ئاسایشی #سلێمانی# ڕایگەیاند، دوای گەڕان و لێکۆڵینەوە توانیویانە بکوژی ژنەکەی ناوچەی #فەیاڵ#ی سەر بە شاری سلێمانی دەستگیربکەن کە دوو ڕۆژ پێش ئێستا کوژرا.
ئاسایش لە ڕاگەیەندراوێکدا ئاشکرایکردوە، ئەو تۆمەتبارە لە دایکبووی ساڵی 1992 و لەسەر کێشەی کۆمەڵایەتی ژنەکەی خنکاندوە.
ئاماژەی بەوەشکردووە، تۆمەتبارەکە دانی بە تاوانەکەیەدا ناوە و وتەیەتی ژنەکەم لەماڵەکەی خۆیاندا خنکاند و بۆ ئەوەی دڵنیابم لە مردنی ژنەکە، تەرمەکەم لە کارەبا داوە.
ئاسایشی سلێمانی ڕاشیگەیاندوە، تۆمەتبارەکە بەپێی مادەی 406 لە یاسای سزادانی عێراقی دەستگیرکراوە و لێکۆڵینەوە لەگەڵیدا بەردوامە.[1]

بەپێی هەواڵێک کە بە کۆمەڵەی مافی مرۆڤی کوردستان گەیشتوە ئەمڕۆ دوای نیوەڕۆ هێزەکانی ئاسایشی سلێمانی هەڵیان کوتاوەتەسەر پەناخوازانی مانگرتو لەبەربارەگای نەتەوەیەکگرتوەکان لەسلێمانی و لەدوای بێ ڕێزیکی زۆر وکوتەک لێدانی یەکێک لەمان گرتوان بەناوی “کەیومەرس ڕەشیدی”،سێ کەسیان کەمانی لەخواردن گرتبو بەناوەکانی (خالیدنەقشی،محیەدین ئازادی، کەیومەرس ڕەشیدی) و هەروەها دووکەسی تر بە ناوەکانی” حەسن فیروزی و ڕەحیم فەیزوڵاهی” ڕاپێچی ئاسایش دەکرێن بەبیانوی ئەوەی کە ئێوەی پەنابەر ئاژاوەگێڕن.
ئەم پەناخوازانە مانگرتنەکەیان لە پێنجەم ڕۆژی خۆیدا کەدەنگدانەوەیەکی بەرچاوی هەبوو، بە شێوەی ناشیرین و ناسەردەمیانە پێ دەپێچنەوە.
دەگوترێت: هیچ بیانوێکی یاسایش بونی نییە بۆ ڕەوادان بەو کردەوەی ئاسایش. شایانی باسە لەخولی دووهەمی مانگرتنی پەنابەرانی ڕۆژهەڵاتییەوە کەبۆ داخوازیەڕەواکانیان لە بەربارەگای نەتەوەیەکگرتوەکاندا لەسلێمانی مانیان گرتبوو،هەرلەسەرەتاوە ڕایانگەیاندوە کە مانگرتنەکەیان دوور دەبێت لە توندوتیژی و پەناخوازان هیچ کردەوە ولێدوانێکی نایاساییان دەرنەبڕیوە،تەنانەت سێ کەسیان مانگرتن لەخواردنیان ڕاگەیاندبوو.
تائیستا ئاسایشی سلێمانی ڕوونی نەکردۆتەوە کە داخوازی یاسایی پەنابەر ان لەڕێکخراوێکی جیهانی،ئەویش لەچوارچێوەی دەسەڵاتی ئەو ڕێکخراووەیەدا،چ خاڵێکی ئاژاوەگێڕییە.
بەوتەی پەنابەرانی مانگرتو دیارە لەنێوان بەرپرسانی un و ئاسایشی سلێمانیدا ڕێککەوتنێک دژ بە مانگرتنی پەناخوازان هەیە
کۆمەڵەی مافی مرۆڤی کوردستان

کارزان تاریق - #سلێمانی#
ئاسایشی سلێمانی زیاتر لە 30 ملیۆن حەبی ترامادۆڵ لەناو دەبات کە ساڵی ڕابردوو لەلایەن هێزەکانیانەوە دەستی بەسەردا گیراوە.
ئەمڕۆ جەلال ئەمین بەڕێوەبەری نەهێشتنی ماددە هۆشبەرەکان لە ئاسایشی سلێمانی بە ئێن ئاڕ تی ڕاگەیاند، ئەو بڕە حەبە زیاتر لە 30 ملیۆن دەبێت و هەفتانە لە ناوچەی #قەرەگۆل# لە کوورەیەکدا لەناویان دەبەن.
ئاماژەی بەوەش کرد، حەبەکە 810 کارتۆنە و تا ئێستا نزیکەی 500 کارتۆنی لێ لەناوبراوە، بەڵام بەهۆی ئەوەی کوورەکە توانایەکی زۆری نییە، هەفتانە بڕێکی لێ لەناودەبەن.
ناوبراو وتیشی، ساڵی ڕابردوو 310 کەس لەسەر بەکارهێنان و بازرگانیکردن بە ماددە هۆشبەرەکانەوە دەستگیرکراون کە 10یان ئافرەت بوون، ئەمساڵیش تا ئێستا 140 کەس دەستگیرکراون.[1]
23-08-2017

