان کە بە قارەمانانە لە دژی یەکەی داگیرکەران شەڕیان کرد، شەهید بوون.
لە گردی کۆردینە لە سەنگەر و بارەگاکانی دوژمن درا
هێزەکانمان لە چوارچێوەی هەنگاوی شۆڕشگێری شەهید باگەر و شەهید ڕۆنیا لە 11ی ئاب کاتژمێر 18:00 لە دژی سوپای دەوڵەتی تورک کە لە گردی کۆردینەی سەر بە ناوچەی چەلێی جۆلەمێرگ جێگیر ببوون، چالاکیان ئەنجامدا. لەو چالاکیەدا بە بەهێزترین شێوە لە سەنگەر و بارەگاکانی دوژمن درا، ژمارەی سەربازە سزادراوەکان و بریندارەکان پشتڕاست نەکرایەوە.
لە گردی خەرەگۆل بارەگایەکی دوژمن لەناو برا و سەربازێکیش سزا درا
دیسان لە چوارچێوەی هەمان هەنگاودا، یەکینەکانی KBDH لە 12ی ئاب لە گردی خەرەگۆلی سەر بە ناوچەی چەلێ لە دژی یەکینەکانی دوژمن چالاکیان ئەنجامدا. لەو چالاکیەدا کە سەنگەر و بارەگاکانی دوژمن بە ئامانج گیران، بارەگایەکی دوژمن لەناو برا و سەربازێکیش سزا درا.
لە جودی لە یەکەیەکی داگیرکەران درا، 6 داگیرکەر سزا دران
هێزەکانمان لە 11ی ئاب کاتژمێر 19:00 لە دژی سوپای داگیرکەری دەوڵەتی تورک چالاکیان ئەنجامدا کە لە دەڤەری عەینکای سەر بە هەرێمی شاخی جودی لە شرنەخ جێگیر ببوون. لەو چالاکیەدا کە لە نزیکەوە لە هێزی داگیرکەران درا، 6 سەرباز سزا دران، سەربازێکیش بریندار بوو. ئەم چالاکیە بۆ پیرۆزبایی ساڵیادی 15ی تەباخ ئەنجامدرا.
لە ئەنجامی تۆپبارانێکدا لە شاری وان 2 گەریلا شەهید بوون
11ی ئاب کاتژمێرەکانی دەوروبەری 02:00 سوپای دەوڵەتی تورک لە دەڤەری کاتۆ خەلیلای ناوچەی شاخێی شاری وان دەستی بە ئۆپڕاسیۆنێکی سەربازی کرد. سوپای دەوڵەتی تورک تا بەیانی ڕۆژی دواتر دەڤەرەکەی تۆپباران کرد و لە ئەنجامدا دوو لە هەڤاڵانمان بە ناوەکانی دەستان و ڕێبەر شەهید بوون.[1]

ناوەندی ڕاگەیاندن و چاپەمەنیی هێزەکانی پاراستنی گەل (#هەپەگە#) لەسەر ماڵپەڕەکەی ڕاگەیاندراوێکی لەبارەی چالاکیی هێزەکانیان لە جۆلەمێرگ و شرنەخ و سێرت بڵاوکردەوە. لە ڕاگەیاندراوەکەی هەپەگەدا هاتووە، لەو چالاکییانەدا 35 سەربازی سوپای تورکیای داگیرکەر کوژراون.
دەقی ڕاگەیاندراوەکەی هەپەگە
لە چەلێ زرێپۆشێک تێکشکێنرا و 12 سەرباز کوژران
هێزەکانمان لە چوارچێوەی هەڵمەتی شۆڕشگێڕیی شەهید پیرۆز و شەهید ئاگری-دا لە جۆلەمێرگ لە دژی سوپای تورکیای داگیرکەر چالاکییان ئەنجامدا.
هێزەکانمان ڕۆژی 18ی حوزەیران و لە کاتژمێر 20:40دا لە ناوچەی ئۆرێ لە ڕێگای نێوان جۆلەمێرگ و چەلێ لە دژی کاروانێکی سەربازیی سوپای تورکیای داگیرکەر چالاکییەکیان ئەنجامدا. لەو چالاکییەدا ئۆتۆمبێلێکی زرێپۆشی جۆری کریپی سوپای تورکیا بە تەواوی تێکشکێندرا و زیانیش بە زرێپۆشێکی تری جۆری کوبرا گەیەندرا.
لەو چالاکییەدا و ئەوەندەی ڕوون بووەتەوە، 12 سەربازی دوژمن کوژراون. سوپای تورکیای داگیرکەر دوای چالاکییەکە دەستیکرد بە بۆردومانکردنی ئەو سنوورە و کوژرا و بریندارەکانیان بە ئامبولانس لە شوێنی چالاکییەکو دوورخستەوە.
