$باکووری کوردستان$
- لە ناوەندی هاتای و ناوچەکانی ئەسکەندەروون، لە ئۆپەراسیۆنێکدا پۆلیسی تورکیا هەڵیکوتایە سەر ماڵی ئەندامانی #هەدەپە#. لەو ئۆپەراسیۆنەدا موحسین تاشان و ئەحمەد چاهان، هاوسەرۆکانی هەدەپەی ناوچەی ئەسکەندەروون و دەیان ئەندامی تری هەدەپە دەستگیرکراون.[1]=KTML_Photo_Begin=https://www.kurdipedia.org/files/relatedfiles/2018/153209/0009.JPG=KTML_Photo_Alt=دەوڵەتی تورکیا دارستانەکانی جولەمێرگ دەسوتێنێت=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153209/0009.JPG=KTML_Photo_End=
- لە دارستانەکانی ماقورک، ناوڤدەشت وڕێهلا ورچە-ی نێوان گوندەکانی کەهاهەمزۆ وهارێ-ی #جولەمێرگ# بە هۆی تۆپبارانی سوپای داگیرکەری تورکیاوە دارستانەکانی ئەو ناوچانە ئاگریان تێبەربووە. بە بیانووی ئەوەی کە شوێنی ئاگرەکە ناوچەی قەدەغەکراوە ڕێگە نادەن کەس بۆکوژاندنەوە وکۆنتڕؤڵکردنی ئاگرەکە لەشوێنە نزیک بێتەوە. ڕاگەیەنرا کە ئاگرەکە لە ناوچەکە پەرەی سەندووە.[1]
- هاوسەرۆکایەتیی کۆنسەی بەڕێوبەری کۆما جڤاکێن کوردستان- کەجەکە، بانگەوازیی هاوڵاتیانی کوردی دانیشتووی ئەڵمانیای کرد، کە خۆیان لە هەڵسوکەوتی توند دووربگرن و بەگوێرەی یاسا چالاکی بکەن، هەروەها داوای لە حکومەتی ئەڵمانیا کرد، کە سەردانەکەی ئەردۆغان بۆ ئەڵمانیا بەتاڵ بکاتەوە.[4]
$رۆژهەڵاتی کوردستان$
- لە 18هەمین خولی کێبڕکێی وەرزشییەکان لە شاری جاکارتا، وەرزشوانانی کورد، توانیان بەسەر ڕکەبەرکانیان سەربکەون و میداڵە زێر و زێوەکان بۆ خۆیان مسۆگەر بکەن. پارێزگای #کرماشان# بە بەشداریی 20 وەرزشوانی کچ و کوڕ، توانی 10 میداڵ بۆ خۆی لەو کێبڕکێیە ئاسیایییەدا بەدەست بهێنێت.[5]
- شەوی ڕابردوو، #کۆڵبەر#ێکی کورد، خەڵکی شاری #سەقز# بە تەقەی ڕاستەوخۆی هەنگی سنووری نەنوور پێکرا و بۆ چارەسەری پزیشکی ڕەوانەی نەخۆشخانە کرا. هەواڵنێری کوردپا لە شاری سەقز شوناسی ئەو کۆڵبەرە کوردەی بە ناوی ئاکۆ مینایی ناسراو بە ئاکۆ سەعادەت تەمەن 23 ساڵ کوڕی تەوفیق خەڵکی گوندی پیرئۆمرانی شاری سەقز ڕاگەیاندووە.[5]=KTML_Photo_Begin=https://www.kurdipedia.org/files/relatedfiles/2018/153209/0011.JPG=KTML_Photo_Alt=دوو چالاکی کرێکاریی لە شاری سنە دەسبەسەر کران=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153209/0011.JPG=KTML_Photo_End=
- دوو چالاکی کرێکاریی بە ناوەکانی موزەفەر ساڵح‌نیا ئەندامی هەیئەتی یەکیەتیی ئازادی کرێکارانی ئێران و خالید حوسێنی ئەندامی کۆمیتەی هەماهەنگی بۆ پێکهێنانی ڕێکخراوە کرێکارییەکان لە #سنە#، لە لایەن هێزە ئیتلاعاتییەکانەوە دەسبەسەر کرا و بۆ شوێنێکی نادیار ڕاگوێزرا.[5]
$باشووری کوردستان$