بەڕێوەبەرایەتی ئاسایشی پارێزگای #سلێمانی# , بەمەبەستی نەهێشتن و بنبڕکردن و بازرگانی پێکردنی هەموو جۆرە مادەیەکی هۆشبەر و هەر جۆرە کارێکی نایاسایی , هێزەکانیان توانیان لەڕۆژانی 18/5/2019 تا ڕۆژی 24/2/2020 بەبڕیاری دادوەر، لەپارێزگای سلێمانی حەوت کەس دەستگیر بکەن, بەپێی ماددەی (14 مخدرات)، لەلایەن دادگای تاوانەکانی سلێمانی /2، لەڕۆژانی 17/8/2020 تا ڕۆژی 26/8/2020 سزادران بەم شێوەیەی لای خوارەوە، تاوانباران.
1- (ا، ا، ڕ) لەدایک بوی ساڵی (1996) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.
2- (م، ت، ف) لەدایک بوی ساڵی (1993) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.
3- (د، د، م) لەدایک بوی ساڵی (1999) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.
4- (ی، ع، ح) لەدایک بوی ساڵی (1981) ڕەگەزی (نێر)، پیشەی کاسب، سزادرا بۆ ماوەی (8) مانگ، غرامەکردنی بەبڕی (450000)چوارسەدوپەنجا هەزار دینار.
5- (ا، ح، ح) لەدایک بوی ساڵی (1992) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.
6- (ا، ع، س) لەدایک بوی ساڵی (1966) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.
7- (م، س، م) لەدایک بوی ساڵی (2001) ڕەگەزی (نێر)، پیشەی کاسب، سزادرا بۆ ماوەی (6) مانگ، غرامەکردنی بەبڕی (450000)چوارسەدوپەنجا هەزار دینار.[1]

دەزگای ئاسایشی هەرێمی کوردستان
بەڕێوەبەرایەتی ئاسایشی پارێزگای سلێمانی ژمارە : و-202
بەشی ڕاگەیاندن و پەیوەندیەکان ڕۆژ : 31-10-2016
---------------------------------------
بۆ - کەناڵەکانی ڕاگەیاندنی بەڕێز
ب - ڕونکردنەوە
هەموو لایەک ئاگادارئەکەینەوە، لەم دۆخەی ئێستادا کە وڵاتەکەمانی پێدا تێپەڕدەبێت، کە پێشمەرگە قارەمانەکان لەبەرەی جەنگ و بەرگریدان لەخاک و نیشتمان و کەرامەتی میللەتەکەمان، ڕۆژانە خوێن لەجەستەی پێشمەرگە ئەچۆڕێ و (داعش) بۆ پارسەنگی شکستەکانی لەکەرکوک و لێرەو لەوێ هێرش دەکەن و پلانیان هەیە، بۆیە مۆڵەتمان نەداوە لەم هەلو مەرجەی ئێستادا، کە ئەو ڕێکخراوو گروپ و دەستانە زۆربەیان فەرمی نین و مۆڵەتی خۆپیشاندانیان نییە.
لەگەڵ ڕێزدا
ڕاگەیاندنی
بەڕێوەبەرایەتی ئاسایشی پارێزگای سلێمانی
31-10-2016