لە چەلێ چالاکییەکی تر ئەنجامدرا و 15 سەرباز کوژران
یەکەیەکی تایبەتی سوپای تورکیای داگیرکەر لە بنکەی سەربازیی گێمان لە چەلێ دەستیان بە جموجوڵ کردبوو و بەو سنووری ئەو ناوچەیەدا بڵابوونەوە و بۆسەیان دادەنا. ئەو یەکەیەی سوپای تورکیای داگیرکەر لەلایەن هێزەکانمانەوە چاودێریی ورد دەکران. ئۆتۆمبێلێکی زرێپۆشی جۆری کوبرا، کە ئەندامانی ئەو یەکەیەی سوپای تورکیای داگیرکەری تێدا بوو و ئۆتۆمبێلێکی مەدەنی، کە بۆ کاری سەربازی بەکاریان دەهێنا لە ڕۆژی 18ی حوزەیران و لە کاتژمێر 20:30دا لە ناوچەی دەرڤای قەسرانێ کرانە ئامانج و ئۆتۆمبێلە مەدەنییەکەیان بە تەواوەتی تێکشکا و زرێپۆشەکەش زیانی زۆری پێگەیشت.
ئەوەندەی ڕوون بوویەوە، لەو چالاکییەکدا 15 سەربازی دوژمن کوژران. دوای چالاکییەکە سوپای تورکیای داگیرکەر لەو ناوچەیەدا دەستیکرد بە ئەنجامدانی ئۆپراسیۆن و هەر لەو ڕۆژەدا بەبێ ئەوەی هیچ ئەنجامێکیان دەست بکەوێت، لە ئۆپراسیۆنەکەیان کشانەوە.
لە گەڤەر 3 سەنگەر تێکشکێنران و 5 سەرباز کوژران
هێزەکانمان ڕۆژی 19ی حوزەیران و لە کاتژمێر 04:14دا لە گردی عەلی شێر لە ناوچەی گەڤەر لە دژی سوپای تورکیای داگیرکەر چالاکییەکیان ئەنجامدا. لەو چالاکییەدا 3 سەنگەری دوژمن تێکشکێنران و و ئەوەندەی ڕوون بوویەوە، 4 سەرباز لەو چالاکییەدا کوژران.
هەر لەو ڕۆژەدا و لە کاتژمێر 13:30دا یەکەی قەناس بەدەستی هێزەکانمان لە دژی بنکەی سەربازیی سوپای تورکیا لە شکێرێ لە ناوچەی چەلێ چالاکییەکیان ئەنجامدا و لەو چالاکییەشدا سەربازێکی تری سوپای تورکیا کوژرا.
لە شرنەخ 3 بیلدۆزەر سوتێنران و 2 سەرباز کوژران
هێزەکانمان ڕۆژی 18ی حوزەیران و لە کاتژمێر 23:00دا و لە چوارچێوەی هەڵمەتی شۆڕشگێڕیی شەهید دەلال ئامەد و شەهیدانی بەستادا لە ناوچەی بانێ عەزیز لە باسای شرنەخ 3 بیلدۆزەریان ئاگر تێبەردا کە کاریان لە دروستکردنی بەنداوی ئیلی سوو دا دەکرد.
سوپای تورکیای داگیرکەر لە دوای ئەو چالاکییە لەو ناوچەیەدا دەستیان بە ئەنجامدانی ئۆپراسیۆن کرد. لە ڕۆژی 19ی حوزەیراندا هێزەکانمان لە دژی یەکەیەکی ئەو ئۆپراسیۆنە چالاکییەکیان ئەنجامدا و لەو چالاکییەدا 2 سەربازی دوژمن کوژران. سوپای تورکیای داگیرکەر بە کۆپتەر کوژراو و بریندارەکانی لە ناوچەکە دوورخستەوە و هەر لەو ڕۆژەشدا لە ئۆپراسیۆنەکەیان کشانەوە.
لە سێرت سەربازێک کوژران
هێزەکانمان لە چوارچێوەی هەڵمەتە شۆڕشگێڕییەکاندا لە ڕۆژی 19ی حوزەیران لە دەرییە سەرختێ لە چراڤێی ناوچەی دهێ لە پارێزگای سێرت لە دژی یەکەیەکی سوپای تورکیا چالاکییەکیان ئەنجامدا. لەو چالاکییەدا سەربازێکی دوژمن کوژرا و 2 سەربازی تریش برینداربوون.[1]
#20-06-2018#

پەرلەمانتاری هەدەپەی شاری شرنەخ ئایجان ئیرمەز ڕایگەیاند، ژمارەی ئەو خانوانەی لە شرنەخ ڕوخاون زۆر لەوە زیاترە کە والی شرنەخ ڕایگەیاندووە و کارەساتی شرنەخ لە کارەساتی هەڵەبجە کەمتر نییە.
لە شاری شرنەخ، ڕۆژی 14ی ئادار قەدەغەی هاتوچۆ ڕاگەیەندرا تا 8 مانگ بەردەوام بوو. لەو ماوەیەدا 7 گەڕەک بە تەواوی وێران کران. والی شارەکە بە لێدوانێک ڕایگەیاند کە 2 هەزار و 44 خانوو ڕوخاون، بەڵام دەگوترێت کە ژمارەی خانووە ڕوخاوەکان زۆر لەو ژمارەیە زیاترە.
16-11-2016