- دانیشتوانی گەڕەکی ئازادی لە شارۆچکەی #سۆران# لەدژی نەبوونی خزمەتگوزاری خۆپیشاندانیان ساز کردووە و هێزە ئەمنییەکان ڕێگە بە کەناڵەکانی ڕاگەیاندن نادەن ڕووماڵی خۆپیشاندانەکە بکەن. لەلایەکی ترەوە خۆپیشاندەران ڕێگەی سەرەکی سۆران – برادۆست-یان داخستووە.[3][4]=KTML_Photo_Begin=https://www.kurdipedia.org/files/relatedfiles/2018/153209/0006.JPG=KTML_Photo_Alt=پارتی و بزووتنەوەی گۆڕان لە سلێمانی کۆبوونەوە=KTML_Style=width:30%;height:20%;float:right;=KTML_Photo_Target_Link=https://www.kurdipedia.org/files/relatedfiles/2018/153209/0006.JPG=KTML_Photo_End=
- لەچەند بۆسەیەکی پۆلیسی ئیتیحادی لەباشوری #کەرکووک# 5 حەکداری گروپی تیرۆریستی #داعش# کوژران، ژمارەیەکی زۆر بۆمبی چێندراویش پوچەڵکرایەوە.[2]
- پارتی و #بزووتنەوەی گۆڕان# لە گردی زەرگەتەی #سلێمانی# کۆبوونەوە.[6]
- ئەنجومەنی سیاسی کۆمەڵی ئیسلامی ڕایگەیاند، کە خواستنی دواخستنی هەڵبژاردن خواستی ئەوان نییە و لەگەڵ ئەنجامدانی هەڵبژاردندان لەکاتی خۆیدا، داواش لە هاوڵاتیان دەکەن بەشداری لە هەڵبژاردندا بکەن.[4]
- فڕۆکە جەنگییەکانی دەوڵەتی تورکیای داگیرکەر ئەمڕۆ کاتژمێر 15:30 بۆردومانی دەوروبەری گوندەکانی قەڵاتوکان، سوورەدێ و دەڤەری شەهید هاڕوونیان کردووە لە هەرێمی #قەندیل#. هاوکات فڕۆکە جەنگییەکانی داگیرکەر بۆردومانی دۆڵی ڕەش، لۆلان و شەکۆی ناوچەی برادۆستیان کردووە لە هەرێمی خواکورک.[6]
- کۆمسیۆنی باڵای سەربەخۆی هەڵبژاردنەکان و ڕاپرسیی هەرێمی کوردستان، وادەی دەستپێکردنی بانگەشەی هەڵبژاردنی پەرلەمانی هەرێمی کوردستانی بۆ 11ی ئەم مانگە دواخست.[6]
$رۆژئاوای کوردستان$
- #شەڕڤان#انی #یەپەگە# و #یەپەژە# لە #عەفرین# لە دژی سوپای داگیرکەری تورکیا و چەتەکانی چالاکییان ئەنجامدا. لە چالاکییەکەدا ژمارەیەکی زۆر لە سەربازان و چەتەکانی سوپای تورکیای داگیرکەر کوژران. یەکەم چالاکیی شەڕڤانانی یەپەگە و یەپەژە لە گوندی تیریندێ-ی عەفرین ئەنجامدرا. تەقینەوەیەک لە خاڵی پشکنینی گوندەکە ڕوویدا، لەو تەقینەوەیەدا ژمارەیەکی زۆر لە چەتەکانی لیوای شیمال و توگای 23ی کوژران. هەروەها لە چالاکیی دووەمدا شەڕڤانانی یەپەگە ویەپەژە لە چیای ئیهلام ئۆتۆمبیلێک-ی سەربازییان کردە ئامانج. لەو چالاکییەکدا ژمارەیەک چەتەی سەربە سوپای تورکیا کوژران.[1]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2018/153209/0012.JPG=KTML_Photo_Alt=کوردستانییان لە کۆڵن، ناڕەزاییان دژی لەسێدارەدانی ڕامین حوسێن پەناهی دەربڕی=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2018/153209/0012.JPG=KTML_Photo_End=
- کوردستانییان لە کۆڵن، ناڕەزاییان دژی لەسێدارەدانی ڕامین حوسێن پەناهی دەربڕی.[6]
- وەزارەتی بەرگری تورکیا ڕایگەیاند کە داوای لە ویلایەتە یەکگرتوەکانی ئەمریکا کرودوە، چەکدارە کوردەکان لە خاکی سوریا دەربکات بە یەکجاری.[2]

پارێزگاکانی وان، موش، بەدلیس و جۆلەمێرگ لە ڕیزبەندی یەکەمی هەژارترین پارێزگاکانی تورکیان و داهاتی هەر خێزانێک ساڵانە دوو هەزار دۆلارە.