بە بڕیاری بەڕێز دادوەر پێنج بازرگان و دەڵاڵ کە بەڕێکاری نایاسایی مامەڵەیان بە زەوی و زار و موڵکی گشتییەوە کردووە دەستگیرکراون، دەیان لێپرسراو و فەرمانبەری دامەزراوە کارگێڕییەکان و چەندین کەسیش کە وەک بریکار و دەڵاڵی زەوی و زار مامەڵەی نایاساییان ڕاییکردووە، لەلایەن دادگاوە بڕیاری دەستگیرکردنیان بۆ دەرچووە و لەلایەن هێزەکانمان ڕێوشوێنی پێویستی بۆ وەرگیراوە و دەستگیرکردنیان چووەتە بواری جێبەجێکردنەوە. لەچەند ڕۆژی داهاتووشدا بەردەوام دەبین لەدەستگیرکردنی هەموو ئەوانەی لەسەر بەرژەوەندی گشتی و مافی خەڵک پۆستەکانیان بۆ کاری نایاسایی قۆستووەتەوە.‎
بۆ هەموولایەکیشی ڕوون دەکەینەوە ئەو کەسانەی بڕیاری دەستگیرکردنیان بۆ دەرچووە پۆست و دەسەڵاتی خۆیان لە فەرمانگە حکومییەکان بۆ کاری نایاسایی و دوور لە ڕێنماییەکان و ڕەوشتی بەرزی فەرمانبەری بەکارهێناوە. لەبەرامبەر ڕەشوە مامەڵەی خەڵکی تریان تێپەڕاندووە و چەندین دۆسیەی زەوی و زار و موڵکی گشتییان لەدەرەوەی یاسا بەرکارەکانی هەرێم داگیرکردووە، بەکرێگیراوبوون و لە بەرامبەر بڕە پارەیەکدا ئەو کارانەیان ئەنجامداوە. [1]
‎بەڕێوەبەرایەتی ئاسایشی سلێمانی
‎19ی ئابی 2022

=KTML_FontSize_Begin=18=KTML_FontSize_Between==KTML_Bold=کۆی گشتی دەستگیرکراوان لە ئاسایشی سلێمانی لەماوەی یەک ساڵدا (2019) 3595 کەس بووە=KTML_End==KTML_FontSize_End=
بەپێی ئامارێکی ئاسایشی پارێزگای #سلێمانی# ئاماژە بەوەکراوە کۆی دەستگیرکراوان بە مادەی 2 و 4ی تیرۆر بریتیە لە 331 ئەندامی #داعش# کە 280ی ڕەگەزی نێرەو 51یان ڕەگەزی مێ کە 285یان عەرەب و 46 ئەندامیشیان کوردن کە لەو
ژمارەیە 36 تیرۆریستیان دراونەتەوە بە دەزگا ئەمنییەکانی عێراق.


ئاسایشی سلێمانی ئاماژەی بەوەشکردووە 291 کەس بە پێی مادەی 14ی موخەدەرات دەستگیرکراون کە دەستگیراوە بەسەر دەیان کیلۆ تلیاک و حەشیش و هێرۆین وشیشەو ترامادۆڵ حەپی هەمەچەشن.
ئەوەش ڕوونکراوەتەوە بەتۆمەتی کوشتن و دزی و ساختە و دزینی شوێنەوار و ڕفاندن و بازرگانیکردن بە جەستەی مرۆڤەوە قاچاخچێتی مرۆڤ و سیخوڕیکردن و بەزاندنی سنور 2027 تۆمەتبار لەهەردوو ڕەگەز دەستگیرکراون.
ئامارەکە ئاماژەی بەوەشداوە: 374 تۆمەتبار لە ئاسایشی سلێمانییەوە بەبڕیاری دادوەر ڕەوانەی پۆلیس کراون.

بەشێکی تری ئامارەکە باس لەوەدەکات لیژنەکانیان توانیویانە 5379 پسوڵەی سەرپێچی لەگەڵ لیژنەکانی قایمقامێتی سلێمانی بکەن و 343 دوکان و شوێن دابخەن و دەست بەسەر 1.143.854 کیلۆ خۆراکی بەسەرچوودا بگرن و بڕی 255.025.000 دینار سزای سەرپێچیکاران بدەن.

بەشێکی تری ڕاگەیاندراوەکە ئاماژەی بە دەرمانی بەسەرچوو کردووە و دەڵێت 778 کارتۆنی دەرمانی پزیشکی بەسەرچوو و 73 تەن و 554 کارتۆنی دەرمانی کشتوکاڵی لەناوبراون.
لەبارەی تاوانی تۆرە کۆمەڵایەتییەکان ئاماژە بەوەکراوە 536 کەس دەستگیرکراون، بەتۆمەتی خراپ بەکارهێنانی تۆڕە کۆمەڵایەتییەکانی فەیسبووک وسناپچات و ئینستاگرام و تۆڕەکانی دیکە.
.[1]
#23-01-2020#

لە هەندێک لەتۆڕەکۆمەڵایەتیەکاندا هەواڵێک بڵاوکراوەتەوە کەگوایە بەڕێوەبەرایەتی ئاسایشی سلێمانی (هێڵی مۆبایلی کۆڕەک تیلیکۆم)ی قەدەغەکردبێت لە کارمەندانی، ئێمە وەک بەڕێوەبەرایەتی ئاسایشی سلێمانی سەرلەبەری ئەم هەواڵە ڕەتدەکەینەوە بەهەموو لایەکی ڕادەگەیەنیین کە زۆربەی کارمەندانمان ژمارە مۆبایلی کۆمپانیای کۆڕەک تیلیکۆمیان پێیە لەسەروو هەموو مانەوە بەڕێز بەڕێوەبەری ئاسایشی سلێمانی، بۆ ڕاستی و دروستی ئەم گوتەشمان ژمارە مۆبایلی کۆڕەکی بەڕێز بەڕێوەبەری ئاسایشی سلێمانیە کە بریتیە لە ژمارە (07501520906) بۆ ئاگاداری هەموو لایەک.

