ناو: هێرۆ
ناوی باوک: بەهادین
ڕۆژی کۆچی دوایی: #23-08-2024#
شوێنی لەدایکبوون: شارەدێی #سەنگاو#-#چەمچەماڵ#
شوێنی کۆچی دوایی: #سەیدسادق#
$ژیاننامە$
هێرۆ بەهادین، یەکێک بوو لە ڕۆژنامەنووسەکانی کوردستان لەگەڵ (#گوڵستان تارا#) لە ئەنجامی بۆردومانە درۆنییەکەی تورکیا لە شارۆچکەی سەیدسادق گیانییان لە دەستدا. [1]
کەسوکاری هێرۆ بەهادین لە چەند کەناڵێکی ڕاگەیاندنەوە بەتایبەت لە ماڵپەڕی سبەی خاتوو بێریڤان بەهادینی خوشکی هێرۆی وەکوو ڕۆژنامەنووس ناساندووە و پەیوەندی بە هیچ ڕێکخراوێکی سیاسییەوە نەبووە
هێرۆ بەهادین لە 25ی تشرینی دووەمی 1992 لە شارەدێی سەنگاوی سنووری شارۆچکەی چەمچەماڵی سەربە پارێزگای سلێمانی لە دایک بووە و لە ساڵی 2018ەوە دەستی بە کاری ڕۆژنامەوانی کردووە و کارمەندی بەشی هونەری بووە.
هێرۆ بەهادین لە ئەنجامی بۆردومانێکی تورکیادا لە نزیک شارۆچکەی سەیدسادق لەگەڵ ژنێک بە ناوی گوڵستان تارا گیانی لەدەست دا.
بەپێی ڕاپۆرتی ڕێکخراوی cpj، هێرۆ بەهادین هاووڵاتییەکەی مەدەنی بووە و وەک مۆنتێر لە کۆمپانیای چەتر کاری میدیایی کردووە.
بێریڤان بەهادین خوشکی هێرۆ بەهادین بە سایتی سبەی ڕاگەیاندووە، کچەکەیان ڕۆژنامەنووس بووە، ئەندامی هیچ پارتێکی سیاسی نەبووە و بەهۆی باوەڕی سیاسییەوە دامەزراوەیەکی میدیایی دیاریکراوی بۆ کارکردن هەڵنەبژاردووە.
وەزارەتی بەرگری تورکیا بە فەرمی ئەو بۆردومانەی لە ئەستۆگرتووە کە هێرۆ بەهادین تێیدا گیانی لەدەست داوە بەڵام هیچ ئاماژەیەکی بە گیانلەدەستدانی نەکردووە.
وەزارەتی بەرگری تورکیا ڕاگەیاندووە، گوڵستان تەکیک ناسراو بە گوڵستان تارا ئامانجی هێرشەکە بووە کە ئەندامی پارتی کرێکارانی کوردستان - پەکەکە بووە.
[1]