ناوەندی ئاماری تورکیاش ناوی 10 شاری باکووری کوردستانی وەکو هەژارترین شارەکانی تورکیا دەستنیشانکردووە.
پارێزگاکانی مێردین، ئێلح، شرناخ و سێرت داهاتی ساڵانەی هەر خێزانێک 11 هەزار و 204 لیرەی تورکییە کە دەکاتە هەزار و 970 دۆلاری ئەمریکی.
لە ڕوهاو #ئامەد#یش داهاتی ساڵانەی هەر خێزانێک هەزار و 998 دۆلاری ئەمریکییە.
ئەو کەسانەی لە ناوچەی سووری ئامەد بۆ ڕووداو قسەیان کرد، باس لە نەبوونی هەلی کار دەکەن، پیاوێک دەڵێت: دوو ساڵە بە شوێن کاردا دەگەڕێت، بەڵام دەستی ناکەوێت.[1]

ماوەیەکی درێژ بەسەر شەڕی دژ بە بەرخۆدانی خۆبەڕێوەبەریی شارەکانی باکووری کوردستان تێپەڕی. هەتا ئێستا 301 کەس کە لە کات و شوێنی جیاواز ژیانیان لەدەستداوە، تەرمەکانیان ڕادەستی خانەوادەکانیان نەکراوەتەوە‌. 301 تەرمی گۆڕستانی بێکەسان، ئەم جەژنەش به ‌بێکەسی مانەوە.
لە سەرەتای پڕۆسەی شەڕدا کە 24ی تەمووزی 2015 دەستی پێکرد، لە زۆر شاری باکووری کوردستان لە دژی هێرشەکانی دەوڵەتی تورکیا بەرخۆدانی خۆبەڕێوەبەری دەستی پێکرد. هەروەها لە چۆڵەوانی و دەشتاییەکانیش دژی هێرشەکانی قڕکردن بەرخۆدان دەستی پێکرد. لەم پڕۆسەیەدا زۆر گەنج و گەریلا ژیانیان لەدەستدا. تەرمی زۆر گەنج و شەڕڤان لە گۆڕستانەکانی بێکەسان نێژران و تا ئێستاش هەر له و گۆڕستانانە ماونەتەوە.
لە 16ی ئابی 2015 تا 1ی حوزەیرانی 2017، لە ئامەد 127، لە مێردین 32، لە جۆلەمێرگ 20، لە شرناخ 13، لە بەدلیس 8، لە ئێلیح 3، لە مووش 4، لە چەولیک 5، لە دێرسم 5 و لە خارپێت-یش جارێک بە ناوی (قەدەغەکردنی هاتووچۆ) دەوڵەتی تورکیا بە چەکی قورس و تەکنیکی پێشکەوتووی شەڕ، بە هەزاران چەکدارەوە هێرشی کردووەتە سەر گەنجانی کورد.
