Şêniyên Şedadê hedefgirtina kesayetên welatparêz û karkerên saziyên ‎Rêveberiya Xweser ji hêla şaneyên veşartî yên #DAIŞ#’ê ve, şermezar kir ‎û bang li gelê herêmê kir ku bi hêzên ewlekariyê re hevkar bin û li ser ‎kesên gumanbar agahiyê bidin.‎‏ ‏
‏Suîqest û hedefgirtina kesayetên welatparêz û navdar li Bakur û Rojhilatê Sûriyê ku red dikin bibin alav di destê dewleta Tirk a dagirker û çeteyên wê de, dewam dikin.
Piştî têkbirina DAIŞ’ê li Bakur û Rojhilatê Sûriyê, destên xiyanetê hewl didin gelê ‎herêmê û destkeftiyên wan, bi hedefgirtina kesayetên welatparêz ên herêmê têk bibin. Çeteyên MÎT’a Tirk yek ji pêşengên şoreşa Rojava Îsa Hiso di 30’ê Tîrmeha 2013’yan de li Qamişloyê sûîqast kiribû, her wiha di 14’ê Adara 2018’an de berpirsê Têkiliyên Giştî yê Meclisa Sivîl a Reqayê Omer Elûş li pêş mala wî ya li Girê Spî kiribûn hedef.
Di 2’yê Mijdara 2018’an de şêxê eşîra El Efadile ku yek ji mezintirîn eşîrên Reqayê ye, Beşîr Fesîl El Huwêdî bi guleyan di erebeya wî de li nêzî Mizgetfa Nûr Şerq a Reqayê hate suîqestkirin. ‎
Di 22’yê Çileya 2021’an de çeteyên DAIŞ’ê hevseroka Meclisa Til Şayid ê navçeya Deşîşe Sede Hermas û cîgira wê Hind Xidêr revandin û qetilkirin.
Di 12’yê Çileya 2022’yan de şaneyên veşartî yên çeteyên DAIŞ’ê 2 endamên Partiya Sûriya Pêşerojê Zekeriya El Cebar û Beşar El Hac Bekor dema li bajarê Erîma yê li rojhilatê Babê li ser erka xwe bûn, kirin hedef.
Herî dawî jî 13’ê Cotmehê, endamê Komîteya Parastinê ya meclisa navçeya Şedadê û endamê PYD’ê Mihemed Bozan ji hêla şaneyên çeteyên DAIŞ’ê ve dema vegera li mala xwe ya li gundê Elos, hate suîqastkirin.
Têkildarî suîqastkirinên li dijî kesayetên welatparêz û karmendên Rêveberiya Xweser şêniyên Şedadê da zanîn ku ev êriş êrişa li ser projeya neteweya demokratîk e û ew yek bi kiryarên tirsonak wesif kirin.
Endamê Tevgera Ciwanên Şoreşger a Sûriyê ya navçeya Şedadê ya Hesekê Mehmûd El Elî diyar kir ku şehîdxistina Mihemed Bozan û 2 endamên Meclisa Sivîl a Til Şayirê di 2021’ê de yek plan e û ji gelek aliyan ve ji bo têkbirina projeya neteweya demokratîk û Rêveberiya Xweser pêk hatin.

