ناو: سەڵاح
ناوی باوک: ڕەئوف
ساڵی لەدایکبوون: 1951
شوێنی لەدایکبوون: شارەدێی #عەربەت# ی سەربە شاری #سلێمانی# لە دایکبووە.
$ژیاننامە$
باوکی کەمانچە و ئاوازی ڕەسەن، ساڵی 1951 لە شارۆچکەی عەربەت هاتۆتە دنیا، سەرەتای ژیان و ئارەزووەکانی خۆی لە چالاکیی و بواریی وەرزش و تۆپی پێدا بینیوەتەوە، بەڵام کاتێک بە هۆی تۆپی پێوە تووشی ئازاری قاچی دەبێت، لەوێ بەدواوە دەستبەرداری وەرزش دەبێت و ڕێگەی خزمەتی هونەر و موسیکی گەلەکەی دەگرێت.
وەک خۆی دەڵێت ئەو تیپەی من تێیدا پەروەردە بووم و هەوێن و دایکی میوزکیم بوو (#تیپی مۆسیقای سلێمانی#) بوو لەوێوە ڕێگەی خزمەتی گەلەکەی گرتە بەر مێژووی ژیانی هونەریی و سەرەتای دەستپێکی ئەم ڕێگەیەیدا ناوی دوو کەسایەتیی هەن کە لە یادیان ناکات و وەکوو وەفا باسیان لێوە دەکات، ئەوانیش (مامۆستا عوسمان محەمەد ئەمین و مامۆستا #ولیەم یوحەنا #)یە. کە لە ڕێی ئەوانەوە چووەتە ناو دنیای هونەری موزیکەوە. ئەو دەفەرموێ زانست و بەهرە، بەبێ یەکتر کاری باش ناپێکێ، هەردووکیان پێکەوە هونەر پێکدەهێنن.
٭ لە ساڵی 1968 بووەتە ئەندامی تیپی مۆسیقای سلێمانی.
٭ هونەرمەند لە ساڵی 1969 خانەی مامۆستایانی تەواو کردووە و ئەندامی تیپی چالاکیی هونەریی پەروەردەیی سلێمانی بووە.
٭ لە ساڵانی 1975/1974 ئەندامی تیپی مۆسیقای شۆڕش بووە.
٭ ساڵی 1977 تیپی مۆسیقای پیرەمێردی دامەزراند.
٭ ساڵی 1978/1979 لە خولی شارەزایانی مۆسیقا بە پلەی نایاب یەکەمی لە ئاستی ئێراقدا بەدەست هێنا.
٭ ساڵی 1983 هاوکار لەگەڵ مامۆستا #ئەنوەر قەرەداغی# دا بەشی (مۆسیقای پەیمانگەی هونەرە جوانەکان)یان دامەزراند.
٭ ساڵی 1985 ئاوازی شاکاری مۆسیقای درامای ژاڵە.
٭ مۆسیقای درامای گوڵاڵە.
٭ مۆسیقای فیلمی نێرگز بووکی کوردستانە.
٭ کۆتەڵی گۆڕستانی چراکان.
خاوەنی زیاتر لە چواردە کۆڕاڵ و گۆرانی بە کۆمەڵ و چەندین پەرتووکی تایبەت بە مۆسیقایە و چەندینی تریش، بەشدار و کارا لە هەموو بۆنە هونەرییەکاندا.
٭ ڕاهێنەری مۆسیقای تیپی هونەریی میللی نەتەوەیی سلێمانی بووە لە ساڵی 2000-2008
٭ خاوەنی چەندیین ئاوازە بۆ چەندیین لە هونەرمەندانی دیاری کورد، وەک هونەرمەندان (#کەریم کابان#، #عوسمان عەلی#، #عەدنان کەریم#، #ئەسعەد قەرەداغی#، #پەیمان عومەر#، #ئەمەل سەعید کوردە#، #دیاری قەرەداغی#، #عەباس محەمەد بارام# و #تارا ڕەسوڵ#) نووسەری چەندیین پەرتووکی بواری مۆسیقایە:
٭ نووسینی پەرتووکی (تیۆرەکانی مۆسیقا).
هەر ئەم پەرتووکەی لە 771 لاپەڕەدا وەک بنەمایەک کردە پڕۆژەی پۆلێن کردنی مۆسیقای کوردی.
٭ پەرتووکی (فێر بوونی کەمانچە).