301 تەرم بە بێکەسی پێشوازییان لە جەژنێکی دیکە کرد
لە بەرخۆدانی خۆبەڕێوەبەریی شارەکان و چۆڵەوانییەکاندا، سەدان ئەندامی هێزەکانی پاراستنی گەل - هەپەگە، یەکینەکانی پاراستنی سیڤیل - یەپەسە، تەڤگەری گەنجانی وەڵاتپارێز و شۆڕشگێڕ - یەدەگەها ژیانیان لەدەستدا. سەرەڕای بەدواداچوونی خانەوادەکانیان، بەڵام تا ئێستاش تەرمی سەدان ئەندامی هەپەگە و یەپەسە ڕادەست نەکراونەتەوە. سەدان تەرم لە گۆڕستانەکانی بێکەسان نێژراون.
هێشتا لە گۆڕستانی یەنیکۆی ئامەد 23 تەرم، لە ڕوحا 27 تەرم، لە خارپێت 1 تەرم، لە دیلۆک 7 تەرم، لە جزیر 33 تەرم، لە سلۆپی 17 تەرم، لە شرناخ 42 تەرم، لە ئەرزرۆم 54 تەرم، لە ترابزۆن 6 تەرم، لە وان 6 تەرم لە سێرت 10 تەرم، لە بەدلیس 25 تەرم و لە مەڵەتی 50 تەرم پشکنینیان بۆ نەکراوە یاخوود ئه و خانەوادانەی خوێنیان بۆ پشکنینی DNA داناوە، ئەنجامیان بەدەستنەهێناوە.
سەرەڕای ئەوەی خانەوادەی تەرمەکان زۆر جار بەدواداچوونیان لە دادگەی شارەکان کردووە و بەمەبەستی پشکنینی DNA خوێنیان داناوە‌، بەڵام تا ئێستاش ناسنامەی 301 تەرم دەستنیشان نەکراوە. ئه و 301 تەرمە کە لە 13 شاری باکووری کوردستانن، ئەم جارەش بە بێکەسی پێشوازییان لە جەژن کرد.[1]
#15-06-2018#

وەزارەتی تەندروستیی تورکیا ئەمڕۆ چوارشەممە 27ی ئایاری 2020 ئاماری مردووانی بەهۆی ڤایرۆسی کۆرۆنا بەپێی پارێزگاکان بڵاوکردەوە.
بەپێی ئامارەکەی وەزارەتی تەندروستیی تورکیا 128 کەس لە باکووری کوردستان بەهۆی ڤایرۆسی کۆرۆنا گیانیانلەدەستداوە. لەسەر ئاستی باکووری کوردستان پارێزگای دیلۆک زۆرترین گیانلەدەستدانی لێ تۆمارکراوە کە 18 کەسە. هەروەها لەسەر ئاستی تورکیا ئیستەنبووڵ زۆرترین ژمارەی گیانلەدەستدانی لێ تۆمارکراوە کە 2 هەزار و 180 کەسە.
لە دوای بڵاوبوونەوەی ڤایرۆسی کۆرۆنا لە تورکیا لە 11ی ئاداری ئەمساڵدا، ئەوە یەکەمینجارە وەزارەتی تەندروستیی تورکیا ژمارەی مردووان بە کۆرۆنا بەپێی پارێزگاکان بڵاودەکاتەوە. پێشتر ڕۆژانە کۆی گشتی تووشبووان و مردووان بە ڤایرۆسەکەی بڵاودەکردەوە.
بەپێی ئامارەکانی وەزارەتی تەندروستیی تورکیا کە ئێوارەی سێشەممە بڵاوکراوەتەوە. تائێستا 158 هەزار و 762 کەس لە تورکیا و باکووری کوردستان تووشی ڤایرۆسی کۆرۆنا بوون، لەو ژمارەیە چوار هەزار و 387 کەس گیانیان لەدەستداوە و 121 هەزار و 507 نەخۆشیش چاکبوونەتەوە.
ئاماری مردووان بە کۆرۆنا لە پارێزگاکانی باکووری کوردستان:
قارس: 6 کەس
ئەرزینجان: 2 کەس.