لەگەڵ ڕێزدا

بەشی ڕاگەیاندنی
بەڕێوەبەرایەتی ئاسایشی پارێزگای سلێمانی

دواڕۆژ، زریان محەمەد
بەڕێوەبەری ئاسایشی #سلێمانی# ڕایدەگەیەنێت: لەماوەی یەک ساڵی ڕابردودا توانیویانە 300 تیرۆریست دەستگیربکەن.
حەسەن نوری، بەڕێوەبەری ئاسایشی سلێمانی بەدواڕۆژی ڕاگەیاند: هێزاکانی ئاسایشی سلێمانی لە#کەرکووک#ەوە تا #خانەقین# بەردەوام لەچاودێری ئاسایشی کوردستاندان و توانیویانە لەماوەی یەک ساڵی ڕابردودا 300 تیرۆریست دەستگیربکەن.
وتیشی: ئەو تیرۆریستانە کە دەستگیردەکرێن هەیانە لەلایەن حکومەتی عێراقەوە داواکراون و هاتونەتە کوردستان، ئێمەش دەستگیریان دەکەین لەڕێگای دادوەرەوە دەینێرینەوە بۆ حکومەتی عێراقی.
ئاماژەی بەوەشدا: تیرۆریستان لە هەموو جۆرێکیان تیادایە لە نەتەوە و ناوچە جیاوازەکانن، بۆیە هەمیشە بەپلانی وردتر و تۆکمەتر ڕووبەڕوویان بوینەتەوە.[1]
#03-01-2019#

ڕۆژی 8 ی شوبات دەستەی ناڕەزایەتی خەڵک، کۆنگرەیەکی ڕۆژنامەوانیان سازدا، سەبارەت بە نەخشەی حکومەت بۆ نانبڕینی خەڵک لەژێر ناوی ’’پاشەکەوتکردنی موچە‘‘ دا. وەک پیشەی هەمیشەییان هێزەکانی ئاسایش سەرەتا ویستیان پێش بە کۆبوونەوەکە بگرن، بەڵام زانیان سوربوونی هەڵسوڕاوانی دەستەکە و بەشداربووان پێشی پێناگیرێت، ناچار کۆڵیان دا. هەر لە کاتی ئەنجامدانی ئەم چالاکیەوە کەوتنە چاودێریکردنی خەڵک و هەڵسوڕاوان.
بە دوای تەواوبوونی کۆنگرەکەدا، چەند کەسێکی ئاسایش بە جلی مەدەنی و بە ئۆتۆمۆبیل دوای چەند هەڵسوڕاوێک کەوتن و هەڵسوڕاوانی دەستەی ناڕەزایەتی خەڵکیان خستبووە ژێر چاودێریەوە، بە ئۆتۆمۆبیلێکی‌ جۆری مازدا، ژمارە (20255) کە دوو کەسی تێدا بوو، ناویان لای ئێمە هەیە.
ئێمە لە کاتێکدا کە جەماوەری توڕە و ناڕازی لەم‌ کار و ڕەفتارانەی ئاسایش و دەزگا جاسوسیەکان ئاگادار ئەکەینەوە، لەهەمان کاتدا ڕایئەگەیەنین که دەست لەم کارانە هەڵبگرن.
دەسەڵاتی حکومەتی کوردایەتی نان و موچەی خەڵک ئەبڕێت و بە خەیاڵی خۆی ئەشیەوێت بە سەرکوت و چاوسورکردنەوه پێش بە ناڕەزایەتی خەڵک بگرێ‌ بەڵام ئەبێ باش بزانن کە برسیکردنی خەڵکی دەستەنگ و پیادەکردنی سیاسەتی سک هەڵگوشین، نەفرەت و توڕەیی خەڵکی گەیاندۆتە لوتکە و بەم ڕەفتارانە نەک پێشی پێ ناگیرێت و بەڵکو تورەیی خەڵک زیاتر دەکات، سەرکەوتن هەر بۆ جەماوەری ناڕازی ئەبێت. ‌
10-02-2016