٭ پەیژەکانی مۆسیقای ڕۆژهەڵاتی ناوەڕاست.
هاندەرێکی باشی منداڵانی کورد بووە و چاودێریی کار و ناساندنیان بە دنیای مۆسیقا، کە لە ئێستادا 2022 کۆمەڵێک هونەرمەندی دیار و باشیان لێ درووست بووە.
٭ لە ساڵی 1998 لە وڵاتی هۆڵەندا ئەندامی کارای چەند تیپێکی سەمفۆنیی هۆڵەندیی بووە و تا ئێستاش 2022 بەردەوامە. [1]

ناو: سەڵاح
نازناو: سەڵاح هەورامی
ناوی باوک: ڕەئوف
ساڵی لەدایکبوون: 1980
شوێنی لەدایکبوون: #بیارە#
$ژیاننامە$
پاڵەوانی نێودەوڵەتی و ڕاهێنەرە، ناوسراوە بە (سەڵاح هەورامی) خەڵکی گوندی (هانەی دن)ە، لە سنووری شارەدێیی (بیارە).
هاوسەرگیری کردووە و باوکی 3 منداڵە.
ساڵی 1992قۆناغی سەرەتایی لە ( #موسڵ# )تەواوکردووە، هەروەها ساڵی 1996لە هەمان شار قۆناغی ناوەندی تەواوکردووە.
لە ساڵی 1994بۆ یەکەمجار دەستی کردووە بە یاری لەشجوانی.
خاوەنی چەندین نازناو و بڕوانامەی نێودەوڵەتییە.
بۆ یەکەمجار لە ساڵی 1997 بەشداری لە پاڵەوانییەتی کردووە لە شاری ( #کەرکووک#)، پلەی یەکەمی بەدەست هێناوە.
لە هەمان ساڵدا لە ( #بەغدا# ) پلەی دووەمی بەدەست هێناوە.
هەروەها ساڵی 1997 بەشداری پاڵەوانییەتییەکی کردووە لەسەر ئاستی ئێراق پلەی یەکەمی بەدەست هێناوە.
لە ساڵى 1998 لە هەولێر پاڵەوانییەتى کوردستان ئەنجام دراوە و پلەى یەکەمى بەدەست هێناوە.
لە ساڵى 1999 لە پاڵەوانییەتى ئێراق ، لە بەغدا بەشدار بووە و پلەى یەکەمى بەدەستهێناوە.
لە ساڵى 2004 لە سلێمانى ڕاهێنانەکانى دەستپێکردووەتەوە و چووەتە هەڵبژاردەی #سلێمانى# ، پاش دوو ساڵ بتوڵەى ئەندەى ئێراق بەشداربووە.
لە ساڵى 2006 بە هۆى لێهاتووى بەتواناییەوە نادى (ئەمانە)ى بەغدا گرێبەستى لەگەڵ دەکات و دەبێتە یاریزانى ئەو یانەیە.
ساڵى 2007 لە شاری (کوت) بەشدارى پاڵەوانییەتى لەشجوانى کردووە و یەکەم و نازناوى (جێکاتلەر)یان پێ بەخشیوە.
لە ساڵى 2018 لەوڵاتى ئیسپانیا بووەتە شەشەم یاریزان لەسەر ئاستى جیهان.
خاوەنى 4مەدالیارى نێودەوڵەتییە، 3مەدالیاش لەسەر ئاستى وڵاتانى ئاسیا، دەیان مەدالیاش لەسەر ئاستى ئێراق و هەرێم.
ناوبراو بڕوانامەی نێودەوڵەتی هەیە لە بواری ڕاهێنانی لەشجوانی، هەروەها بڕوانامەی نیودەوڵەتی هەیە لە دادوەری.
نوێنەری (ئتیحادی ئێراقە) لە هەرێمی کوردستان.
دەیان خەڵات و ڕێزلێنانی پێ بەخشراوە لەلایەن ڕێکخراو و دامەزراوە حکومی و حزبیەکانەوە لەسەر ئاستی هەرێم و ئێراق.
ماوەی زیاتر لە 4 ساڵە ڕاهێنەری هەڵبژاردەی لەشجوانی یانەی سلێمانییە.
ناوبراو ناوێکی دیارە لەسەر ئاستی ئێراق و هەرێم لە بواری یاری وەرزشی لەشجوانی، تاکوو ئێستاش بەردەوامە لەو جۆرە وەرزشە.[1]