ئەرزەڕۆم: 11کەس
چەولیک: 3 کەس
بەدلیس: 3 کەس
جۆلەمێرگ: 1 کەس
وان: 10 کەس
مووش: 7 کەس
مەڵەتی: 17کەس
#ئامەد#: 7کەس
رووها: 15کەس
سەمسوور: 13 کەس
دیلۆک: 18کەس
خارپێت: 4کەس
سێواز: 11کەس[1]
#27-05-2020#

ئاهەنگێکی تایبەت لە باکووری کوردستان ساڵی 1992[1]

ناوەندی ڕاگەیاندنی هێزەکانی پاراستنی گەل (هەپەگە) ڕاگەیەنراوێکی بڵاوکردەوە و ئاشکرای کرد، لە 28ی ئەیلوول\6ی ڕەزبەر سوپای تورکیا لە ناوچەی قلابان بە 10 هەزار سەرباز و جاش دەستی بە ئۆپەراسیۆن کردووە و دواتر بەبێ ئەنجام پاشەکشەی کردووە. هەپەگە ڕایگەیاند، (هێزەکانی داگیرکەر لە 3ی تشرینی یەکەم\11ی ڕەزبەر دەوروبەری گوندەکانی مەهرین، دریان و ڕژدێ-یان سووتاندووە و خۆیان لە ناوچەکە کشاندووەتەوە.)
دەقی ڕاگەیەنراوی هەپەگە:
(لە 28ی ئەیلوول\6ی ڕەزبەر سوپای تورکی داگیرکەر لە ناوچەی کەلا مەمێی سەر بە شارۆچکەی قلابانی شرناخ بە 10 هەزار سەرباز و جاشی گوندەکانی کتێر، دێرا هێنێ و سێگرکێ دەستی بە ئۆپەراسیۆن کردووە. سوپای تورکی داگیرکەر لە 29ی ئەیلوول\7ی ڕەزبەر سەرباز و جاشەکانی بە کۆپتەر هێناوەتە گوندەکانی دریان، ئاڤیان، ئاخیان، ڕژدێ، مەهرین، گردی ڕۆژنێ، گردی بایراک، دۆڵی هێزل، کانی تۆرشک و گوندی هۆزێ. هێزەکانی داگیرکەر لە 3ی تشرینی یەکەم\11ی ڕەزبەر دەوروبەری گوندەکانی مەهرین، دریان و ڕژدێ-یان سووتاندووە و لە ناوچەکە کشاونەتەوە.
$سوپای تورکیا هەمان ڕۆژ پاشەکشەی کرد$
سوپای تورکی داگیرکەر لە 28ی ئەیلوول\6ی ڕەزبەر لە سنووری پیردوودا-ی سەر بە ناوچەی فەراشینی شارۆچکەی ئەلکێی شرناخ دەستی بە ئۆپەراسیۆن کردووە. لە ئۆپەراسیۆنەکەدا لەنێوان سەربازانی دوژمن و هێزەکانماندا شەڕێکی سەخت ڕوویداوە. ڕوون نەبووەتەوە لەم شەڕەدا چەند سەرباز کوژران و بریندار بوون. له و شەڕەدا هەڤاڵمان چەکدار ئازاد قارەمانانە هەتا دوایین فیشەکی لە بەرانبەر دوژمن خۆی ڕاگرتووە و شەهید بووە. هەڤاڵمان سەرخوەبوون (سادق حەسەن ڕەشیدی)یش بەبرینداری کەوتووەتە دەستی دوژمن. هەمان ڕۆژ ئۆپەراسیۆن لە ناوچەکە پاشەکشەی کردووە.