‛EV ÊRIŞ LI HEMBER TEMAMKIRINA PROJEYA ME NABIN ASTENG’
El Elî wiha domand: Ev êriş li pêş temamkirina projeya me nabin asteng.”
El Elî bang li gelê herêmê kir ku piştgiriyê bidin hêzên ewlehiyê û li ser ewlehiya ‎herêmê hişyar bin û wiha pê de çû: Parastina ewlehiya herêmê erka me ye. Em parastina bajar, sazî û karkerên wan dikin. Ew yek bi rêya agadarkirina li ser çi tevgereke bigûman an jî tiştekî biyanî derbasî herêmê bibe pêk tê û piştre hêzên ewlehî bi erkên xwe radibin.
Endama Kongra Star a Şedadê Menal El Ferîh jî got: Armanc ji êrişên dawî derbekirina ewlehî û îstîqrara li herêmê ye. Ew jî nîşaneya eşkere ya îflas û têkçûyên aliyên li pey sîxur û îxanetan disekinin. Di 2021’ê de xwestin vîna jina azad bi rêya hedefgirtin hevrêyên pêşeng li navçeya Til Şayid, Sede Hermas û Hind Xidêr, derbe bikin. Îro jî dîsa planên xwe yên qirêj li dijî endamên aktîf ên Rêveberiya Xweser pêk bînin, her wiha hevrê Mihemed Bozan ku hemû demê xwe ji bo desteka têkoşîna şoreşgerî û xebata rêveberî di saziyên Rêveberiya Xweser de pêk aniye, hedef girtin.
Menal El Ferîh ev tişt anî ziman: Şehadeta Mihemed Bozan, Hind, Sede û hwd israra me li ser pêkanîna serkeftinê, avakirina projeya Rêveberiya Xweser û belavkirina fikrê neteweya demokratîk zêde dike.
Li aliyekî din jî endama Komîteya Perwerdeyê ya Kongra Star a Şedadê Reşa El Qeta wiha got: Serkeftina ku Rêveberiya Xweser bi dest xistiye, bi taybet ji civaka ereb re li herêmên başûrê Hesekê ne normal e, lê belê rêveberiyê gel bi rêxistin kir û fikrê azad di navbera wan de belav kir. Ev yek li xweşiya dijmin nehat, ji lew re bi hemû keda xwe hewl didin vîna gelê hedef bigirin. ‎
Reşa El Qeta wiha dawî li gotina xwe anî: Em ê li ser şopa şehîdên xwe bin, xew û armanca wan di stûyên me de amanet e. Em heta serkeftina dawî ranawestin. Lê pêdiviya vê yekê, bi xebateke komî û hevkariya bi hêzên ewlehiyê re heye ku çi planên li dijî ewlehiya herêmên me eşkere bikin.[1]

​​​​​​​Ramî Zihdî: Divê rihê #hevkarî# û hevgirtinê di nava gelên Ereb û Kurd de bilind bibe
Reportaj Summay
HEVPEYVÎN

Siyasetmedarê misirî Ramî Zihdî da zanîn ku divê rihê hevkarî û hevgirtinê di navbera gelên Ereb û Kurd de bilind bibe û banga li wan kir ku li şûna xîtabkirina hikumetên dewletan xîtaba gelan bikin.
Siyasetmdarê misirî Ramî Zihîd diyar kir ku helwestên dewletên Ewropa yan jî hêzên navneteweyî ne yekalî ne yan jî adil in û her tim helwest û qanûnan li gorî berjewendiyên xwe diguherin.
Ramî Zihîd di hevpeyvînekê de bi ANHA`yê re îşaret bi girîngiya hevkariya di navbera gelên Ereb û Kurd de weke hevkariya di nava welat û erdnîgariyê de, kir.

HEVPEYVÎN WIHA YE:
Rêber Abdullah Ocalan ji beriya çend salan ve ji bo gelê Kurd û Kurdistanî tê dikoşe. Her tim ji bo çareserkirina doza Kurd tê dikoşe lê hewldanên wî rastî redkirin û komployê hatin. Di 15`ê Sibata 1999`an de bi komployeke navneteweyî dîl hate girtin. Hûn têkoşîna rêber Abdullah Ocalan çawa dinirxînin?
Têkoşîna birêz Abdullah Ocalan ji zilma li ser neteweya Kurd dest pê kir. Ew encama peymanên dûrxistina civakî, çandî û siyasî ye û di warê dîrokî de kesayetên mîna kesayeta Ocalan derket ku ew jî îlhamek ji gelê xwe re bû da ku xebatê berdewam bike heta ku armancên xwe pêk bîne. Têkoşîna birêz Ocalan û kesên din bingeha avakirina pêşeroja kesên mafên xwe dixwazin û parastina doza xwe dikin. Birêz Ocalan dê weke sembola serkeftinê di çanda Kurd de bimîne.
Hikumeta Tirkiyê ji beriya çend salan ve tecrîdeke giran li ser rêber Ocalan ferz dike. Ew yek li dijî hemû qanûnên navneteweyî heta li dijî qanûnên Tirkiyê jî. Bi nêrîna we sedem çi ye?
Ji ber pêkanîna desthilatên Tirkiyê ji vê siyasetê re, em nikarin wê bi nîştimaniyê wesif bikin û tişta pêk tîne berovajî pêdiviya welat e. Ew li dijî berjewendiya dewleta Tirk bi giştî dixebite. Tişta ku li dijî kurdan derket eşkere bû. Ji ber ew ji aliyên hejmar û bandorê ve neteweyeke xurt e. Doza Kurd ji têgihaştina sînorê dewleta Tirk û hikumeta Tirkiyê mezintir e. Hikumeta Tirkiyê ne niştîmanî ye û heta asta ku mirov bêje ne zîrek e û alava di destê hêzên derve yên navneteweyî de ye da ku armancên xwe yên stratejîk û aborî li herêmê, pêk bîne. Gelê Kurd her tim dibin fatûreyên binketî yên van planên bi armanca parçekirina herêmê û guhartina demografî.
Rêber Abdullah Ocalan û tevî rewşên giran di girtîgehê de, têkoşîna xwe dewam dike û projeya neteweya demokratîk ku banga mafên hemû gelan, azadiya jinê û xurtkirina têkiliyên hezkirin û aştiyê dike, pêşkêş kirin. Gelo nêrîna we der barê projeya neteweya demokratîk de heye ku niha li Bakur û Rojhilatê Sûriyê pêk tê?
Ji aliyê pîvana giştî ve mirov nikare ji bo armancên ku vê projeyê girtine ser xwe têkeve nakokiyan. Lê belê li gorî texmîna min pêdiviya projeyê bi jinûve karakterîzekirinê di herêmên cûda yên erdnîgariya navbera Sûriyê , Iraq, Tirkiyê û Îranê de heye. Tevî hevkariya di heman neteweyê û wekheviya rewşan de lê taybetmedniya detayan di navbera kurdên her dewletekê de cûda ye. Her wiha hewaya siyasî, civakî, aborî û rewşên ewlehiyê li her dewleteke li vê herêmê cûda ye.