$ناسنامەی هەڤاڵی شەهیدمان وەهایە:$
ناسناو: چەکدار ئازاد
ناو و پاشناو: فەردی مووسلوو
شوێنی لەدایکبوون: وان
ناوی دایک و باوک: سەمیهە - شەوکەت
شوێن و کاتی شەهیدبوون: شرناخ - 28ی ئەیلوولی 2018\6ی ڕەزبەر
$ناوچەی نەبرناڤێی سەر بە پاییزاوا بۆمباران کرا$
لە 14ی ئەیلوول\23ی خەرمانان کاتژمێر 22:30 سوپای تورکی داگیرکەر بە فڕۆکەی جەنگی ناوچەی نەبرناڤ-ی سەر بە شارۆچکەی پاییزاوای وان-ی بۆردومان کرد. لە دوای بۆردومانەکە سوپای تورکی داگیرکەر له بەرەبەیانیی 15ی ئەیلوول\24ی خەرمانان دەستی بە ئۆپەراسیۆنێک کردووە. لە ئۆپەراسیۆنەکەدا عەگید گۆیی (ڕۆژهات بابات) تەسلیمی هێزەکانی دوژمن بووە.
لە چەلێ ما‌کینەیەکی کاری سوپای تورک کرایە ئامانج
لە 3ی ئەیلوول\12ی خەرمانان کاتژمێر 9 هێزەکانمان لە دژی ئۆتۆمبێلێکی کاری سوپای تورکی داگیرکەر چالاکییەکیان ئەنجام داوە کە ڕێگەی گردی شووندر-ی لە سنووری دەشتان دروست دەکرد. لە چالاکییەکەدا ماکینەکە تێکشکێنراوە و کارکردنی ڕێگەکە وەستێنراوە.
$ناسنامەی گەریلا شەهیدەکان:$
لە ڕاگەیەنراوی ڕۆژی 26ی ئەیلوولی 2018\4ی ڕەزبەردا دەستنیشانمان کردبوو کە سوپای تورکی داگیرکەر لە ناوچەی ڕۆژدەرە-ی دێرسم دەستی بە ئۆپەراسیۆن کردووە و لە ئەنجامی بۆمباراندا 4 هەڤاڵمان شەهید بوون. ناسنامەی هەڤاڵە شەهیدەکانمان وەهایە:
1. ناسناو: ئارژین مالازگیرت
ناو و پاشناو: ئاسلی ئاکین
شوێنی لەدایکبوون: مووش
ناوی دایک و باوک: میاسەر کەرەم
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
2. ناسناو: ئازیمە چنار
ناو و پاشناو: فاتیمە سالتان
شوێنی لەدایکبوون: ئامەد
ناوی دایک و باوک: تورکی - شێخمووس
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
3. ناسناو: دیجلە گلیداگ
ناو و پاشناو: کەسیرە بیلیجی
شوێنی لەدایکبوون: وان
ناوی دایک و باوک: ناهیمە - سەڵاحەدین
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
4. ناسناو: سەفقان ئارداهان
ناو و پاشناو: محەمەد ئاشچی
شوێنی لەدایکبوون: ئیستەنبووڵ
ناوی دایک و باوک: گوندوز - نیعمەت
شوێن و کاتی شەهیدبوون: دێرسم - 17ی ئەیلوولی 2018\26ی خەرمانان
$فڕۆکەجەنگییەکانی سوپای تورک لە شوێنی هاوڵاتییانی سیڤیلی گەڤەریان دا$
فڕۆکە جەنگییەکانی سوپای تورکی داگیرکەر لە دژی هەرێمەکانی پاراستنی مەدیا هێرشی ئاسمانییان کردووه: لە 3ی ئەیلوول\11ی ڕەزبەر کاتژمێر 15:30 فڕۆکەجەنگییەکان ناوچەکانی چەمچۆ، شەهید شاهین و وەرخەلێی سەر بە هەرێمی زاپ-یان بۆردومان کردووە لە هەرێمەکانی پاراستنی مەدیا. لە هەمان ڕۆژدا کاتژمێر 19:50 فڕۆکە جەنگییەکان دەوروبەری گوندی ستوون-ی سەر بە ناوچەی گەڤەری جۆلەمێرگیان بۆردومان کردووە. لەم بۆردومانەدا ئاگر لە ڕەز و باخی گوندنشینان کەوتووەتەوە.)[1]
#04-10-2018#

ئەرشیڤی گێرتڕود بیڵ

لە وێنەکەدا سەربازێک یان سوارەیەکی کورد دەردەکەوێت و کێژۆڵەیەک ڕەشۆی ئەسپەکەی گرتووە، ئەم وێنەیە لە باکووری کوردستان و نزیکی سنوری ڕۆژئاوای کوردستان گیراوە لە ساڵی 1911 و لە ماڵپەری وێنە مێژوویەکاندا (pictures from history) پارێزراوە.[1]

بەپێی لە 30%ی جیاکردنەوەی دەنگەکانی هەڵبژاردنەکانی پەرلەمان و سەرۆکایەتیی تورکیا ئەنجامەکان بەمشێوەیەن:
هەڵبژاردنی پەرلەمان:
ئامەد:
هەدەپە: 60 %
ئاکپارتی: 28 %
جەهەپە: 2 %
هوداپار: 0.24%
ئیی پارتی: 2.8 %
مەهەپە: 1.35%
سەعادەت: 0.97 %
وان:
هەدەپە: 53 %
ئاکپارتی: 35 %
جەهەپە: 2.32 %
هوداپار: 0.69%
ئیی پارتی: 1.2 %
مەهەپە: 4 %
سەعادەت: 0.88 %
باتمان:
هەدەپە: 42 %
ئاکپارتی: 40 %
جەهەپە: 1.83 %
هوداپار: 0.14 %
ئیی پارتی: 1.22 %
مەهەپە: 2.34 %
سەعادەت: 3.44 %
ئاگری:
هەدەپە: 54 %
ئاکپارتی: 35 %
جەهەپە: 2.53 %
هوداپار: 0.42 %
ئیی پارتی: 1.22 %
مەهەپە: 2.65 %
سەعادەت: 0.72 %
شرناخ:
هەدەپە: 63 %
ئاکپارتی: 22 %
جەهەپە: 2.37 %
هوداپار: 2 %
ئیی پارتی: 1.45 %
مەهەپە: 3.55 %
سەعادەت: 0.72 %
جولەمێرگ:
هەدەپە: 53 %
ئاکپارتی: 29 %
جەهەپە: 4.23 %
هوداپار: 0.51 %
ئیی پارتی: 1.87 %
مەهەپە: 6.21 %
سەعادەت: 0.70 %
مێردین:
هەدەپە: 47 %
ئاکپارتی: 38 %
جەهەپە: 2.97 %
هوداپار: 1.51 %
ئیی پارتی: 0.98 %
مەهەپە: 3.60 %
سەعادەت: 1.8 %
دێرسیم:
هەدەپە: 47 %
ئاکپارتی: 38 %
جەهەپە: 2.97 %
هوداپار: 1.51 %
ئیی پارتی: 0.98 %
مەهەپە: 3.60 %
سەعادەت: 1.8 %
رحا:
هەدەپە: 22 %
ئاکپارتی: 55 %
جەهەپە: 2.97 %
هوداپار: 0.98 %
ئیی پارتی: 1.54 %
مەهەپە: 13 %
سەعادەت: 1.12 %
قەرس:
هەدەپە: 21 %
ئاکپارتی: 41 %
جەهەپە: 14 %
هوداپار: 0.1 %
ئیی پارتی: 6.8 %
مەهەپە: 7.7 %
سەعادەت: 0.75 %[1]
#24-06-2018#

بەداخێکی زۆرەوە شەوی ڕابردوو لە ئەنجامی بوومەلەرزەیەکی بەهێز لە باکووری کوردستان و ناوچە کوردنشینەکانی تورکیا ژمارەیەک هاووڵاتی گیانیان لە دەست داوە و ژمارەیەکی زۆریش بریندار بوونە.
سەرەخۆشی و هاوخەمیی خۆمان بە کەسوکاری قوربانیانی ئەو ڕووداوە دڵتەزێنە ڕادەگەیێنین و خۆمان بە هاوبەشی خەمیان دەزانین و هیوای چاکبوونەوەیش بۆ برینداران دەخوازین.
هیوادارین بە زووترین کات فریاگوزاری و هاوکاریی پێویست بە لێقەوماوانی ئەم ڕووداوە بگات.
بارەگای بارزانی
#25-01-2020#