Bêyî tu bingehên qanûnî Amerîka û YE’yê navê PKK’ê xistin lîsteya terorê re. Ev partî nûnertiya xwestek û têkoşîna gelê Kurd dike. Ev jî tê wateya krîmînalîzekirina gelê Kurd. Di nêrîna we de sedem çi ye û çima?
Helwestên dewletên Ewropa û hêzên navneteweyî ne yekalî ne û ne adil û her tim helwest û nêrînên xwe li gorî berjewendiyan, diguhêrin. Ez dibînim ku Kurd ji berê de jî ne teror bûn û nabin teror jî. Divê baweriya wan bi wan hebe û li şûna hikumetên dewletan ku li gorî berjewendiyên xwe tev digerin, heke li ser hesabê mirovahî û edaletê be jî, xîtaba gelên din bikin.

Dewleta Tirk terorê li dijî gelê Kurd bi kar tîne, ji dagirkirin û heta pêkanîna komkujî, guhertina demografiya Kurdistanê, bi cihkirina malbatên çeteyan tê de. Bi nêrîna we çima hesab ji dewleta Tirk nayê xwestin?
Ez dibînim ku dê dewleta Tirk ji ber çavên xwe ji van sûcan re digire, di demeke nêz de berdêleke giran bide. Heke di hin aliyên qanûnê de çavên xwe girtin, lê dê nikaribe berdewam bike. Dibe hemû dosya li Tirkiyê bi paş kevin, bi taybet dosyaya aborî û dosyaya têkiliyên derve, lê ew nîşaneyên krîzên rasteqîn ên rejîma Tirkiyê ye.

Di navbera gelên Kurd û Ereb de têkiliyên dîrokî yên xurt hene. Rêber Ocalan teqeziyê li ser girîngiya yekitiya her du gelan û têkoşîna wan ji bo bersivdayîna hemû xeteriyên li ser wan, dike. Bi taybet xeteriyên ku dewleta Tirk di destwerdana karûbarên piraniya dewletên ereban de ava dike. Bi nêrîna we niha ji gelên Kurd û Ereb di vê pêvajoyê de çi tê xwestin?
Tişta ku tê xwestin bilindkirina hevgirtin û hevkariya welatan e. Bilindkirina neteweya erdnîgarî li ser fikreya neteweya erebî ye ku ne baş û ne serkeftî bû û ne li gorî berjewendiyên gelên de be. Hevkariya di navbera me hemûyan de weke hevkarên di welat û erdnîgariyê de ya herî girîng e û di ser netewe, ol û ziman re ye. Em dizanin ku cudahiya hêz û hevgirtinê ne sedema nakokiyê ye.[1]

[1]

[1]

[1]